Madzəba 10

1 Gà ɓəza ana gà ɓəza Nuhu ta wa ya 10 Araha, naha ka, bazlam gà ɓəza Sem nda gà ɓəza Hamu, nda gà biy Yefet, tar gà ɓəza Nuhu. Ta waya gà ɓəza i dəba batsah yam ata a rah aka gər ahəɗ, a dzeye à gà dukw tserdze ya. 2 Gà ɓəza Yefet ka, gà Gwemer nda Magukw, nda gà Maday, nda gà Yawan nda Mesek nda gà Tiram. 3 Gà ɓəza Gwemer ka, gà Askanas nda Rifat, nda gà Tugarma. 4 Gà ɓəza Yawan ka, gà Elisa nda Tarsis, tar ka, gà Kipurus, nda gà Rudus. 5 Gà mburma ata ka, gà bàba gà tsir gà mburma ana tar mandza ŋa ika ahəɗ ana malàwàrà ŋa nda yam a, nda gà na à guva ya. Tar ata tserdze ya ka, gà ɓəza Yefet, ku gà wele ana ta fèfil a ndaka ahəm tar ika ahəɗ tar pampam nda gà gwala tar. 6 Gà ɓəza Hamu ka, gà Kus nda Ezipt, nda gà Put, nda gà Kananiya. 7 Gà ɓəza Kus ka, gà Sabba nda Hawila nda Sebatah, nda gà Ramah nda gà Sabatka. Dite gà ɓəza Ramah ka, gà Seba nda Dedan. 8 Kus na a wa Nimirut a, ŋgat na a lah medzebe aà mene mala ndzəɗa ika gər ahəɗ a. 9 ŋgat mala mekwète ana ndzəɗa ŋa ika miɗ Mbulum a. Aɗaba taŋa na ta gwaɗawa ahər ka: « Batsah mala mekwète ana ndzəɗa ŋa ika miɗ Mbulum kamala Nimirut a.» 10 A lah medzè ba aà Əbay ŋgar ana a kwara ya ka, i gà Babila nda Erek, nda gà Akat nda Kalne ana ika ahəɗ Sineyar a. 11 A dara daga ika ahəɗ ata ya, a da aka ahəɗ Asur. I fata ka, a zlazl kwite gà Ninive nda Rakubut, nda Ir, nda gà Kalak, 12 nda Resen ana ika màgər gà kwite Ninive nda Kalak a. Taŋa na a ne batsah kwite ya. 13 Ezipt a wa gà Ludiya nda Anam, nda gà Lehab, nda Naftukw, 14 dite nda gà Patrus nda Kaslum, nda gà Kaftur. Tar na ti ne gà bàba gà tsir gà Filistiya ya. 15 Kanan a wa maləkwara ŋgar ka, Sidun, 16 dite gà Hetu nda Yebusiya, nda gà Amuriya, nda gà Girgasiya, 17 gà Hivviya nda gà Arək nda gà Sir, 18 nda Arvaɗ, nda gà Dzemar, nda Hamat. Dite i dəba ŋa ya ka, gà Kananiya tə daya ika ahəɗ ata ilik ilik tserdze. 19 Təv mendze gà Kananiya ata a səkah hinne, a gəsara daga i ga Sidun nda Gerer a, tsikw aà Gaza, dite Suduma nda Gumura nda gà Adama, nda Sebwim, a ndze tsikw haa a Lesa. 20 Gà tar ata tserdze ya ka, gà ɓəza Hamu nda gà slàla tar pampam ika gà ahəɗ tar, nda gà mifefile tar pampam mbaŋa asa, ku mege gà weke nda gà gwala tar. 21 Sem ka, ŋgat a ne tsir gà ɓəza Eber tserdze, ŋgat ka, batsah Yefet ŋa. ŋgat ibam, gà ɓəza ŋgar a riŋ mbaŋa. 22 Gà ɓəza Sem ka, gà Elam nda Asur, nda gà Arpasada, nda Luta, nda gà Aram. 23 Gà ɓəza Aram ka, gà Wus nda Hul, nda gà Geter, nda gà Mas. 24 Arpasada a wa Sala, dite a wa Eber. 25 Eber ka, gà ɓəza ŋgar sula. Biy ŋgiɗ ka, zləm ŋgar Pelek. Aɗaba akahər ata na mburma a tàratsaya ba ikaba ya ika ahəɗ a. 26 Dite zləm damər ŋgar ka, Yaktan. Yaktan a wa gà Almut nda Selef, nda gà Hazamawat, nda gà Yerak, 27 Nda gà Haduram, nda gà Wusal nda gà Dikila, 28 gà Wubal nda Abimayel nda gà Seba, 29 gà Wufir, nda gà Hawila, nda gà Yubaba. Gà tar ata tserdze ya ka, gà ɓəza Yaktan. 30 Təv mendze tar ka, a gəsara daga i Mesar a haa a ndze tsikw a Sefar. Taŋa ka, kwite ana ndaka tseke pat ana a mbəzawara ya. 31 Aɗaba tar ata tserdze ya ka, gà ɓəza Sem, ku mege gà weke nda slàla tar, nda gà ahəm tar pampam, nda gà gwala tar tserdze. 32 Gà mburma ata tserdze ya ka, gà ɓəza Nuhu, ku weke nda gwala ŋgar. Aɗaba tar na ti ne gà bàba gà tsir gà mburma ana ika gər ahəɗ tserdze, i dəba batsah yam ana arah aka gər ahəɗ, a dzeye à gà dukw tserdze ya.