4
मेटे दि टेमोन आत्मा यीशु के डोंगोरेन सैय्येनेच ताकि इब-लीस टे दियागा परीक्षा सेगेवा | 2 देतेन चाळीसो दिन, येथा चाळीसो रातो, लगातर थंडळके ,आख्रीन नी दियेन नी आटा रांगेन | 3 मेटे सासाम्जाटीनज मिठाच नी मेराण हेन्डो दिच्के मांदिके, अगर आम परमेश्वर गा कोण होय, मेटे मांदिके, कि इनी घोटा सोकडा आरु यु | 4 दिच्नी उत्तर जीके; कि ओल्के होय कि कोरो नी सोकडा टेका बाणे, पेनो हरम्या वचन टे जो परमेश्वर गा चाबु टे ओड्बा होय जिटाका थंडळवा ? 5 मेटे इब-लीस दिच्के पवित्रा नगरेन सैय्ये नेच येथा मन्दिर गा दिवाला लीन्जेन टेगेनके डा ? 6 येथा दिच्के मांदिके अगर आम परमेश्वर गा कोण टासो, मेटे आपना खुद के इटन बोचोयू; चोयाकी ओल्के होय, कि देतेन आमागा विषय गेन आपणा स्वर्गदूत के हुकुम जेवा; येठा दिकू आमके टीगा टी लीन्जेन ठूल्कोम्बा; तोटेनका येनोगो बाकी डाऊ कि आमागा नंगा घोटा टे कासूयु बाकी | 7 यीशु दिच्के मांदिके; येनेन भी ओल्के होय, कि आम प्रभू आपणा ? 8 येथा शैतान दिच्के खाट तुक्की लीन्जेन सैय्येनेच येथा सारा दुनिया गा राज्य येथा लालीचो घाल्के. 9 दिच्के मांदिके, कि अगर आम इंजा नंगा साब टासो. मेटे इंज येटेन सेबाई चोच्काबी आमके जेवा || 10 मेटे यीशु नी दिच्के मांदिके; हे शैतान लेनक्कीन सेने जा, चोयाकी ओल्के होय, कि आम प्रभू आपना परमेश्वर गा नंगा साबे येटेन सेबाई चोच्काबी जेवा| 11 मेटे शैतान दिया मेराण ओले, येथा डोगे, स्वर्गदूत हेन्डो दियागा सेवा दाडा लाज्जे ? 12 जब दिच्नी येटेन इनी आजुम्के होय कि युहन्ना उठायेन मेना, मेटे देतेन गलीलेन ओले मेना! 13 येथा नासरात के आराटे काफरनाहूमेन जो गाडा गा धुरान जाबुलून येथा नाप्ताली गा देशोन होय सेनेडो थंडळ लाज्जे ? 14 ताकी जो यशायाह भविष्यवाणी गा गेल्ला मांदिके डा, देतेन पुरायेन होय| 15 कि जाबलून डो नाप्ताली गा देशोन, तालाव गा कोरा टे यारद्न गा मेराण आलाग्गो जाती गा गालील | 16 जो कुरकु आन्धराण सुबानके डा डीकुनी खाट उजाला डोके; येथा जो घुजू गा देश येथा ओले सुबांके डा, दिकू लीन्जेन उजाला चामकातिन्जू ? 17 दि टेमो टे यीशु प्राचार दाडा येथा इनी मांडी सुरु के, कि मन इखाडे चोयाकी स्वर्ग गा राज्य मेराण हेन होय | 18 दिच्नी गलील गा तालाव गा धुरान इखात लाठ्ठा बारी डाईकिंज यानेकी-शामौन के जो पतरस मंदीवा होय, येथा दियागा दाई आंद्रियास तालाव गेन जाली येण्दा टेमो डोके डा; चोयाकी डिच भुई डा| 19 येथा दिकुके मांदिकि इंजा टाउटे हेजे, मेटे इंज आपेके कुरकु उठामिंकू आरुकोम्बा | 20 दिकू तुरुतो जाली के आराटे दिया टाउटे ओले ! 21 की-जब-दि गा कोणटे याकुब येथा दियागा डाइटे युहन्न के आपना बाटे जब्दी गा साथोन डोंगा लीन्जेन आपना जाली के सुदारा तींजटे डोगे; येथा | 22 दिकू तुरुतो डोंगा येथा आपणा बाटे के आराटे दियागा टाउटे ओले होय? 23 येथा यीशु सारा गलील गेन इखाट लाठ्ठा दिकुगा सभा गेन उदा. दाडा येथा राज्य गा सुसमाचार प्रचार दडा डा, येथा कुरकु का तुनिका रोन्गो गा बिमारी येथा लोकोमके लेनक्की नेवा होय | 24 येथा सारा सुरिया गेन दियागा जिटाऊ फैला तीन्जे ; येथा कुरकु सेबाई बिमारी के, जो अलाग्गो अलाग्गो प्रकार गा बिमारी येथा दुखेनभी जाकडा तिनज्के डा, येथा डेननी भूतोकू डा येथा मिर्गीमिंकू येथा लाखवा गा घोयेन मिंकूके दियागा मेराण सालेकू येथा दिच्नी दिच्के साजाकेनेच | 25 येथा गालील येथा दिकापुलीस येथा यरुशलेम येथा यहुदिया टे येथा यरदन के पार गर्दी गा गर्दी दियागा टाउटे ओले ||