3
दि दिनेन युहन्ना बप्तीस्मा जिऊ मिंकू हेन्डो यहुदिया गा डोंगोरेन इनी प्रचार दडा लाज्जे| कि 2 मन ईखाडे; चोयाकी स्वर्ग गा राज्य मेराण हेन होय | 3 येटेन दिच्का होय दियागा चर्चा यशायाह भविष्यवाणी गा गेल्ला गा ओले कि डोंगोरेन नी म्या हाकोमिठाच गा शब्द होय थंडळके होय, कि प्रभू गा कोरा तैयार जा, दिया गा सडक्को सिसादा मेना | 4 येटेन युहन्न उंटो गा रोम गा कपडे उरीके डा, येथा आपना कोम्बोर गेन कतडे गा पट्टा तोल्के मिनी डा, येथा दियागा आटा तीद्डीया येथा बनमधु डा| 5 मेटे यरूशलेम गा कोनेन सारा यहुदीया गा, येथा यरदन गा आसो पासो गा सारा देशो गा कुरकु दियागा मेरान ओड्के होय| 6 येथा आपना आपना पापो गा मानातिन्जे यरदन गडा गा दिया टे बपतीस्मा सावे | 7 जब डीकू नी घोनेचकुका फरीसिया येथा सदुकीया गा बपतीस्मा गा घांजी आपना मेरान हेजे डोके, मेटे दिकु टे, मेटे दिकु टे मांदिके, कि हे बींज गा कोनकू आपेके जेनी सेने मेणा जा कि हेजे मिनी खिजो टे साडुबे जा? 8 अगर मन इखड गा लायको फल सेगे | 9 येथा आपना आपना मान के येटेन बान सोचातींज, कि आलेगा बाटे इब्राहीम होय; चोयाकी इंज आमके मंदीवा होय, कि परमेश्वर इनी घोटा टे इब्राहीम गा घांजी कोण डायेवा होय | 10 येथा नका आखे के सिंज गा जाडी लीन्जेन डोके मिनी होय, इनिघांजी जो जो सिंज अच्छा फल बान सा, देतेन जानोम येथा सिंगेल गेन टेप्पा कोंबा होय| 11 इन्ज नी दा टे आपेके मन इखाड गा बपतीस्मा जीउवा होय, देतेन इंजा टे शक्तीशाली होय; इंज दियागा बुट्टा ठुठूल गा लायको बाने, देतेन आमके पवित्रा आत्मा येथा सिंगेल टे बपतीस्मा जेवा | 12 दियागा सुपो दिया गा टी गेन होय, येथा देतेन आपना खलीहन आच्छा रिती टे साफा गुवा, येथा आपना गु केनी मेटे खात्तोन नी म्याखठ्ठा डायेवा,पेनो भुसा के दि सिंगेल गेन जुलेबा जो हिरीज गा बाने || 13 दि टेमोन यीशु मसीह गलील टे यरदन गा धुरा लीन्जेन युहन्ना गा मेराण दिया टे बपतीस्मा सा हेन | 14 पेनो युहन्ना इनी मांडीते दिच्के रोराका तींज लाज्जे, कि इंज्के आमा गा टी टे बपतीस्मा सा गा जारुरी होय, येथा आम आमागा मेराण हेन होय? 15 यीशु नी दिच्के इनी उत्तर जीके, कि नका मेटे येनोगो का दा डाए, चोयाकी आलेके इनिका रिती टे सेबाई धार्मिकता के पुरा डाए साही होय, मेटे दिच्नी दिया गा बातो मांतीन्जे | 16 येथा यीशु बपतीस्मा साटे तुरुटो डा गा टे माठान हेन, येठा डोगे, दियागा घांजी आकाश खुल्लायेन होय; येथा दिच्नी परमेश्वर गा आत्मा के कबुतर गा रोन्गो आगुरुटे येथा आपना माठाटे हेजे डोके | 17 येथा डोगे, येटेन आकाशवाणी डाके. कि येटेन इंजगा लाळगा कोण होय जे टे इंज ठायका कुसो के होय ||