Yo di ingkwei hanyen leu ingkiaisi nya
9
1 Daptar limwa Israel yahagom inyeng jo ei srat Nibohon Nibou Ndig mben Israelti ibibit leu ide ig bei nsi gom-gom.Mben Babel ikat timiei Yehuda nya ba, icom yok ug ei ingkiaisi ba, isima ei sirima drek dip ide sisar di ibon nya. 2 Yo di ingkwei hanyen ug ei itimieisi ba, ibong ser minu ndig di ide nya hanyen ei nimbie him ngat rino imam nya kin keret Lewi kin yo di igyai midyai ei TUHAN De Ig bitut ide awak nya cem. 3 Keret nya di ingkwei bibong ei minu ndig Yerusalem hanyen leu bikwop keret Yehuda kin keret Benyamin kin keret Efraim kin keret Manasye.
4-6 Nimpung ig bei nsi di intun keret Yehuda him bitut ipmot bat nya di inyeng rino Peres kin Syela kin Zerah ingkwei bibong ei minu ndig Yerusalem hanyen ba, imangti ibou sratus muhwindagom ningot muhwindatai.
Utai nok nibou mem yo di intun Peres him. Yo di intun Utai him pijum leu bijehei bikui nya inyeng rino Utai kin Amihud kin Omri kin Imri kin Bani.
Lene Asaya nok nibou mem yo di intun Syela him. Asaya ne nibou ig bei nsi nya ri.
Lene Yeuel nok nibou mem yo di intun Zerah him.
7-9 Nimpung ig bei nsi nya di intun keret Benyamin him di ingkwei hanyen bibong ei minu ndig Yerusalem imangti ibou sratus muhwindatai ningot muhwi muhwindagom. Nibou ig bei nsi di ide nya inyeng rino Salu di Mesulam nipmot di bon nignyon Hodawya kin nidigup Hasenua kin Yibnea di Yeroham nipmot kin Ela di Uzi nipmot di bon nignyon Mikhri kin Mesulam di Sefaca nipmot di bon nignyon Rehuel kin nidigup Yibnea.
Imam di ingkwei di ibong ei minu ndig Yerusalem hanyen
10-12 Imam di ikwei bong ei minu ndig Yerusalem hanyen inyeng rino Yedaya kin Yoyarib kin Yakhin kin Azarya di Hilkia nipmot (Azarya ne nibou mem yo di igyai midyai ei TUHAN De Ig ri) ba, nidigup bat-nidigai bat nya inyeng rino Mesulam kin Zadok kin Merayot kin Ahitub. Kin Adaya di Yeroham nipmot ba, nidigup bat-nidigai bat nya inyeng rino Pasyhur kin Malkia. Kin Masai di Adiel nipmot ba, nidigup bat-nidigai bat nya inyeng rino Yahzera kin Mesulam kin Mesilemit kin Imer.
13 Imam di inok nibou ig bei nsi nya yahagom imangti ibou sribu gom sratus muhwindacan ba, ningot muhwindagom. Yo di igyai midyai ei TUHAN De Ig dini yahagom igyai kep ide midyai kan.
Keret Lewi nya di ingkwei di ibong ei minu ndig Yerusalem hanyen
14-16 Keret Lewi nya di ingkwei di ibong ei minu ndig Yerusalem hanyen inyeng rino Semaya di Hasub nipmot ba, nidigup bat-nidigai bat nya inyeng rino Azrikam kin Hasabya leu Merari ninsi de kin Bakbakar kin Heres kin Galal kin Matanya di Mikha nipmot ba, nidigup bat-nidigai bat nya inyeng rino Zikhri kin Asaf. Kin Obaja di Semaya nipmot ba, nidigup bat-nidigai bat nya inyeng rino Galal kin Yedutun. Kin Berekhya di Asa nipmot di bong dideu minu ndig Netofa ba, nignyon ninyeng Elkana.
Yo di igya ser TUHAN De Ig di ibong ei minu ndig Yerusalem
17 Yo di igya ser TUHAN De Ig di ibong bit ide ig bei nsi nya ei minu ndig Yerusalem inyeng rino Akub kin Talmon kin Ahiman kin Salum ba, Salum ne no di nok nibou mem yok ri. 18 Yo dini ide bat nya inyeng tak kep midyai niya ser Nibou Ndig De Dimbou Pmem kikau kwei bipek ammani kep. Nipou yo ne yo dini ide bat nya inyeng tak kep midyai niya-ya nyen ser dimbou pmem nya di ibicoi keret Lewi ide prak meng yati.
19 Salum kin yo di insi de gom inyeng tak kep midyai niya-ya nyen ser dimbou pmem di ibicoi ug ei TUHAN De Prak Meng nsi. Yo di insi de gom kin noni dima ne Korah nide bat nya ri. (Salum ne Kore nipmot ba, nignyon ninyeng Ebyasaf.) Nipou yo ne idigup bat-idigai bat nya cem inyeng tak kep midyai dima ei TUHAN De Prak Meng nsi. 20 Nipou yo ne Pinehas di Eleazar nipmot yok niyai kep yok. Handei kon TUHAN nyohou noni!
