iyaan lashsh muutaytaate koddina
3
1 lashsh muutaytaate sapan nam baaqurusinniyu ikkim deyinu sed ufunaadu.
2 orrat iyyaan ihoxsaanniyy koddinan,
kodashshet hoxsaanniyy,
issin ieskinniyy,
foojampaya,
nam otiyya,
lemmoddu acacama diinniyy,
aypisatta diinniyy,
miiluma dap,
3 iyyaan hoxsunt dap,
allhattu kida diinniy,
kexemampayya,
illushatta diinniyy,
nam mutsurootta diinniyy,
akkan dikk hoxsatta diinniyy.
4 iyyaan kap lakk ishaamiyya,
itur tooyatta diinniyy,
fojin innaakood,
Mooha qareelli naala hoxsaanniyy koddinan.
5 afa Mooha huuriyanep kiyyan male,
irrot amaanntet marmanniyyan;
orr sedep kikkiyyu ketta all sekaadu.
6 orr sed ila karatiddu manna kela annin illo iskatt se tashampayya kodd juppot lekit qari tuulantenne,
iyyaan hadat hawhawi kikkishshun qeeddamiyy poojin.
7 iskatt hinep kiyy helpamin kolliyan,
hekoddu male por shaakket ufunaatta qaran paxa amm fottiyyanemu.
8 qum se iyaanesenne iyanparaas muus shiittenep,
orr hin ot qaapaaddu qara nayqaadenne iyyaa amaantetin sunken maalla,
hin shaakkett kodd shiittin.
9 hekoddu male qum eepum iyaanesenne heka iyanparaas patpahep,
eepum orr sedetenno nam heikk turass oot iyyat patpahinu maalla,
amm iyyaa koddintamu.
korsa muutayta
10 att lamm kollilaawonne antonaawonne,
qaapaawonne,
amaanteshawonne,
duupattaawonne,
hoxsunshawonne,
kokkunshawonno,
hexakkit;
11 huss antsookiyaatenne iqoniyaatenne,
listsiraatenno kannaxarsamaanne rakkot se an qari deit antu duupad heuft;
moohaanno hehikk kela an passiyy.
12 lamm hin Yesus kristoos amaanan Mooha huuran kallaatta fadiy dahenn kannaxarsaminan.
13 hekoddu male nayqisampayyaanne malmatisampayya,
orr patin dapusisaannenne patandapaann,
nayqunt qari nayqunt padawaann annin.
14 att lamm hin att kollitenne amaantin qimii kallaadu;
maana maalla,
aynu qara ikkim att kollit heufuta;
15 meumayte hiran matsaafadda miilot heufunaatt.
matsaafadda hinenno Yesus kristoos amaanan dina akkattaass ufunat hed daatta fottinan.
16 matsaafa miilot dahenn turqeedda laaffot moohaatenn tsaafam.
iyyanno shaakket kollisaassenne,
iyyaan patandap tushaass,
patindapat pahisaassenne paana tsillotatin korsaassenno koddin.
17 sedenno nam Mooha,
iyy erkamaan dikk dahenness kayiyyu ikkim koddinoss kida.