Yo di intun Yakub nipmot Yehuda him
2
1-2 Yakub yai nipmot bat nya ibou simnaibrimigcan di inyeng rino Ruben kin Simeon kin Lewi kin Yehuda kin Isakhar kin Zebulon, kin Dan kin Yusuf kin Benyamin kin Naftali kin Gad kin Asyer.3-4 Yehuda yai nipmot bat nya ibou muhwi. Nitnem ne Batsyua di sop timiei mben Kanaan rin ba, srek tut Er kin Onan kin Sela. Lene nitnem Tamar srek tut Peres kin Zerah. Nitnem Tamar ne Yehuda nonti nignyot ri. Yehuda nipmot mighumbou Er dima bon mun di kinei bibor apino TUHAN yai nimai binoni.
5 Peres yai nipmot bat ibou can di inyeng rino Hezron kin Hamul. 6 Zerah yai nipmot bat nya ibou muhwi ba, inyeng rino Zimri kin Etan kin Heman kin Kalkol kin Dara. 7 Karmi nipmot Akhan di ntun Zerah him bindei ba, mun di buhun cut igkep mben Israel mem mpe di po ikon pran lo, noni pos biku ndigban di ikes pijum hak ei mem Allah. 8 Etan yai nipmot gom ngat di ninyeng rino Azarya.
Pung di Nibou Ndig Daud nicig Isai ntun him
9 Hezron yai nipmot bat nya ibou ningai di inyeng rino Yerahmeel kin Ram kin Kaleb.
10-12 Pung leu Ram kikau ug bipek Isai nimbutti rinok gini. Ram yai nipmot Aminadab di yai nipmot Nahason (noni ne timiei keret Yehuda gom di ninyeng jei ri) di yai nipmot Salmon di yai nipmot Boas di yai nipmot Obed di yai nipmot Isai.
13-15 Isai yai nipmot bat nya ibou muhwindacan di ipas kep bit leu njap di ipmem srek tut yokti ba, inyeng rino Eliab kin Abinadab kin Simea, kin Nataneel kin Radai, kin Ozem kin Daud. 16 Isai yai nipmisop bat ibou can di inyeng rino Zeruya kin Abigail. Zeruya yai nipmot bat nya ibou ningai ba, inyeng rino Abisai kin Yoab kin Asael. 17 Abigail wak Yeter di ntun keret Ismael him. Yo cin dima igyai ipmot gom ngat di ninyeng Amasa.
Yo di intun Hezron him
18 Kaleb di Hezron nipmot wak Azuba. Leu api yo cin igyai ipmisop gom ngat di ninyeng rino Yeriot. Yeriot srek tut nipmot bat nya ibou ningai ba, inyeng rino Yezer kin Sobab kin Ardon. 19 Tirigi Azuba mai leu su lene Kaleb wak nitnem Efrat bu. Lene Kaleb Efrat nya igyai ipmot gom ngat di ninyeng rino Hur. 20 Hur cem yai nipmot gom ngat di ninyeng rino Uri ba, Uri nignyon ninyeng Bezaleel.
21 Tirigi Hezron de njap ug ei ari bingwam ningot muhwindagom tu lene wak Makhir di Gilead nikwohop. Leu api igyai Segub di ipmot gom ngat. 22 Lene Segub yai nipmot gom ngat di ninyeng Yair. Yair ninyeng tak kep hanjop nsi ningot can ba, ningai ei minu Gilead. 23 Noro Gesur kin Aram ikiju tut ide limwa di inyeng tak kep yok nya ba, ibindei timek hanjop nsi ningot muhwindagom ei minu Gilead pima bitut mben Yair ide hanjop nsi nya kin Kenat de hanjop nsi nya kin minu mien-mien di gahai nya cem. Tungwatu nya yahagom di intun Gilead nicig Makhir him ibong ei minu dima. 24 Tirigi Hezron mai lene nipmot Kaleb wak kibom Efrat di nicig mai leu dima. Lene igyai ipmot gom ngat di ninyeng rino Asyhur. Asyhur rino win minu ndig Tekoa.
Yo di intun Yerahmeel him
25 Hezron nipmot mighumbou Yerahmeel yai nipmot bat nya ibou muhwi di inyeng rino Ram (Ram ne mighumbou ri) kin Buna kin Oren kin Ozem kin Ahia. 26-27 Ram yai nipmot bat nya ibou ningai di inyeng rino Maas kin Yamin kin Eker. Yerahmeel wak nitnem ndrim di ninyeng rino Atara ba, igyai ipmot gom ngat di ninyeng Onam. 28 Onam yai nipmot bat nya ibou can di inyeng rino Samai kin Yada. Samai yai nipmot bat nya ibou can di inyeng rino Nadab kin Abisur.