21 Zakharia di Meselemya nipmot cem ya ser dimbou pmem di ibicoi ug ei TUHAN De Prak Meng nsi.
22 Nipou yo lene Nibou Ndig Daud kin Nabi Samuel indo midyai niya ser dimbou pmem nyati dima bak yo dini idigup bat-idigai bat nya ba, igyai inyeng ibibit minu mien di ibongti nya. Yo di inyeng tak kep midyai dini imangti ibou sratus can ba, simnaibrimigcan. 23 Ide nintun him di bram yam dini inyeng tak kep midyai niya ser dimbou pmem di ibicoi ug ei TUHAN De Ig habiei kwei bipek ammani kep. 24 Gumihyep dima bon dimbou pmem ningat bitai. Nigom jo nite bei mpia nijjai lene nican jo nite bei mpia nibiho lene niningai jo nite bei mpia nipriti lene nibitai jo nite bei mpia nicutti. Keret Lewi gom-gom rinok nibou mem yo di igya ser bikwop dimbou pmem nya dima. 25 Ide bat di ibong bidem minu mien nya iluei-luei yam tut midyai niya ser dimbou pmem mbigom mem nijam ari nitindur gom lene nok. 26 Noro nibou nya ibou bitai di intun keret Lewi him di inok nibou mem gima ikos tut yo di igya ser pima ne ibuhup tut ide midyai dima kin TUHAN De Ig ninsi nya kin ndigban di jo ninsi nya cem hagom kikau. 27 Yo dini ibong dideu TUHAN De Ig leu binhyepo igya ser ba, ibikau dimbou pmem nya cem bikwop njap tekti kikau.
Keret Lewi nindigsi nya
28 Keret Lewi nya bihi yahati tut nimbumbati di imam nya ibibon midut nya ba, ikwop kep nimangti di ibindei hei kin nimangti di ibindei coi hanyen cem. 29 Ibihi bu yahati tut ndigban nindigsi di imam nya ibibon midut kin tepun kin ba anggur ngei kin minu zaitun kin biei nggrai di ui-gwang kei kin mun di ibibindei njita nyop kei hagom cem. 30 Noro imam nya he rino yahati tut midyai dino ikwen njita kin mun di bindei di njita nyop kei di srig yamti nya.
31 Matica di keret Lewi gom rino hati tut midyai nikang roti di dile mem nibon midut nya. Noni ne Salum nipmot mighumbou rin ba, ntun Korah ninsi de him. 32 Kehat nide bat nya yahagom yahati tut midyai nikang roti nindak nya di itin ei mem TUHAN bikwop Njap Nigwam Kep Ninghuisi.
33 Keret Lewi bihi yahati tut midyai nipai kep doia ei TUHAN De Ig. Ide nibou ig bei nsi nya ibong ser nghim nsi poi ei TUHAN De Ig dima lene yahati tut midyai hiter bi lewo itin ei mem igyai midyai nipai kep doia bikwop mmun-njap.
34 Yo di inyeng jo nai dini kui ne nibou ig bei nsi nya di intun keret Lewi him bit leu ide pung di intun him ba, ibong hak ei minu ndig Yerusalem.
Nibou Ndig Saul nidigup bat-nidigai bat nya kin yo di intun noni him nya
(1Taw. 8:29-38)
35 Yeiel win minu ndig Gibeon bibong timiei eisi. Nitnem ninyeng Maakha. 36-37 Nipmot mighumbou ninyeng rino Abdon ba, yai nipmot bat nindigsi nya ba, inyeng rino Zur kin Kish kin Baal kin Ner kin Nadab kin Gedor kin Ahyo kin Zakharia kin Miklot. 38 Simea nicig ninyeng rino Miklot. Ide nintun him di bram yam nya ibong ei minu ndig Yerusalem bit nimpung ig bei nsi nindigsi nya di yahagom insi de gom.
39 Nibou Ndig Saul nicig ninyeng rino Kish ba, nignyon ninyeng rino Ner. Saul yai nipmot bat nya ibou bitai ba, inyeng rino Yonatan kin Malkisua kin Abinadab kin Esybaal. 40 Yonatan nipmot ninyeng Meribaal ba, Meribaal nipmot ninyeng Mikha. 41 Mikha yai nipmot bat nya ibou bitai ba, inyeng rino Piton kin Melekh kin Tahrea kin Ahas. 42-43 Ahas nipmot ninyeng Yoada. Yoada yai nipmot bat nya ibou bitai ba, inyeng rino Alemet kin Asmawet kin Zimri. Yo di intun Zimri him nya inyeng rino Moza kin Bina kin Rafa kin Elasa kin Azel.
44 Azel yai nipmot bat nya ibou muhwi ba, inyeng rino Azrikan kin Bokhru kin Ismael kin Searya kin Obaja kin Hanan.