Yo di intun Benyamin him
8
1-2 Munggwom pinai di Benyamin de nya ibou muhwi. Ipas kep inyeng ba, ibibit leu njap di isrek tut yok ba, inyeng rino Bela kin Asybel kin Ahrah kin Noha kin Rafa.3-5 Bela de nintun him di bram yam nya inyeng rino Adar kin Gera kin Abihud kin Abisua kin Naaman kin Ahoah kin Gera kin Sefufan kin Huram.
6-7 Ehud de nintun him di bram yam nya inyeng rino Naaman kin Ahia kin Gera. Yo dini ne nibou ibei nsi nya po ibong ei Geba pima ri. Noro mun nyeng hi bindei ba, Gera di nok nibou tut yok bie tut yok tirigi inang leu sirima. Ipri leu minu dima ug ei Manahat bibong ei mpia dima bu. Gera yai nipmot bat nya ibou can ba, inyeng rino Uza kin Ahihud.
8-10 Saharaim kou nitnem bat cin di Husim kin Baara hak. Leu api mpe di bong ei minu Moab lene wak sop Hodes. Leu api igyai ipmot bat nya ibou muhwindacan ba, inyeng rino Yobab kin Zibya kin Mesa kin Malkam kin Yeus kin Sokhya kin Mirma. Yo dini yahagom inok nibou ig bei nsi nya.
11 Lene nitnem Husim pima yai nipmot bat nya ibou can bak noni ba, inyeng rino Abitub kin Elpaal.
12 Lene Elpaal yai nipmot bat nya ibou ningai. Yo dima inyeng rino Eber kin Misam kin Semed. Semed dini ripo win minu ndig Ono kin Lod bitut minu mien di jo ttai nya cem.
Keret Benyamin di ibong ei Gad kin Ayalon
13 Niabiati Beria kin Sema di inok nibou ig bei nsi nya ijji timiei Gat nya leu minu ndig Ayalon lene ibong timiei ei mpia dima. 14-16 Beria de nintun him di bram yam nya inyeng rino Ahyo kin Sasak kin Yeremot kin Zebaja kin Arad kin Eder kin Mikhael kin Yispa kin Yoha.
Keret Benyamin di ibong ei minu ndig Yerusalem
17-18 Elpaal de nintun him di bram yam nya inyeng rino Zebaja kin Mesulam kin Hizki kin Heber kin Yismerai kin Yizlia kin Yobab.
19-21 Simei de nintun him di bram yam nya inyeng rino Yakim kin Zikhri kin Zabdi kin Elyoenai kin Ziletai kin Eliel kin Adaya kin Beraya kin Simrat.
22-25 Sasak de nintun him di bram yam nya rino Yispan kin Eber kin Eliel kin Abdon kin Zikhri kin Hanan kin Hananya kin Elam kin Antotia kin Yifdeya kin Pnuel.
26-27 Yeroham de nintun him di bram yam nya rino Samserai kin Seharya kin Atalya kin Yaaresya kin Elia kin Zikhri.
28 Yo dini ne nibou ig bei nsi nya kin nibou di ibie tut yok nya di ipas kep inyeng ei ide daptar pungti nya ri. Ide nintun him di bram yam nya ibong ei minu ndig Yerusalem.
Keret Benyamin di ibong ei minu ndig Gibeon kin Yerusalem nya
(1Taw. 9:35-38)
29 Yeiel win minu ndig Gibeon bibong ei sirima cem. Nitnem ninyeng Maakha. 30-32 Yoni igyai ipmot bat nya ibou simnai ba, inyeng rino Abdon di mighumbou kin Zur kin Kish kin Baal kin Ner kin Nadab kin Gedor kin Ahyo kin Zakharia, kin Miklot. Miklot ne Simea nicig ri. Ide nintun him di bram yam nya dini bihi yuug bong bit nimpung ig bei nsi nindigsi nya ei minu ndig Yerusalem lewo yoni ne yo di yahagom insi de gom nya ri.
Nibou Ndig Saul de ig bei nsi nya
(1Taw. 9:39-44)
33 Nibou Ndig Saul nicig ninyeng Kish ba, nignyon ninyeng Ner. Saul yai nipmot bat nya ibou bitai ba, inyeng rino Yonatan kin Malkisua kin Abinadab kin Esybaal. 34 Yonatan yai nipmot mighumbou di ninyeng Meribaal. Meribaal dini ne Mikha nicig ri.
35 Mikha yai nipmot bat nya ibou bitai ba, inyeng rino Piton kin Melekh kin Tahrea kin Ahas. 36-37 Ahas yai nipmot di ninyeng Yoada. Lene Yoada yai nipmot bat nya ibou ningai ba, inyeng rino Alemet kin Azmawet kin Zimri. Yo di intun Zimri him pijum hak rino Moza kin Bina kin Rafa kin Elasa kin Azel.
38 Azel yai nipmot bat nya ibou muhwindagom ba, inyeng rino Azrikam kin Bokhru kin Ismael kin Searya kin Obaja kin Hanan. 39 Azel de adig-ajoi hi di ninyeng Esek yai nipmot bat nya ibou ningai ba, inyeng rino Ulam di mighumbou kin Yeus kin Elifelet.
40 Munggwom di Ulam de nya ne tentara di mimbri kui ingkek nya ri. Lene yahagom iprindei kikep mun ba, ibikan tu. Ulam nignyon bat di pinai nya yahagom sok yam imangti ibou sratus gom ningot muhwi.
Yo dini yahagom intun keret Benyamin him.