29 Abisur wak Abihail leu api igyai ipmot bat nya ibou can di inyeng rino Ahban kin Molid. 30 Abisur nikindig Nadab yai nipmot bat nya ibou can di inyeng rino Seled kin Apaim. Noro Seled mai hanyen tirigi yai nipmot hi bigyo. 31 Apaim yai nipmot Yisei lene Yisei yai nipmot Sesan lene Sesan yai nipmot Ahlai.
32 Samai nikinjoi Yada yai nipmot bat nya ibou can di inyeng rino Yeter kin Yonatan. Noro Yeter mai urung leu ba, yai nimunggwom hi bi. 33 Yonatan yai nipmot bat nya ibou can di inyeng rino Pelet kin Zaza. Yo dini yahagom sok yam ne Yerahmeel de nintun him di bram yam nya ri.
34 Sesan yai nipmot bat nya hi bi noro yai nipmisop bat nya nongkom he. Lene noni ndo Yarha di nide awak mben Mesir, 35 bak nipmisop bat pima yok igom. Leu api igyai ipmot gom ngat di ninyeng Atai. 36-41 Pung leu Atai kikau bipek Elisama nimbutti rinok gini. Atai yai nipmot Natan di yai nipmot Zabad di yai nipmot Eflal di yai nipmot Obed di yai nipmot Yehu di yai nipmot Azarya di yai nipmot Heles di yai nipmot Elasa di yai nipmot Sismai di yai nipmot Salum di yai nipmot Yekamya di yai nipmot Elisama.
Yo di intun Kaleb him
42 Yerahmeel nikinjoi Kaleb yai nipmot gom ngat di ninyeng Mesa. Mesa ne munggwom mighumbou ri. Mesa yai nipmot Zif di yai nipmot Maresa di yai nipmot Hebron. 43 Hebron yai nipmot bat nya ibou bitai di inyeng rino Korah kin Tapuah kin Rekem kin Sema. 44 Sema yai nipmot Raham di yai nipmot Yorkeam. Sema nikindig Rekem ne Samai nicig ri. 45 Samai yai nipmot Maon di yai nipmot Bet-Zur.
46 Kaleb nitnem ndrim ninyeng Efa. Kaleb Efa nya igyai ipmot bat nya ibou ningai di inyeng rino Haran kin Moza kin Gazes ba, Haran yai nipmot gom di Gazes.
( 47 Yohdai yai nipmot bat nya ibou muhwindagom ba, inyeng rino Regem kin Yotam kin Gesan kin Pelet kin Efa kin Saaf.)
48 Kaleb nitnem ndrim hi kin bu ninyeng Maakha. Kaleb Maakha nya igyai ipmot bat nya ibou can di inyeng rino Seber kin Tirhana. 49 Maakha Kaleb nya yuusap munggwom pinai ibou can ei nidipti bu di ninyeng Saaf di win minu ndig Madmana kin Sewa di win minu ndig Makhbena kin minu ndig Gibea.
Lene Kaleb yai nipmisop gom ngat di ninyeng Akhsa.
50 Kaleb de nintun him di bram yam nya hi kin bu yo rinaha.
Kaleb kin nitnem Efrat igyai ipmot mighumbou di ninyeng Hur. Hur yai nipmot Syobal di win minu ndig Kiryat-Yearim. 51 Hur nipmot gi nican di Salma win minu ndig Betlehem lene nipmot gi niningai di Haref win minu ndig Bet-Gader.
52 Syobal di win minu ndig Kiryat-Yearim pima ne pung di mben Haroe kin timiei Menuhot nite hi, 53 kin hi ninsi de gom hi ninsi de gom di ibong ei Kiryat-Yearim. Yo dima ne Yetri ninsi de gom kin Puti ninsi de gom kin Sumati ninsi de gom kin Misrai ninsi de gom intun him ri. (Timiei minu ndig Zora kin minu ndig Esytaol imbier kim yo dini insi de nya him.)
54 Salma di win minu ndig Betlehem ne pung di mben Netofa kin mben Atarot-Bet-Yoab kin mben Zori intun him ri. Ba, mben Zori ne igom leu insi de can di ibong ei Manahti ri.
55 Ibou poi leu Tirati ninsi de nya kin Simati ninsi de nya kin Sukati ninsi de nya di ibong ei minu ndig Yabes ingon ki tut gi ipas srat bokti ba, ipas kep srat di nibokti bit yam nyen-nyen cem. Yo dini ne mben Keni kin mben Rekab di iwak yam ri.