hitaym bawloos
filimoonass
kaalt
filimoonat kristaana ufunaasham kida. iyyat afa nam maapar kristaana heka sapara qolaasiyaatep tooyamin. filimoonat aylet, onesmoos kidamiyyu qap; helpaan onesmoos poldaayy kapa allfeelade, bawloos se man hidanate kiyyu olle orraxakken illo iyat amaantet kristaana bawloos qara qeeddad. hitaym bawloos filimoona tsaaf, ikkim filimonat ayleshay se iyy kapop mitaata qara kiyyu, olle araaraminoss lelin. uqqari padawaan onesmoos oot ammann kristaana kodd maalla, ikkim sed kanneesh filimoonat qum kafittayy kirstaanishap iyy qeeddaninoss male, ikkim iyyat qum ayletatep iyy intooyness illelin.
hin matsaafa sed qalle kiyy
kaalt 1-3
aypila bawloos filimoonas 4-7
kaassiya qima se bawloos oot onesmoos dehayy 8-22
kaysila 23-25.