hitaym ipreti hitam
Moohot meetaayy kapann ishaam
1
1 Moohot sapan olote paana hawhawi kikkiyyonn himampayya kapann helpa leke appaadaannu ishaam;
2 ammann lamm sapan sed heka muutaytaate meetaayy se iyyat heikketi taymampayt kod kapann innu ishaam;
husslahatenno uumam iyyann kida.
3 iyyat haas serka Moohaat;
iyyat kinnatayyenn paahnat Mooha shaakk.
lelaayy se qimenn husslah ulli hes qap;
iyyat mashshayyess juppot namat alljiq illo moontalle hark miskittishsh heka Mooha kaan qari laiyy.
meet Mooha hitaymiyya qara taw
4 qum mahh meet moohaati daassam mahh hitaymiyya qara tawop iyyat hitaymiyya qara ikaaness taw.
5 Moohot hitaymiyya ila apure aynoss,
"att meetaawu;
antu aww appaaytin kodd;"
shoke,
"antu appan iyy koddina;
iyyanno meetaawu koddina;"
kid?
6 helpaan Moohot qartaayy husslah qarop hite,
"hitaymiyya dahenn iyyi shoomadenii"
hekidin.
7 oot hitaymiyyaatess lamm,
"hitaymiyyoyy haayyaass,
erkamampayyoyyanno haalayt apittatess kodina" hekidin.
8 oot meetaayyetess lamm,
"moohaallo,
sheeddaat parparaashsh hak parparatess kallaannin;
daamumaaytenn paana pahenn peashshinnin;
9 tsillot hoxsaatt,
nayqunt qar hittitt;
sed maalla Moohot,
moohaatt hed pahisad;
katoott qareellanno tif masmasunt daanniyun hed roop"
"poldaawo!
att turaqattaass husslah soorunt,
moontanno erkama harkaytet;
11 iyyaanno dahenn patinan;
att lamm ulla kallaannint;
iyyaanno dahenn uuwaatap kerdinan.
12 qum uuwaatatepanno all iyyaa marint.
iyyaanno qum uuwaatatep oohaminan;
att lamm help min hedeeh;
sapanaytenno amm muutayta heqapamu"
"hak antu olishshadaatt lukkaatt keli hedi kodinu,
miskittaawu qari laii"
kid?
14 kat hitaymiyya dahenn,
laaffot se orr se diniyyu qarqaara Moohot erkama hitiyyun hinemu?