Hallikko Qhamu Aprihaamenu Armadhi
18
Kuyyaqako tookko kuyyaqate kitte Aprihaame piyye Memrina xaytossi xiltaane kanoomana kanta tunkaana huusuna ghintate iqakkadhanaki Haallikko nu arrmadhi.
2 Aprihaamekka iqqila payipa emmadhdhunna xaytosinna qhawho izzax he shikkaaraki hiʼipa usundhe kula soruppa kaanastettay kahhuppa nu xasu.
3 Hasinna payi:
“Pogholho haayyu apayni hola miinatte an kaanastte tayadhi payni anho waatadhaye olo ye kaaʼita lighghi.
4 Qandhe takkaya ahela luhettay shoxinteesi hakan hune okaynittay saasa kaarku kaleema qakkadhapa hxaysadhanku.
5 Ano kodhampakko haahundhi kula okaye taahundhittay uuma an hxasoodhi,
hussa mallalay ashanko haahundhinu qhamu hune dhikitno kodhdhininu yiito an akkinipa hune okayattappa yionkuppa ashshanko hahundhiisi tiyyisanku.”
Usundhekka inna payenna:
“Pareye qhamussa payti kula kodh.”
6 Aprihaamekka tunkaanasi Saara na kalla qaghti kulaki waadhnettay ashshipa na payu:
“Waadhpa dhaammo bhatʼoolle izzax hxuppappa shukkadhoppa dhilanko dhillay”
7 Xaysa tupettay Aprihaame qhole kulakki waadhnettay ashshipa oyfanakko sakanko xeessa sheega okaasuppa kodhampakko huususa teexu kodhampakosikka hattay saqhippa gharisuy.
8 Aprihaamekka orxe hudhopa miile pana sakankosi oyfanakitto agharisiisi nu itʼtʼoosu.
Usundhekka iyyiʼosi yiankina Aprihaame karko kaleemi usundhe kapa shikkaaripa olho qhacʼaasi isi naanu padhaawa.
9 Usundhekka hasinna paye:
“Naxaye taahu Saara ahaati qaghti?”
10 Usundhisa izzexna tookko inna payi:
“Perrko qhamma xinkinna an hollapa okaya,
naxaye taahu Saara miʼaye shampo idhdhalinti.”
Saarakka xinkisana tunkanassi Usona setottay qaghana ghintati qaghtipa issi apaqasay.
11 Aprihaamepa Saara qhooti perre dhamma qaake maallay ikkekeshuye,
Saaranaka perre hiisi dhaltate inna saarppe.
12 Hussa maallay Saaraka saqakko hiisina kittakata hasi paytipa kishshaqi:
“Anu keeshuyitipa pogholho haayyu Aprihaamekka keeshuyu tupettay olittay hxasoodhe iyye alkasamnay?”
13 Haallikkokka Aprihaamena inna payi:
“Saara moonuki iitina ‹Anu hasa keeshuyti malaala miʼaye dhale alkasni› pa kishaqi?
14 Inta olho Haallikko malala iʼqagha?
Qhamossi Anho qali kula perrko qhama kittina an hollapa okaya;
Saarakka miʼaye shambho idhdhalinti.”
15 Saara qhooti ghaapti maallay “Aʼa,
ano kishshaqu!”
Kippayitipa marmadhoy.
Uso kapay inna payina:
“Dhukeema akkishshaqati.”
Aprihaame Qhamu Piyye Setoomenu Watattami
16 Korossi iʼashshankooma haqina piyye Setoome kulaki hakkatakko eemadhdhi Aprihaamekka usundhe laaghenukki na qale ashshi.
17 Haallikkokka hasi pay:
“Ata olho an kodhe woʼiisi Aprihaame qharay an bhanna?
18 Aprihaame dhukeema waarsho dhammapa ho dhikita ikkodhdhini,
waarshidhe piyye qhatʼeete qagha kaasay usottakki sakamni.
19 Dhellepa ahxke Aprihaame olho xeesapa olho gharasi kodhettay qhamu onke Haallikkito tiqtanepa usokka usundhe rafisunu an uso reehadhi,
hussaka kipposi Haallikko Aprihaamenu teexi qhamu dhikkaninu.”
20 Holuppa Haallikko hasi payi:
“Riire piyye Setoomeppa Kemorasa uumi naqati,
cʼuppo huusundhikka uumi maghi.
21 Kodhmo huusundhi qhamo riire yela kaanta dhaghghapti kula qhamu kodhdhisa arenukka karo huusundhi an oodhdhini.
Hasaki ye kodhdhuka payini an arra.”
22 Xaysa tupettay qhawho lakki karo piyye Setoome kulakki ashankooma haqe,
Aprihaame kapay xaytossi Haallikko minteema shikkarinaki ghayyi.
23 Aprihaamekka nakapeemi xighghipa hasana payu:
“Inta koro pare qaghaasi cʼuppolawhe qale apatisnay?
24 Katamissana kittatte koro pare qagha qhawho 50 ki qagha payni koro katamissana qaaka kaasaasi apatissnay?
Qhawhusa 50 maallay katamissanu atunu hxurnti?
25 Ihasa kodhdhe xura,
koro pare qagha koro cʼuppo kodhi qalle olo paaxi,
Olho hasa ligha ihhola haqha,
hasa kotti payni koro pare qaghaasi koro cʼuppo kodhi qalle adhihti payyo.
Tanynyna qhaatʼe kaasanna qhaqhitte xeesasi ye qhaqhni inta?”
26 Haallikkokka hasi payi:
“Apayni katama Setoomenna kittatte koro pare qagha qhawho 50 ki an tayi payni usundhe maallay piyyisa kaasannu annu xurra.”
27 Aprihaamekka ihholipa hasa payu:
“Ano qhawho latu tulqhepa tarqo kodhidhi shahxuntettay Pogholho haayyusa qaladhe tayyuttay ye hxur.
28 Emma korussa pare qagha qhawho 50 na qhawho hxupinki na erqqi payni qhawhusa hxupin maallay katamissa kaasaasi apatisna inta?”
Haallikkokka ippayi:
“Qhawho 45 ho pare qagha an tayi payni katamisasi anu patisni.”
29 Aprihaamekka ihholipa na payu:
“Emma qhawho 40 ho pare qhagha tayamna payni naana.”
Haallikkokka inna payi:
“Qhawhusa 40 maallay katamisaasi anu patisni.”
30 Holuppa Aprihaame inna payi:
“Pogholho haayyu akko ma’ala!
Olo ya dhehadhima hantukka an qaladha,
emma qhawho 30 he pare qaghaki natayamna payni naana?”
Haallikkokka ippayi:
“Qhawho 30 ki natayami payni usundhe maallay katamissaasi anu patisni.”
31 Aprihaamekka ippayina “Pogholho haayyu,
ye hxurma hantuka an qalladhinaye,
yaxaaray qhawho 20 ki na tayamna payni naana?”