Yo di intun Isakhar him
7
1 Isakhar yai nipmot bat nya ibou bitai ba, inyeng rino Tola kin Pua kin Yasub kin Simron. 2 Tola yai nipmot bat nya ibou muhwindagom ba, inyeng rino Uzi kin Refaya kin Yeriel kin Yahmai kin Yibsam kin Samuel. Yo dini rino inok nibou mem nimpung ig bei nsi di intun Tola ninsi de nya him ba, inok tentara di mimbri kui ingkek nya. Ei nijam nibou ndig Daud lene ide nintun him di bram yam nya imangti ibou sribu ningot can can ba, sratus muhwindagom.3 Uzia yai nipmot gom ngat di Yizrahya. Yizrahya nonti kin nipmot bat nya ibou bitai ba, inyeng rino Mikhael kin Obaja kin Yoel kin Yisia ba, yoni rino inok nibou mem ide bat nya. 4 Itnem bat nya kin imunggwom bat nya imang bibor. Gima rino bon ide nintun him yamti di bram yam nya idimig ipmot bat nya ibou sribu ningot ningai muhwindagom ei nok tentara pinai di isindem di injei siceu kan.
5 Nimpung ig bei nsi hagom di intun keret Isakhar him di bit leu daptar ei ide kintrorti dima tibim tut tentara pinai di isindem di injei siceu kan nya ibou sribu ningot muhwindaningai muhwindacan.
Yo di intun Benyamin Dan nya him
6 Benyamin yai nipmot bat nya ibou ningai ba, inyeng rino Bela kin Bekher kin Yediael.
7 Bela yai nipmot bat nya ibou muhwi ba, inyeng rino Ezbon kin Uzi kin Uziel kin Yerimot kin Iri. Yo dini ne nibou ig bei nsi mem insi de nya rin ba, inok tentara di mimbri kui ingkek binjei siceu kan cem. Ide nintun him yamti di bram yam nya bit leu daptar ei kintrorti dima inyeng tibim kin tentara pinai di isindem di injei siceu igkei ibou sribu nyatungwagom can sratus muhwindaningai ningot ningai ba, bitai.
8 Bekher yai nipmot bat nya ibou muhwindatai ba, inyeng rino Zemira kin Yoas kin Eliezer kin Elyoenai kin Omri kin Yeremot kin Abia kin Anatot kin Alemet. 9 Yo dini inok nibou ig bei nsi mem ide bat nya. Bit leu daptar ei kintrorti dima ne ide pinai di intun yok him leu ide ig bei nsi nya inyeng tibim kin tentara ibou sribu ningot can sratus can.
10 Yediael yai nipmot gom ngat di Bilhan. Lene Bilhan yai nipmot bat nya ibou muhwindacan ba, inyeng rino Yeus kin Benyamin kin Ehud kin Kenaana kin Zetan kin Tarsis kin Ahisahar. 11 Yo dini inok nibou ig bei nsi nya mem insi de nya ba, inyeng tibim kin inyeng tentara di mimbri kui ingkek nya cem. Idimig pinai nya di intun yok him ei ba, idem mem gima itug ndei inyeng tentara. Yo dini imangti ibou sribu simnaimuhwidip brimigtehican ba, sratus can.
12 Lene Supim kin Hupim intun Ir him.
Dan yai nipmot gom ngat di ninyeng rino Husim.
Yo di intun Naftali him
13 Naftali yai nipmot bat nya ibou bitai ba, inyeng rino Yahziel kin Guni kin Yezer kin Salum. Ibou bitai dini intun idrot Bilha him.
Yo di intun Manasye him
14 Manasye kin nitnem ndrim di mben Aram igyai ipmot bat nya ibou can ba, inyeng rino Asriel kin Makhir. Makhir nipmot ninyeng Gilead. 15 Makhir nggok sop mem Hupim kin Supim ba, nitnem ninyeng Maakha lene noni yai nipmot gi nican di ninyeng Zelafehad. Zelafehad yai nipmot bat nya hi bi. Lewo yai nipmisop bat ningkom. 16 Maakha di Makhir nitnem srek tut nipmot bat ibou can di inyeng rino Peres kin Seres. Lene Peres yai nipmot bat ibou can di inyeng rino Ulam kin Rekem. 17 Ulam yai nipmot gom ngat di ninyeng rino Bedan. Yo dini ne Gilead de nintun him di bram yam nya ri. Gilead nicig ninyeng Makhir ba, nignyon ninyeng Manasye.
