SRAT NIBOHON MBEN ISRAEL GI NIGOM
NIHYET GI BIBIE TUT
Srat Nibohon Mben Israel Gi Gom kin Gi Can nindigsi nya pai sut nibohon Israel di ipui sut ei Srat Samuel kin Srat Nibou Ndig Nyati tu. Noro ipui sut mun di pek kep dima bit leu ningig niyai kepti gi ter ei Srat Nibohon Mben Israelti. Nipui sut Israel ninyeng tak kepti ei Srat Nibohon Mben Israelti dima bon nimbot kepti ninyeng can.
1. Mem gima bindo tut bipia mbro nok gino mun di buhun cut igkep Israel ninyeng tak kepti kin minu Yehuda tu lo, Allah krau kep mun di Noni preu ei mem yo dima ba, bindei mbut ningon kanti di tin ei mem Nide limwa nya tug hon timiei Yehuda nya. No di pas kep nibohon dini ningon ngkiem tut lewo yok ngon kep mindur di nindig bibor nya di ntun Daud Salomo nya him kin Yosafat Hizkia Yosia nya di ibiwin Allah de limwa nya lene iba ingon gom bikuk yok bak Noni cem.
2. Mem gima bipai sut nibon midut nikuk no bak TUHANti ei Nide Ig ei minu ndig Yerusalem leu nimbie him ngat kwei su. Ba, gi bon ninyeng rino nidimig sut midyai imam nimbutti kin yo di intun Lewi him di igyai midyai ei midut ningat nikuk no bak Allahti cem. Mbro nok gino ningat ne Salomo rino ngot TUHAN De Ig ei minu ndig Yerusalem lo, Srat Nibohon Mben Israel ndo tut Daud di ngot TUHAN De Ig ningat bitut nibon midut nikuk no bak Allah eisi.
Nirop Ninda Ndigsi
Pung di intun yam him inyenga 1:1--9:44
Nibou Ndig Saul nimaisi 10:1-14
Nibou Ndig Daud ninyeng tak kep Israel titut yam 11:1--29:30
a. Mun di nggruk di cut igkep yok kin mindur di igyai nya 11:1--22:1
b. Nitin ei ndigban mem ningot TUHAN De Igsi 22:2--29:30