5
1 Gà ɓəza Adama ana a wa ya 5 Araha, naha ka, bazlam gà ɓəza Adama ana a waya tar akahər ana Mbulum a ge mburma ya. A ge mburma ka, a ndzikiɗ ba ŋgat. 2 Mbulum a ge ka, gà asləka nda məkəs, a pise a tar ahəm, dite a ɗe a tar zləm, a zal a tar mburma, daga akahər ana a ge tar a.[1] 3 I təv ana Adama a ge mive dərməka nda dzik makər a ka, a wa kəla ana a zla ba ŋgat, a ndzikiɗ ba kalkal ŋgat a. A zal a kəla ata ka, Setu. 4 Mive Adama i dəba mawà Setu ana a wa ya ka, mive dərməka, dite a wa gà ɓəza gà asləka ŋa nda gà dəm ŋa. 5 Kamala megweɗe ya, mendze Adama ana a ndza aà bəra fit dze ya ka, mive dərməka tswiɗ nda dzik makər (930), na dite a mət a. 6 I təv ana Setu a ge mive dərməka nda ə̀zləm a ka, a wa kəla ana a zalar Enus a. 7 Mive Setu i dəba ma wa Enus ana a wa ya ka, dərməka tsamakər nda təsəla, a wa gà asiŋ gà ɓəza ŋgiɗ gà asləka ŋa nda gà dəm ŋa. 8 Kamala megweɗe ya, mive Setu ana a ndza aà bəra fit dze ya ka, mive dərməka tswiɗ nda kurwa gəra sula (912), na dite a mət a. 9 Aləka i təv ana Enus a ge mive dzik tswiɗ a ka, a wa kəla ana tə zalar Kayinam a. 10 Mive Enus i dəba mawà Kayinam ana a wa ya ka, dərməka tsamakər nda kurwa gəra ə̀zləm. A wa gà asiŋ gà ɓəza ŋgiɗ gà asləka ŋa, nda gà dəm ŋana tserdze. 11 Kamala megweɗe ya, mendze Enus ana a ndza aà bəra fit dze ya ka, mive dərməka tswiɗ nda ə̀zləm (905), na dite a mət a. 12 I təv ana Kayinam a ge mive dzik təsəla ya ka, a wa kəla ana tə zalar Meleleyel a. 13 Mive Kayinam i dəba mawà Meleleyel ana a wa ya ka, mive dərməka tsamakər nda dzik faɗ. A wa gà asiŋ gà ɓəza ŋgiɗ gà asləka ŋa, nda gà dəm ŋa tserdze. 14 Kamala megweɗe ya, mendze Kayinam, ana a ndza aà bəra fit dze ya ka, mive dərməka tswiɗ nda kurwa (910), na dite a mət a. 15 I təv ana Meleliyel a ge mivè dzik ndilik gəra ə̀zləm a ka, a wa kəla ana tə zalar Yarat a. 16 Mivè Meleliyel i dəba mawà Yarat ana a wa ya ka, mivè dərməka tsamakər nda dzik makər, a wa gà asiŋ gà ɓəza ŋgiɗ gà asləka ŋa, nda gà dəm ŋana tserdze. 17 Kamala megweɗe ya, mendze Meleliyel ana a ndza aà bəra fit dze ya ka, mivè dərməka tsamakər nda dzik tswiɗ gəra ə̀zləm (895), na dite a mət a. 18 Aləka i təv ana Yarat a ge mivè dərməka nda dzik ndilik gəra sula ya ka, a wa kəla ana tə zalar Anuhwa ya. 19 Mivè Yarat i dəba mawà Anuhwa a ta ya ka, mivè dərməka tsamakər. Aka wa gà asiŋ gà ɓəza ŋgiɗ gà asləka ŋa nda gà dəm ŋana tserdze. 20 Kamala megweɗe ya, mendze Yarat ana a ndza aà bəra fit dze ya ka, mivè dərməka tswiɗ nda dzik ndilik gəra sula (962), na dite a mət a. 21 I təv ana Anuhwa a ge mivè dzik ndilik gəra ə̀zləm a ka, a wa kəla ana tə zalar Matusala ya. 22 Gà Anuhwa ka, tàa ndza nda Mbulum mivè dərməka makər, i dəba mawà Matusala ya. Aka wa gà asiŋ gà ɓəza ŋgiɗ gà asləka ŋa, nda gà dəm ŋana tserdze. 23 Kamala megweɗe ya, mendze Anuhwa ana a ndza aà bəra fit dze ya ka, mivè dərməka makər nda dzik ndilik gəra ə̀zləm (365). 24 I huɗ mendze Anuhwa ana a ndza aà bəra ya ka, tàa ndza nda Mbulum lele. I təv ana mendze ŋgar kàa mendìve ika gər ahəɗ a ka, wura aka ŋgatar asa tsa, aɗaba Mbulum aka zla ŋgat.[2] 25 Aləka i təv ana Matusala a ge mivè dərməka nda dzik tsamakər gəra təsəla ya ka, a wa kəla ana tə zalar Lamek a. 26 Mivè Matusala i dəba mawà Lamek ana a wa ya ka, mivè dərməka təsəla nda dzik tsamakər gəra sula. Aka wa gà asiŋ gà ɓəza ŋgiɗ gà asləka ŋa, nda gà dəm ŋana tserdze. 27 Kamala megweɗe ya, mendze Matusala ana a ndza aà bəra fit dze ya ka, mivè dərməka tswiɗ nda dzik ndilik gəra tswiɗ (969), na dite a mət a. 28 I təv ana Lamek a ge mivè dərməka nda dzik tsamakər gəra sula ya ka, a wa kəla asləka ŋa. 29 A zal a kəla ata Nuhu. A gwa: « ŋgat na a ta mèkwehe a à arəv, a ta gekwe a ŋgulum agəra megemir kwa ana ki gekwe a nda mesewere are ŋa ya, aɗaba gər ahəɗ aaha ka, Mbulum aka mbər miviler mezelme. 30 Mivè Lamek i dəba mawà Nuhu ana a wa ya ka, mivè dərməka ə̀zləm nda dzik tswiɗ gəra ə̀zləm. Aka wa gà ɓəza ŋgiɗ gà asləka ŋa, nda gà dəm ŋana tserdze. 31 Kamala megweɗe ya, mendze Lamek ana a ndza aà bəra fit dze ya ka, mivè dərməka təsəla nda dzik təsəla gəra təsəla (777), na dite a mət a. 32 Aləka i təv ana Nuhu a ge mivè dərməka ə̀zləm a ka, a wa gà Sem nda gà Hamu, nda gà Yefet [1] Mata 19:4; Markus 10:6 [2] Ibəranikwa 11:5; Yuda 14