Sanynye Esawo
(Ot.1 1:34-37)
36
Esawossi ana payi Etoomena dhalatha sanynye thuusuna xayna kalakata hasi lighi,
2 Esawo ihaadhdhe piyye Keneaanenakki sixi,
usundhdhekka Elone Ketʼayitosinna miʼaye thuusu Aatahepa shettesi Ipoone Ewiyayittosinna miʼaye huusu Aaanna dhali Oholipamapa
3 alawtessi Nepayoote shette Ismaeele Pasemaate
4 Aatahe Esawonu Elfasesikki dhalti,
Pasmaatekka Raueleesikki nu dhalti.
5 Oholipamakka Yeushapa Ya’ilame pana Kʼoresikki nu dhalti.
Hisi kaasay miʼaadhesi Esawo piyye Keneaanatesa dhali.
6 Xaysa tupettay Esawo naxayadhdhe huusupa,
ponkorrepa ihaadhdhe pana ahxke kaasakki sixi,
holuppa irpankaadhdhepa qholaadhdhe kaasappa kodhattesi piyye Keneaansa kodhadhi kaasasikki sixipa qaso huusu Yaikʼoopena kaanta xayto sikaapa kula ashshoy.
7 Qhooti kodhathe kisha sheeghe maallay ille qale qaake ye alkasonki,
xaytusa inna qaaghekka naqano qhole huusundhina payyatti ye usundhe hxafu.
8 Hussa maallay Esawossi ana anapay Etoome piyyessi Seyre ghuppeete qaghassa iʼqaaki.
9 Korossi piyye Seyre ghuppete qaghana qaaka paappo koro Etoomattena sanynye Esawo xayna kalakata hasi lighiti,
10 Miʼaadhe Esawonna makaxxe huusundhi hisi,
Naxaye Esawo Aatahena miʼaye hiisi Elfaasepa naxaye Esawo Pasamoothena miʼaye hiisi Reʼueele.
11 Miʼaadhe Elfaasekka
Themanepa Omarepa Zeefopa Katamina pana Kʼenaaze.
12 Shampo Esawo Elfase lammithe thana Timinai payiisikki sheeghi,
isakka miʼaye ana payi Amalekʼesikki nu dhalti,
naxaye Esawo Aatahena opope hiisi xayna kalakata hasi lighe.
13 miʼaadhe Reʼueele
Nahaatepa Zerahepa Shamana pana Miza,
haadhi hisi naxaye Esawo Pasamootena opope hiisi.
14 Miʼaadhessi opopte Tʼipaʼoone miʼaye Aana naxaye Esawo Oholipama Esawonu dhalti,
Yeushepa Yailame pana Kʼore.
15 Sanynye Esawonna qharumaadhdhe huusundhi haadhi hisi,
qharittossi Esawo Elfaase ana payina miʼaadhe huusu hisi,
Temaanepa Omarepa Zeefopa Kʼenaasepa
16 Kʼorepa Katame pana Amalekʼe,
usundhisa qharumaadhdhesi kafko Elfaasessi piyye Etoomena qaakana opoppe Aatahe.
17 Shampo Esawo Reuʼeelena miʼaadhe huusu hisi,
Nahatepa Zerahipa Shama pana Miza usundhi hessi piyye Etoomenna qaaka kafko Reuʼeelena qharumaadhdhepa naxaye Esawo Pasemootenakka opoppe.
18 Dhelle naxaye Esawo Oholipama haadhi hisi,
Yeushepa Yaʼilame pana Kʼore,
usundhi qharumaadhesi shette Aanna naxaye Esawo Oholipamana dhaladhe.
19 Hisi kaasay Esawossi anapayi Etoomena miʼaadhe huuusu,
usundhisakka qharumaadhe.
20 Horaadhdhessi piyyisana qaaka miʼaadhe Seyrenna qharummaadhdhe huusundhi haadhi hisi,
Lotʼaanepa,
Shopalepa Zipaonepa Anahepa
21 Tisonepa Etʼere pana Tisane,
hisi Seyresi piyye Etoomenna qaakana miʼaadhe huusu horadheete qharumaadhdhe.
22 Dhelle Lotʼaane
Horapa Hemaame pana alawte Lotʼaane Timin ana payi.
23 Dhelle Shopale
Alwaanepa Manehatepa Epalepa Sifo pana Oname.
24 Dhelle Zipiooneka
Ayapa Anahe,
Anahekka hossi ihharraadhdhe paappo huusu Zipioone koshana piyye mandhitona qeelle qandhe torana tayi.
25 Dhelle Anahe
Dhishoonepa shette tuusu Oholipama.
26 Dhele Dhishoone
Hemidhaanepa Eshpaanepa Yitiraane pana Kirane.
27 Dhele Etʼere
Pilhaanepa Zaiwaane pana Akʼane.
28 Dhele Dhishaane
Uuzepa Araane.
29 Horadheete qharumaadhdhe huusundhi haadhi hisi,
Lotʼaanepa Shopalepa Zipaʼoonepa Anahepa
30 Dhishoonepa Ezere pana Dhishane,
hisi kaasay hessi piyye Seyrena qhamo kaffe huusundhi kula Horaadheete qharummaadhdhe.
31 Nikusa piyye Israeelattesa ye nikusumunna qharaʼitha nikusaadhdhe piyye Etoomessa nukusume haadhi hisi,
32 miʼaye Piore Palakʼe piyye Etoomessi nukusumi kathamissa inna nukusumikka Dhinihapa ana payi.
33 Palakʼe iffari tupettay qhawhossi piyye Pasorattena miʼaye Zarahi Iyyopapi na kapa nukusumi.
34 Iyyopapikka iffarina qhawhossi piyye Temanena Hushame na kapa nukusumi.
35 Hushamekka iffarina qhawhossi koro Midhiyamateesi liqakko Moʼaapesa qhipipa putu miʼaye Pedhadhe Hadhadhe na kapa nukusumi,
kathamissa inna nukusumikka Awite ana payi.
36 Hadhadhe iffarina qhawhossi piyye Masirekʼanna Semila nakapa nukusumi.
37 Semila iffarina qhawhossi piyye Rehopotte kollatte kaanta qagha Shaule na kapa nukusumi.
38 Shaule iffarina miʼaye Akpore Peale-Hanaane na kapa nukusumi.
39 Miaye Akpore Peale-Hanaanekka iffarina qhawho ana payi Hadhare na kapa nukusumi,
katamissa inna nukusumikka Fau ana payi,
naxaye tuusunakka Mehetapele,
isekka tessi Mitʼradhe nu dhalti Mezahape.
40 Qharumadhdhe sanynye Esawonna makaxe huusundhipa qhamo kaffe huusudhipa qhamo piyye thuusundhi kula haadhi hisi,
Timinapa Aliwapa Yeteti,
41 Oholipamapa Elapa Finonepa
42 Kʼenazipa Themanepa Mipisarepa
43 Makidhiele pana Irame.
Usundhi piyyaadhe inna qaakenna qhamo ghapatha huusundhi kula qharumaadhdhe Etoomena dhaladhe.
Esawukka Etoomadhdheete paappo huusundhi.