hitaym ipreti hitam
kaalt
hitaym hin tsaafam, kristaana se shiittaan kaan qari deya minann amaanteshaddu alldiitta dehaadess kida. tsaafampayt hin, orr ipret hin kristoos amaaniyass akkinniyyu, Yesus kristooset shaakket koddaayenne Moohot muutayta qara iyy kapin iakkisaay kida. setep lamm ikkim kristaana hin amaanteshaddun kokkaanninaness iyyaa kokkokkinnin; iyyat sed tsaafiyyo shaakket qiqqint halpatt akkinnin,
1 Yesus hin rakkot se iyyat qeeddad minan Mooha appaass shaakket acacamiyyu, meet Mooha iyy parpar ullakiyyu kida. meet Mooha koddaayyen himampayya kaka pahayyaatenne muusenne hitaymiyya qara ikkaaness taw.
2 Yesus suuka parpar ikkaan, iyy suukamma kaka pahayya qara tawu koddaayy Moohot mashshayy helel.
3 orr amaaniyyu Yesus kapan juppotanne huurraanne toxt ila dininan; Yesuset suuka suukamma koddaayyen dina innu dayy, dina settenno tampet amaantet ipretatenne laaqqa horetatenn qum kaattaatep akkaannin kida.
tsaafampayt torroot israaelet ila orr amaantetan ufunasham paahnat kodaan (haysot 11) orr waarusinniyyu ikkim amaanteshaddun qiminan qaapusinnin; settep lamm haysot 12 qara orr waarusinniyyu indaaddu Yesus qar haayattan ikkim kokkaanninan illo rakkotanne ekkawusamot qara deyiyyo duupanninan korsin; muutayta qaranno lel korsaatenne heka hela daattaan kaysinnin.
hin matsaafa sed qalle kiyy
kaalt, Moohot kristoosin ufunashamaayy 1,1-3
kristoos iyy hitaymiyya qara tawu koddaayy 1,4�2,18
kristoos muusenne iyaasu qara taw 3,1�4,13
suukum kristoos suukum heikk qara tawnaataayy 4,14�7,28
kaka kristoos kaka pahayya qara tawan 8,1�9,22
kristoos laaqqa koddaay laaqqa heikk qara taw 9,23�10,39
amaantet ikaant koddaadd 11,1�12,29
Mooha masmasusisa 13,1-19
dinkam muutayta 13,20-21
ishaama muutayta 13,22-25.