SRAT NIBOHON MBEN ISRAEL GI NIGOM
Pung nintun him leu Adam kikau bipek Abraham
(Kej. 5:1-32, 10:1-32, 11:10-26)
Yo di intun Adam him ug bipek yo di intun Nuh him
1
1-4 Pung di mben Israel idigup bat-idigai bat nya intun him leu Adam kikau ug bipek Nuh sindam inyeng rino Adam kin Set kin Enos kin Kenan kin Mahalaleel kin Yared kin Henokh kin Metusalah kin Lamekh kin Nuh.Yo di intun Nuh him nya
Nuh yai nipmot bat nya ibou ningai di inyeng rino Sem kin Ham kin Yafet.
5 Yafet yai nipmot bat nya di inyeng rino Gomer kin Magog kin Madai kin Yawan kin Tubal kin Mesekh kin Tiras. Yo dini ne pung di mem mben di iba yok bijem inyeng hanyen nya intun him ri. 6 Gomer de nintun him di bram yam nya rino mben Askenas kin mben Rifat kin mben Togarma. 7 Yawan de nintun him di bram yam nya rino mben Elisa kin mben Spanyol kin mben Siprus kin mben Rodes.
8 Ham yai nipmot bat nya di inyeng rino Kus kin Mesir kin Libia kin Kanaan. Yo dini ne pung di mem mben di iba yok bijem inyeng hanyen nya intun him ri. 9 Kus de nintun him di bram yam nya rino mben Seba kin mben Hawila kin mben Sabta kin mben Raema kin mben Sabtekha. Yo di intun Raema him rino mben Syeba kin mben Dedan. ( 10 Kus yai nipmot Nimrod ba, noni ne Nihwen Mun Cig gi nimbie him ngat ei dihyeisi dini ri.) 11-12 Mesir de nintun him di bram yam nya rino mben Lidia kin mben Anamim kin mben Lehabim kin mben Naftuhim, kin mben Patrusim kin mben Kasluhim kin mben Kreta. Mben Kreta ne pung di mben Filistin intun him ri. 13 Kanaan yai nipmot bat nya di inyeng rino Sidon kin Het. Sidon ne munggwom mighumbou ri. Cin dini ne pung di mem mben di iba yok bijem inyeng hanyen nya intun him ri. 14-16 Kanaan ne pung di mben Yebusi kin mben Amori kin mben Girgasi, kin mben Hewi kin mben Arki kin mben Sini, kin mben Arwadi kin mben Semari kin mben Hamati nya intun him ri.
17 Sem yai nipmot bat nya di inyeng rino Elam kin Asyur kin Arpakhsad kin Lud kin Aram kin Us kin Hul kin Geter kin Mesekh. Yo dini ne pung di mem mben di iba yok bijem inyeng hanyen nya intun him ri. 18 Saleh nicig ninyeng Arpakhsad. Lene Eber nicig ninyeng Saleh. 19 Eber yai nipmot bat nya ibou can. Ba, mighumbou ninyeng Peleg lewo tungwatu nya ikwas yam ei nimpung mien-mien ei nijam di noni srek eisi dima. Lene nipumiap ninyeng Yoktan. 20-23 Yoktan de nintun him di bram yam nya rino mben Almodad kin mben Selef kin mben Hazar-Mawet kin mben Yerah, kin mben Hadoram kin mben Uzal kin mben Dikla, kin mben Ebal kin mben Abimael kin mben Syeba, kin mben Ofir kin mben Hawila kin mben Yobab.
Yo di intun Sem him kikau bipek yo di intun Abraham him
24-27 Pung di mben Israel idigup bat-idigai bat nya intun him leu Sem kikau bipek Abraham sindam inyeng rino Sem kin Arpakhsad kin Saleh kin Eber kin Peleg kin Rehu kin Serug kin Nahor kin Terah kin Abram (tungwatu nya yahagom ikan tut bipia ninyeng Abraham).
