2 Juan
Mapabaxutoje apóstolnë Juan cotocaewi toyaquina Jesús peliwaisi pejumexaniataewijawabelia
Pebajacobiliwaisi
1
Xanë ancianonënë, pacatoyaquinatsi mapabaxutoje, Dioso peca-itapetsiwa, nexi yajawa.a Xanë bitso paca-asiwatsi, pexaniajailiwaisi pejamatabëcueneta.b Itsamonae-ata, paca-asiwa, pamonae pejumexaniataewi bajarapaliwaisi.
2 Bajarapacuenia paca-asiwatsi, wajanacanajuatsijamatabë-ecaexae bajarapapexaniajailiwaisi. Yapëtanetsinua wajanacatsijamatabë-ecaejawa daxitamatacabijawabelianexa.
3 Dioso, pexënato Jesucristo-ata pewënëta, pacatojitsipatsi papecajamatabëcuenewënëtsinexa papeca-itaxutotsoniataejamatabëcuene, papeca-asiwajamatabëcuene, papecabarajamatabëxanepanaejamatabëcuene-ata jamatabëcuenexanepanaeya panenajuajinawanapaenexa. Itsa exanawanapaenatsi Dioso pijapexaniajailiwaisi wajanacacujarubicuenia, itsa asiwatsi itsamonae-ata pacuenia naca-asiwa bajaraPonë, nexata xaniawaetsia natoyapëtaewanapaenatsi bajaraponëbeje wajaca-itaxutotsoniataejawa, jamatabëcuenexanepanaeya wajanajuajinawanapaejawanua.
Pexaniajailiwaisi, jiwi-ata pena-asiwacuene, yabara peliwaisi
4 Bitso siwajamatabëcuenebarëyanë, tsipaji caxitajarabaxuabajë nexiyajuwënëwi pexanawanapaejawata pacuenia waxa Dioso naca-itoroba pexaniajailiwaisita.
5 Tajabanawa,c aeconoxae pexaniacuenia pacawajëtatsi namata-enetsia wajana-asiwatsawanapaenexa. Mapaliwaisije apopejanaliwaisi picani. Bajarapaliwaisi xainatsi baja,d petaxuxuabijawaweliacujinae Jesús peliwaisi wajajumexaniataejawa.
6 Waxaitsi najamatabëcuene-itajëtatsi waja-asiwacuene Diosojawabelia, waja-exanawanapaejawata pacuenia naca-itoroba. Mapacuenia naca-itorobaje: «¡Namata-enetsia pana-asiwamëre tsawanapae!»,e nacajai. Bajarapaliwaisi baja cajena pajumetaneme, Jesús peliwaisi papecatsipaebijawaweliacujinae.
¡Panayajiwitaema pamonae bepexanialiwaisi itajara paebanajetarubena daxitanacuanëjawa!
7 ¡Panayajiwitaema! Ayaibitsaëto bepexaniajailiwaisi itajara pepaebanajetarubenaewi, najetarubena daxitanacuanëjawa. Bajarapamonae cuene-aeba Jesús penaexanaejawa mapanacuataje, pacuenia waxaitsi banaexanatsi. Pajiwi pacacujaruba bajarapitsicuenia Jesús yabara, peyamaxë-itojorobiwi baja cajena. Pacacujaruba saya pejamatabëcuenepijiliwaisi, ponë Cristo cuene-itoyatsi.
8 ¡Panayajiwitaewanapare bajarapamonae papecayamaxë-itojorobiyaniwa, paxanë-ata patanacueratsiyaniwaf patacatsipaebiliwaisi panejumexaniataejawa, papecawecuaxuabiyaniwanua papexaniacuene Dioso pacatoxaina papecarajutsinexa papijajiwixaemë! ¡Biji rajane, pajamatabëcuenesaëmëre tsawanapae panejumexaniataejawa pexaniajailiwaisi, papecarajutsiapaebijawa Dioso, panepitsinexa daxitajawayo panetonacuenebimatamo!
9 Pajiwi tsiteca pewajënaeyabelia jumexaniataeponapona paliwaisi Cristo tsipaebapona, bajarapajiwi waxa Dioso, pexënato-ata, yajawaponaponatsi. Itsiata, pajiwi wecuanatsatajopa paliwaisi Cristo tsipaebapona, mataropatsia itsaliwaisi pecujarubinexa, bajarapajiwi Dioso apoyajawaponaponaetsi.
10 ¡Nexata, bajarapitsijiwi itsa pata paxamëjawata, liwaisi papecatsipaebinexa, pëtsa pacopiapitame panijaboyaberena! ¡Pëtsa pabajacobamenua bajarapitsijiwi!
11 Bajarapacuenia itsa pa-exanaejitsipame, payajawananeconitsipame pibisiacuene pexanaponaponaejawa. ¡Bajaraxuata, pëtsa pacopiapitame bajarapitsijiwi!
Juan penapëjiobiliwaisi
12 Xanë picani xainajë ayailiwaisi patacamuxujiobinexa. Itsiata, abaxë apojitsipaenë bajarapaliwaisi patacatoyaquinaenexa mapabaxutotaje. Ewetajë abaxë taponaejawa paxamëjawabelia patacataenexa, patacabarëcuaicuaijainexanua, wajajamatabëcuenebarëyanexa bitso.
13 Nejuyapijiwa, Dioso pitapetsiwatsi pexi, bajarapamonae catonajume-itoroba nebajacobinexa.