2
Orijibia, profeta Malaquías jumaitsi sacerdotewijawabelia:—Ajena Jehová pacatonajumecopata pasacerdotowimëjawabelia mapacueniaje: 2 «Paxamë itsa apopanejumecowënëtsimë tsane, patacatonajumecopatsicuenia pane-exanawanapaenexa, itsa apopanewënëyaiyataemënua tsane panejamatabë-ëthëtojawawetsina, nexata pacananeconitsia-exanaenatsi. Papexaniacuene picani pacatocaëjëtatsi patacayawenonabiabinexa patajasacerdotewixaemë, bajaraxua pacato-itothianaenatsi, pibisiacuene panenatotaewanapaenexa. Bajarapapibisiacuenejawa pacatocopiapatsi-exanatsi baja. 3 Xanë Jehovánë, naneconitsia-exanaenajë panemomoxijawabelia. Pacatsitabara-othobajarabianatsi petasitonëta padajubianë pacapatame panebenexa. Bajaraxuacujinae, pacayajawa xuabianatsi bajarapadajubianë petasiyajawa. 4 Bajarapacuenia papecatocopiapatsicujinae, matapania jane baja payapëtaename xaniawaetsia, Xanë tajacuata patacayapëtaeya-exanaejawa, tanajumecowënëtsinëcuene-ata, xua exanajë panijasalinaiwimijawabelia Levípijinë pemomoxijawabelia. Bajarapacuenia peyapëtaenexa tananeconitsia-exanaejawata bajarapamonaemi, tanajumecajoneliwaisi Levípinëjawabelia panecatsitecawanapaenexa, pebijianaeyaniwa-ata», pacajai raja Jehová Ponë pepopiacuenesaënë daxitawecua».
5 »Bajarapacuenia najumeliwaisicajunuajë panijasalinaiwimi, Levípijinë pemomoxijawabelia, xaniawaetsia aliwaisijibia pejinawanapaenexa taitabarata. Bajarapacuenia tonajumecopatajë bajarapamonae, xaniawaetsia taneyaiyataenexa. Bajarapacuenia panijasalinaiwimi, Levípijinë pemomoxi, pejamatabë-ëthëtojawawetsina xaniawaetsia picani neyaiyatane. 6 Pexaniajailiwaisicuenia cujarubabiaba bajarapamonaemi. Caeto-ata pibisialiwaisi apopaebi. Xaniawaetsia jinawanapa xanëjawaberena aliwaisijibia. Bajarapacuenia pejinawanapaexae, pecujarubabiabixaenua, bajarapamonaemi tsata ayaibitsaëto pibisiacuene pexanaejawawecua, juya tajitsipaecuenia pexanawanapaenexa. 7 Bajarapacuenia tsicarucatsi sacerdotewi pecujarubabiabinexa tajacuene, peyapëtaeya-exanaenexa jiwijawabelia, bajarapamonae juya taneyapëtaenexa Diosonëcuene. Daxita jiwi beponabiaba bajarapamonaejawabelia peyapëtaenexa taliwaisi, tsipaji sacerdotewi tanejumeliwaisipaebiwi tsawanapae, xanë, Jehovánë, pepota-acuenesaënë daxitawecua. 8 Itsiata, paxamë pasacerdotewimë, Levípijinë papemomoxi-atamë, patacatonajumecopatsiliwaisimiwecua, itsamonae pawecuajopaeya-exaname panecujarubijawata. Bajarapacuenia panetobijianame tanajumecajoneliwaisimi Levípijinë pemomoxijawabelia. 9 Paxamë apopa-exanawanapaemë pataca-itorobicuenia. Najëpaeya apopanananeconitsia-exanaemënua daxita pijaneconi pexainaewi. Bajaraxuata, xanë juya pacatocopatsianatsi daxita tajajiwi papeca-itoyanaëcotsinexa, natsiquejemacuenianua papecataenexa», pacajai Jehová, pasacerdotewimëjawabelia, Ponë pepopiacuenesaënë daxitawecua —jai Malaquías.
