Gà ɓəza Isuwa
36
1 Araha, naha ka, bazlam gà ɓəza Isuwa ana a wa ya tar a, kamala megweɗe ya ka, gwala gà Edum. 2 Kamala taŋa ya, Isuwa a ndzaka gà məkəs ŋgar ka, gà dəm gà mburma ana ika ahəɗ Kanan a. Zləm gà məkəs ŋgar ata ka, biy ŋgiɗ Ada dəm Helum gà Hittiya, nda Ulibam dəm Ana, ŋgat kəla Dzebeyum gà Hivviya,vvv 3 dite nda gà Basəmat dəm Ismayila, damər Nebayut.www 4 Kəla Ada ana a wa a Isuwa ya ka, Elifas. Basəmat tekeɗe, a war Rewel. 5 Ulibam ka, a war gà Yus nda Yalam, nda gà Kura. Gà tar ata tserdze ya ka, gà ɓəza Isuwa ana a wa ya tar ika ahəɗ Kanan a. 6 Aləka i dəba ŋa ya ka, Isuwa a ndzək gà məkəs ŋgar nda gà ɓəza ŋgar ana gà asləka ŋa ya, nda gà dəm ŋana zləmana mburma i ga i ma ŋgar a tserdze, dite nda gà dukw gənaw ŋgar, zləməŋa limana ŋgar ana a ŋgat ika ahəɗ Kanan a tserdze. Dite a mah ba, tə da aka ahəɗ ŋgiɗ dìreŋ aà damər ŋgar Zakup ya. 7 A da a fata ka, aɗaba limana tar nda nda damər ŋgar a beha hinne, ti sle a aà mendze akaba a tsa, aɗaba gà dukw gənaw tar ana ta kiv a ya ka, hinne. 8 Isuwa a ta mendzeba a gər kwite Seyir. ŋgat a ne ka, tsir gà Edum. 9 Araha na bazlam gà ɓəza Isuwa tsir gà Edum a. Ama təv mendze tar ka, ika gər gà kwite Seyir. 10 Araha na zləm gà ɓəza Isuwa ana gà asləka ŋa ya. Elifas kəla Ada, məkəs Isuwa, dite Rewel kəla Basəmat məkəs Isuwa mbaŋa. 11 Gà ɓəza Elifas ka, gà Teman nda Umar, nda gà Dzefu, nda gà Gatam nda Kənas.xxx 12 Timəna ka, ŋgat ɓele ŋgar mbaŋa. Øele ata ka, a war kəla ilik, Amelek. Tar ti ne ka, gà ɓəza Ada məkəs Isuwa. 13 Dite gà ɓəza Rewel ka, gà Nahat nda Zerah, nda gà Samma, nda gà Misa. Gà tar ata ti ne ka, gà ɓəza Basəmat məkəs Isuwa. 14 Araha na gà ɓəza Ulibam ana ŋgat dəm Ana kəla Dzebeyun, i məkəs Isuwa ya. A wa a Isuwa ka, gà Yus nda Yalam, nda gà Kur a.15 Gà Əbay ana i gwala Isuwa a ka, gà Elifas i maləkwara kəla ŋgar. Gà ɓəza ŋgar ibam, gà Teman nda gà Umar, nda gà Dzefu nda gà na i Kənas a, 16 dite gà Kura nda gà Gatam, nda gà Amelek. Tar ata tserdze ya ka, ti ne gà Əbay i gwala Isuwa ika ahəɗ Edum a. Ama tar ka, gà ɓəza Ada. 17 Gà ɓəza Rewel asa ka, gà Nahat, nda gà Zerah nda gà Samma, nda gà Misa. Tar ata ka, ti ne gà Əbay ika ahəɗ Edum mbaŋa. Tar gà ɓəza Basəmat i məkəs Isuwa. 18 Gà ɓəza Ulibam məkəs Isuwa mbaŋa ka, gà Yus nda gà Yalam, nda gà Kura. Tar ka, gà ɓəza Ulibam dəm Ana, məkəs Isuwa. 19 Tar ata tserdze ya ka, gà ɓəza Isuwa, tar tserdze ka, nda gà Əbay tar ŋa mbaŋa. Taŋa na a ne gà mburma gà Edum a.
