Yo di intun Lewi him di inok imam nindig nya
6
1 Lewi yai nipmot bat nya ibou ningai ba, inyeng rino Gerson kin Kehat kin Merari. 2 Kehat yai nipmot bat nya ibou bitai ba, inyeng rino Amram kin Yizhar kin Hebron kin Uziel.3 Amram yai nipmot bat nya ibou can ba, inyeng rino Harun kin Musa. Noni yai nipmisop Miryam cem.
Harun yai nipmot bat nya ibou bitai. Nadab kin Abihu kin Eleazar kin Itamar.
4-14 Eleazar de nintun him di bram yam nya bibit leu njap di isrekti rinok gini. Pinehas kin Abisua kin Buki kin Uzi kin Zerahya kin Merayot kin Amarya kin Ahitub kin Zadok kin Ahimaas kin Azarya kin Yohanan kin Azarya (di yai midyai ei TUHAN De Ig di Nibou Ndig Salomo ngot ei minu ndig Yerusalem) kin Amarya kin Ahitub kin Zadok kin Salum kin Hilkia kin Azarya kin Seraya kin Yozadak. 15 Nebukadnezar kat Yozadak bikri noni bit timiei Yehuda kin Yerusalem nindigsi nya mpe di po TUHAN com yok ug ei ingkiaisi.
Yo di intun Lewi him hi kin bu
16 Lewi yai nipmot bat nya ibou ningai ba, inyeng rino Gerson kin Kehat kin Merari. 17 Ibou ningai dima cem igyai ipmot bat nya bu. Gerson yai nipmot bat nya ibou can di inyeng rino Libni kin Simei. 18 Kehat yai nipmot bat nya ba, inyeng rino Amram kin Yizhar kin Hebron kin Uziel. 19 Merari yai nipmot bat nya ibou can ba, inyeng rino Mahli kin Musi. 20-21 Gerson de nintun him di bram yam pijum hak nya inyeng rino Libni kin Yahat kin Zima kin Yoah kin Ido kin Zerah kin Yeatrai.
22-24 Kehat de nintun him di bram yam pijum hak nya inyeng rino Aminadab kin Korah kin Asir kin Elkana kin Ebyasaf kin Asir kin Tahat kin Uriel kin Uzia kin Saul.
25 Elkana yai nipmot bat nya ibou can ba, inyeng rino Amasai kin Ahimot. 26-27 Ahimot de nintun him di bram yam pijum hak nya inyeng rino Elkana kin Zofai kin Nahat, kin Eliab kin Yeroham kin Elkana.
28 Samuel yai nipmot bat nya ibou can. Mighumbou ninyeng Yoel lene nipumiap ninyeng Abia.
29-30 Merari de nintun him di bram yam pijum hak nya inyeng rino Mahli kin Libni kin Simei kin Uza kin Simea kin Hagia kin Asaya.
Yo di ikek kep doia ei TUHAN De Ig
31 Hon kep tirigi ittei Brua Gi Preu ug ei Ig di ikuk yok bak Allah eisi ei minu ndig Yerusalem tu, lene Nibou Ndig Daud dimig ibou poi ei mem gima ikek kep doia ei TUHAN De Ig dima. 32 Nipou tirigi Nibou Ndig Salomo ngot TUHAN De Ig bigyo lene yo di Nibou Ndig Daud dimig yok ei dima igya biluei-luei yam nyen bigyai midyai ei TUHAN De Prak Meng. 33 Yo di indo midyai biyok dima ide pung di intun him hak rinok gini.
Heman di Yoel nipmot nggre kin Kehat ninsi de ba, noni nok nibou tut nimpung gi nigom di ipai doia. Nide pung pijum hak bijuk kikau bipek Yakub inyeng rino Heman kin Yoel kin Samuel, 34-38 kin Elkana kin Yeroham kin Eliel kin Toah kin Zuf kin Elkana kin Mahat kin Amasai kin Elkana kin Yoel kin Azarya kin Zefanya kin Tahat kin Asir kin Ebyasaf kin Korah kin Yizhar kin Kehat kin Lewi kin Yakub.
39-43 Asaf nok nibou tut nimpung gi nican di ipai doia. Nide pung di ntun him pijum hak bijuk kikau bipek Lewi inyeng rino Asaf kin Berekhya kin Simea, kin Mikhael kin Baaseya kin Malkia kin Etai kin Zerah kin Adaya kin Etan kin Zima kin Simei kin Yahat kin Gerson kin Lewi.
44-47 Etan nok nibou tut nimpung gi niningai di ipai doia. Noni nggre kin Merari ninsi de. Nide pung di intun him pijum hak bijuk kikau bipek Lewi inyeng rino Etan kin Kisi kin Abdi kin Malukh, kin Hasabya kin Amazia kin Hilkia kin Amzi kin Bani kin Semer kin Mahli kin Musi kin Merari kin Lewi.