Judá nacuapijiwi caejamatabëcuene apoxainae pejumecowënëtsinexa Jehová
10 Icatsia, profeta Malaquías jumaitsi Judá nacuapijiwijawabelia:
—¿Waxaitsi apoxainaetsi tsaja caenë Dioso waxanexa? ¿Apoxainaetsi tsaja caenë Dioso wajanaca-exanaenë? Xainae-atatsi caenë Dioso waxanexa, wajanaca-exanaenënua, ¿detsa xuajitsia namata-enetsia nayamaxë-itojorobabiabatsi? Bajarapacuenia waja-exanaejawata, apojumecowënëtabiabitsi pacuenia bajaraPonë najumecapanepaeya naliwaisicajunua wajasalinaiwimijawabelia. 11 Paxamë, paJudánacuapijiwimë, caejamatabëcuene apopaxainaemë panejumecowënëtabiabinexa Dioso. Bajaraxuata, bitso piabejecuene pa-exanawanapame Jerusalén nacuata, Israel-nacuata-ata. Apopaneyaiyataexae Jehová pijataxunae, pijabo, bitso piasiwabo, papebijiwimë panacojiobaponame papetiriawijawabelia asiwaya nawajëcabiaba jumapecataenëanëjawabelia pepoDiosowecua. 12 Xanepana picani Jehová pejutsijawa wajanacuawecua, bajarapitsicuene pexanawanapaewi. Apo-itsacuene itsa ayaijamatabëcuenewi, itsa jume, beweliajamatabëcuenewi-ata, ayaijawa pecapatabiabiwi-ata ofrendajawanë Dioso pepopiacuenesaënëjawabelia perajutsinexa.
13 »Orijibia, itsacuenejawa-ata pa-exanawanapame xua tsitapibisiacuenetsi Jehová. Copiaya panepitsawawecua, itsawa panotsi-atamë, apopasiwabëjamë panijaneconi. Caranata, pasiwajamatabëcuenebëjamë Jehovájawabelia apopapecasiwajamatabëcuenebarëyaxae, apopapecatocopiapitabiabixaenua dajubi, panecapatabiabijawanë altar-jumata panetajuitsijawa. Nexata, nawëxaniabiaya ayaicuenia panatsinueyabiabame apopapecasiwabarëyaxae, asiwaya apopapecatocopiapitsixaenua panerajutsijawanë altar-jumata, panasiwabëjamënejewa panijaneconi. 14 Bajarapacuenia pa-exanawanapae-atamë, itsiata payanijobabiabame Jehovájawabelia mapacueniaje: ‘¿Detsa xuajitsia meta siwajamatabëcuenebarëyaya apopanetocopiapitsi patatajuitsijawanë altar-jumata?’ pajamë tsabiabi. Jehová apopacatocopiapitabiabi bajaraxuanë, tsipaji apopa-exanawanapaemë panejumaitsicowëya panepitsiwajawabelia. Panijacuata panejumaitsijawa Jehová pacajumetane itsa abaxë pewëjëatomë nepitsimatacabi nijajawa, caejamatabëcuene nebarëxainaponaponaenexa bajarapowajawabelia. Bajarapamatacabicujinae, bajarapowa picani peponijawa tsaponaponae. Paxamë itsiata pawecuajaitabiabame itsawa. 15 Paxamëbeje panenapitsijawatabeje, Jehová paca-exanabeje becaeperabëto, becaejamatabëcueneliwaisi-ata panexainaejiwinexabeje. Bajarapacuenia paca-exanabeje, tsipaji jitsipa panexibeje yajawa panejumecowënëtsinexa Dioso. Bajaraxuata, pebimë xaniawaetsia naliwaisi-ewere nijacuata nenajumecowënëtsinexa xua najumecapanepaeya jumaitsimë nijawajawabelia, nepitsiwa pewëjëatojawatamë. 16 Jehová, israelitawi pijaDioso, Ponë ayaijamatabëcuenenë pacajumaitsi: «¡Xaniawaetsia panajamatabëcuene-ewetawanapare! Pëtsa panijawawecua, itsawa pajaitame, tsipaji ra xanë ayaicuenia cuene-itoyanë daxita pamonae pijawajiwi pepenetaponaewi. Bajarapamonae najamatabëcuenexuirabapona taitabarata, bajarapapibisiacuene pexanaexae», —pacajai Jehová.
17 »Jehová raja bitso baja jamatabëcuenecuerana picani panejumaitsitsaponaejawa yabara. Abaxë itsiata, paxamë tobejena payanijobaponame: ‘¿Detsa xuajawalia Jehová paxanë pajamatabëcuenecueranaeya-exanaponajë, patajumaitsijawanë yabara?’ panajamë. Bajarapacuenia apopacajumetae, tsipaji jamatabëcuenenawëxaniabiaya pajumaitsimë tsaponae: ‘Jehová ra itsiata siwajamatabëcuenebarëya tsabiabi, barëyaya taeyabiabatsinua pamonae pibisiacuene pexanaewi,’ pajamë tsabiabi. ¡Paxamë tsaena apopajumexaniataemë Dioso pepopianeconijibinëcuene, Ponë ëpexaniacuene pexanaejawa pesiwabarëyanë! —jai Malaquías Judá nacuapijiwijawabelia.