Yo di intun Ismael him
(Kej. 25:12-16)
28 Abraham yai nipmot bat nya ibou can di inyeng rino Ishak kin Ismael. 29-31 Ismael nipmot mighumbou ninyeng Nebayot. Gi bram nya inyeng rino Kedar kin Adbeel kin Mibsam, kin Misma kin Duma kin Masa kin Hadad kin Tema, kin Yetur kin Nafis kin Kedma.
Yo di intun Abraham Ketura nya him
32 Abraham nitnem ndrim ninyeng Ketura. Abraham yai nipmot bat di Ketura srek tut yok nya di inyeng rino Zimran kin Yoksan kin Medan kin Midian kin Isybak kin Suah. Yoksan yai nipmot bat nya ibou can di inyeng rino Syeba kin Dedan. 33 Midian yai nipmot bat nya di inyeng rino Efa kin Efer kin Hanokh kin Abida kin Eldaa.
Yo di intun Ishak nipmot Esau him
(Kej. 36:1-19)
34 Abraham nipmot Ishak yai nipmot bat nya ibou can di inyeng rino Esau kin Yakub. (Yakub di ijem ninyeng hi rino Israel.) 35 Esau yai nipmot bat nya di inyeng rino Elifas kin Rehuel kin Yeus kin Yaelam kin Korah. 36 Elifas nok pung di keret Teman kin Omar kin keret Zefi kin keret Gaetam kin keret Kenas kin keret Timna kin keret Amalek nya intun him. 37 Lene Rehuel nok pung di keret Nahat kin keret Zerah kin keret Syama kin keret Miza nya intun him.
Timiei mben Edom ngat nya
(Kej. 36:20-30)
38-42 Timiei mben Edom ngat nya ne yo di intun Seir nipmot bat nya him ri. Seir nipmot bat nya dima inyeng rino Lotan kin Syobal kin Zibeon kin Ana kin Disyon kin Ezer kin Disyan.
Lotan nipmot bat nya inyeng rino Hori kin Homam. Lotan bon nikwohop ngat di ninyeng rino Timna.
Syobal nipmot bat nya inyeng rino Alyan kin Manahat kin Ebal kin Syefi kin Onam.
Zibeon nipmot bat nya inyeng rino Aya kin Ana. Ana nipmot ninyeng Disyon. Lene Disyon nipmot bat nya inyeng rino Hamran kin Esyban kin Yitran kin Keran.
Ezer nipmot bat nya inyeng rino Bilhan kin Zaawan kin Yaakan.
Disyan yai nipmot bat nya ibou can di inyeng rino Us kin Aran.
Nibou Ndig mben Edom
(Kej. 36:31-43)
43 Nipou tirigi nibou ndig hi ninyeng tak kep Israel bigyo lene nibou ndig dini inyeng tak kep mben Edom. Bela ne Beor di nitimieisi leu Dinhaba nipmot ri. 44 Yobab ne Zerah di nitimieisi leu Bozra nipmot ri. 45 Husyam di kwei leu minu Teman. 46 Hadad ne Bedad di nitimieisi leu Awit nipmot ri. (Noni ripo kon pran bit mben Midian bibindei timek yok ei itimieisi.) 47 Samla di nitimieisi leu Masyreka. 48 Saul di nitimieisi leu Rehobot ei minyei nintig dip 49 Baal-Hanan di Akhbor nipmot. 50 Hadad di nitimieisi leu Pahi (nitnem ninyeng Mehetabeel di Matred nipmisop ba, Mezahab nidrot ri).
51-54 Mben Edom dima ne keret Timna kin keret Alya kin keret Yetet, kin keret Oholibama kin keret Ela kin keret Pinon, kin keret Kenas kin keret Teman kin keret Mibzar, kin keret Magdiel kin keret Iram nya ri. Iba pung di intun him nya bijem keret nya hi gom hi gom inyeng.