48 Nibou nya ikes midyai hiter ei Ig di ikuk yok bak Allah eisi bak isut bat di intun keret Lewi nindigsi nya him.
Yo di intun Harun him
49 Harun ya tut nide nintun him di bram yam nya ide midyai nya rino indig biei nggrai di ui-gwang kei ba, ibon midut nindig mindhe-ndhe titut ei nimbar hum dokti lene ibon midut nyeng hagom ei Ninsi Di Kwes-Kwau ba, ibon midut nibiyai nikos ser mben Israel ide sisarti bindig mindhe-ndhe di ibui mem mben Israel leu binhyepo ibiyai nikos ser ide sisarti cem. Igyai midyai dima yok hagom bit leu nok nisinati di Allah de awak Musa ndo biyok tu. 50-53 Harun de nintun him di bram yam pijum hak nya inyeng rino Eleazar kin Pinehas kin Abisua kin Buki kin Uzi kin Zerahya kin Merayot kin Amarya kin Ahitub kin Zadok kin Ahimaas.
Hanjop nsi di Lewi nya ibongti
54 Hanjop nsi di Kehat ninsi de nya di intun Harun him ibongti rigini jug. Yo dini rino ibong ei ide hanjop nsi nimbie him ngat leu keret Lewi nindigsi nya. 55 Ide hanjop nsi dima ribitut minu ndig Hebron ei keret Yehuda de hanjop nsi. Ibong ei hanjop dima bitut ngoi dum kin mintu-minta di jo ttai nya cem. 56 Noro tut miai nya kin minu mien nya ei minu di gahai minu ndig Hebron dima ne ikes hagom bak Kaleb di Yefune nipmot. 57-59 Harun de nintun him yamti di bram yam nya itug ndei minu ndig Hebron di nok minu ndig ninang coic kin minu ndig Yatir kin minu mien bitut ngoi dum kin mintu-minta di jo ttai nya cem. Minu mien dima yok rino Libna kin Estemoa kin Hilen kin Debir kin Asan kin Bet-Semes. 60 Itug ndei minu mien bitut ngoi dum kin mintu-minta di jo ttai nya cem leu keret Benyamin de hanjop nsi. Minu mien dima yok rino Geba kin Alemet kin Anatot ba, hagom sok yam nimangti ug ei simnaibrimigningai. Minu mien dima yok rinok mpia di yoni kin ide ig bei nsi nya ibong niti. 61 Lene iba niko binggok tut minu mien simnai di jo ei keret Manasye ide hanjop nsi ei Minyei Yordan nite bei mpia nicutti mem Kehat ninsi de nindigsi nya di itug ndei hanjop nsi hi mem gima ibongti bigyo nya.
62 Gerson ninsi de nya bitut ide nimpung ig bei nsi nya di igya coi yok nya itug ndei minu mien simnaibrimigningai ei hanjop nsi di keret Isakhar kin keret Asyer kin keret Naftali kin Manasye nya di ibong ei minu Basan ei Minyei Yordan nite bei mpia nipriti nya ide. 63 Tug hon niko nibinggok tut bu lene nimpung ig bei di igya coi Merari ninsi de nya itug ndei minu mien simnaibrimigcan ei hanjop nsi di keret Ruben kin keret Gad kin keret Zebulon nya ide. 64 Mben Israel iba nisinati dima bikwas minu mien bitut minta nidum di joti nya tut keret Lewi leu binhyepo mpia dima nok minu di ibong niti. 65 Mben Israel indo minu mien ei hanjop nsi di keret Yehuda kin keret Simeon kin keret Benyamin nya ide pima cem tug hon niko nibinggok tut.
66 Nimpung ig bei nsi di Kehat ninsi de nya itug ndei minu mien ei hanjop nsi di keret Efraim de. Itug ndei minu mien dima bitut minta nidum di jo ttai nya cem. 67-69 Minu dima yok ninyeng rino Sikhem di nok minu ndig ninang coi ei nungug him ei hanjop nsi dima kin Gezer kin Yokmeam kin Bet-Horon kin Ayalon kin Gat-Rimon. 70 Keret Lewi itug ndei minu mien Aner kin Bileam bitut minta nidum di jo ttai nya ei hanjop nsi di Manasye nya di ibong ei Minyei Yordan nite bei mpia nicutti ide cem.
71 Nimpung ig bei nsi di Gerson ninsi de nya itug ndei minu mien nya bitut minta nidum bres bibor di jo ttai nya cem.
Minu mien di itug ndei ei hanjop nsi di Manasye de ei Minyei Yordan nite bei mpia nipriti rino Golan ei minu Basan kin Asytarot, 72-76 kin minu mien Kedes kin Daberat kin Ramot kin Anem ei hanjop nsi di keret Isakhar ide kin minu mien Masal kin Abdon kin Hukok kin Rehob ei hanjop nsi keret Asyer ide kin minu mien Kedes ei Galilea kin Hamon kin Kiryataim ei hanjop nsi keret Naftali ide cem.
77 Yo di intun Merari him di itug ndei hanjop nsi hi bigyo dima itug ndei minu mien bitut ngoi dum kin mintu-minta di bres di jo ttai nya cem. Minu mien Rimono kin Tabor ei keret Zebulon ide hanjop nsi, 78-81 kin Bezer ei briep bou him kin Yahas ba, minu cin dini jo ei keret Ruben ide hanjop nsi ei Minyei Yordan nite bei mpia nipriti dideu Yerikho kin Kedemot kin Mefaat kin Ramot ei hanjop Gilead kin Mahanaim kin Hesybon kin Yaezer ei keret Gad ide hanjop nsi.