18 Gilead nikwohop Molekhet yai nipmot bat nya ibou ningai ba, inyeng rino Isyhod kin Abiezer kin Mahla. 19 Lene Semida yai nipmot bat nya ibou bitai ba, inyeng rino Ahyan kin Sekhem kin Likhi kin Aniam.
Yo di intun Efraim him
20-21 Lene Efraim yai nipmot bat nya ibou ningai ba, inyeng rino Sutelah kin Ezer kin Elad. Yo dini ne Efraim de nintun him di bram yam di tug hon Sutelah pijum hak rin ba, inyeng rino Bered kin Tahat kin Elada kin Tahat kin Zabad kin Sutelah. Tirigi Ezer kin Elad icut igkep timiei Gad nya bipi bimbrai ide mindhe-ndhe di ighyen kep nya lo, timiei Gad nya igyai nimai biyok hak. 22 Icig Efraim ningon ngguk bram yok bidem njap ngwa hagom apino nikindig bat nya kin nikinjoi bat nya ikwei gwam ser ningon a. 23 Niabiati bu ne Efraim yem njita tut nitnem leu api nitnem tta buhun bisrek tut nipmot gom kin bu bijem ninyeng Beria drek dip mun di buhun di cut igkep yok pima.
24 Lene Efraim yai nipmisop di ninyeng Seera. Noni rino win minu ndig ngot di ijem Bet-Horon di jo nibiho kin Bet-Horon di jo nijjai kin Uza kin Seera.
25-27 Lene Efraim yai nipmot gom kin bu di ninyeng Refah. Yo di intun Refah him nya inyeng rino Resef kin Telah kin Tahan kin Ladan kin Amihud kin Elisama kin Nun kin Yosua.
28 Hanjop nsi di itug ndei mem gima ibong niti rino leu Betel kikau bipek kin Naaran di jo nite bei mpia nipriti kin Gezer di jo bei mpia nicutti bitut minu mien ngot di jo ttai minu ndig dima yok cem. Ba, itug ndei minu ndig Sikhem kin Aya bitut minu mien ngot di gahai nya ei hanjop nsi dima cem.
29 Yo di Manasye de nintun him di bram yam nya igyai minu ndig Bet-Sean kin Taanakh kin Megido kin Dor hagom bitut minu mien ngot di gahai nya hagom titut yam bigyati nok ide minu ninda rom.
Gima ne Yusuf de nintun him yamti di bram yam nya ide minu di ibong niti nya ri.
Yo di intun Asyer him
30 Asyer de nintun him yamti di bram yam nya inyeng rijo bijehei dini jug. Asyer yai nipmot bat nya ibou bitai ba, inyeng rino Yimna kin Yiswa kin Yiswi kin Beria kin nisop gom di ninyeng Serah cem.
31 Beria yai nipmot bat nya ibou can ba, inyeng rino Heber kin Malkiel ba, Malkiel win minu ndig Birzait.
32 Heber yai nipmot bat nya ibou ningai ba, inyeng rino Yaflet kin Somer kin Hotam kin nisop gom di ninyeng rino Sua.
33 Yaflet cem yai nipmot bat nya ibou ningai ba, inyeng rino Pasakh kin Bimhab kin Asywat.
34 Lene Yaflet nikinjoi Somer yai nipmot bat nya ibou bitai ba, inyeng rino Ahi kin Rohga kin Yehuba kin Aram.
35 Yaflet nikinjoi gom di ninyeng Hotam yai nipmot bat nya ibou bitai ba, inyeng rino Zofah kin Yimna kin Seles kin Amal.
36-37 Sofah de nintun him di bram yam nya inyeng rino Suah kin Harnefer kin Syual kin Beri kin Yimra kin Bezer kin Hod kin Sama kin Silsa kin Yitran kin Beera.
38 Yeter de nintun him di bram yam nya inyeng rino Yefune kin Pispa kin Ara. 39 Ula de nintun him di bram yam nya inyeng rino Arah kin Haniel kin Rizya.
40 Gima ne Asyer de nintun him di bram yam nya ri. Yo dini yahagom inok nibou ig bei nsi nya ba, inok pinjoi ndig di mimbri kui ingkek. Lene inok nibou di inyeng jei cem. Ipas kep pinai nya ibou sribu ningot can muhwindagom di intun Asyer him inyeng ei daptarti nok pinai di itin ei mem ikon pran.