Gà ɓəza Seyir
20 Gà ɓəza Seyir kəla gà Huri ka, tar tə ndzawa daga piŋŋe ika ahəɗ ata. Tar ka, gà Lutan nda Subal, nda gà Dzebeyun, nda gà Ana, 21 dite Disun nda Edzer, nda gà Disan. Tar ka, gà Əbay gà Huri, gà ɓəza Seyir ika ahəɗ Edum.
22 Gà Lutan ka, Huri nda Heman. damər Lutan ana məkəs ŋa ya ibam, zləm ŋgar Timna. 23 Gà ɓəza Subal ka, gà Alumon nda Manakat, nda gà Ebal, nda gà Dzefu, nda gà Unam. 24 Gà ɓəza Dzebeyun ka, gà Aya nda Ana. Ana ka, wele ana a ŋgataya gà sùwà hinne i dala i təv ana à kiv a gà hezweŋe tsir ŋgar Dzebeyun a. 25 Gà ɓəza Ana ka, gà Disun nda Ulibam dəm ŋana. 26 Gà ɓəza Disun ka, gà Hendan nda Esban nda gà Yeturan, nda gà Kiran. 27 Gà ɓəza Edzer ka, gà Bilhan nda Dzawan, nda gà Akan. 28 Dite gà ɓəza Disan tekeɗe ka, gà Us nda Aran.
29 Gà Əbay ana i Huri ya ka, gà Lutan nda Subal, nda gà Dzebeyun, nda gà Ana. 30 Dite gà Disun nda Edzer nda gà Disan gà tar ata na ti ne gà Əbay gà Huri nda gà slàla tar, nda gà slàla ika ahəɗ Seyir a.
Gà Əbay ana ika ahəɗ Edum a
31 Araha na bazlam gà Əbay ana ika ahəɗ Edum a, aɗaba ələk gà Əbay ti ta mekwere a gà mburma Isərayel ka, 32 Bela kəla Beyur aka mbər mekwere ahəɗ Edum. Zləm kwite ŋgar ka, Dinhab. 33 Aləka a mət ka, Yubab kəla Zerah a dara daga i kwite Busra ya, a mbəɗ aɗəm ba a təv mekwere Əbay ŋgar ana a kwara ya. 34 Aləka Yubab a mət asa mbaŋa ka, Husam a dara daga ika ahəɗ Timani ya, a kwara təv wele ata asa. 35 Husam a mət ka, Hadaɗ kəla Bedada wele ana a mba aà kwite Madiyan ata ika ahəɗ Muwab a, a kwara təv wele ata. Zləm kwite ŋgar ka, Awit. 36 Hadaɗ a mət ka, Salama a dara daga i kwite Masərak a, a kwara təv wele ata. 37 Dite Salama a mət ka, Sewulu a dara daga i kwite Rekubut a, aà guva batsah dula ya, a kwara təv ŋgar ata. 38 Aləka Sewulu a mət ka, Bahal Hanan kəla Akbur a kwara təv ŋgar ata mbaŋa. 39 Bahal Hanan a mət ka, Hadar a kwara təv ŋgar ata. Zləm kwite ŋgar ka, Pagu. Zləm məkəs ŋgar ibam, Mehetabel dəm Matiraɗ i kəla Medzehaɓ, dəm ŋana.
40 Araha na zləm gà Əbay ana i gwala Isuwa ya, ku weke nda gà slàla tar, nda gà kwite tar: Gà Timna nda gà Aluwa, nda gà Yetet, 41 nda gà Ulibam, nda gà Ela nda Pinun, 42 dite gà Kenas nda Teman, nda gà Mipəsar, 43 nda gà Magədiyel, nda gà Iram. Gà tar ata tserdze ya ka, gà Əbay ana ika ahəɗ Edum a, nda təv gà mendze tar ana ti ndze a iɗəm a ka, ahəɗ ŋa biy tar dukw tar. Kamala taŋa ya na Isuwa ŋgat a ne tsir gà Edum a.