Yesus shoopayt shokku diniyy
5
1 sekanna Yesus serkila amaantet ayhutaatess yerusaalemep aan.
2 yerusaaleme kaalt helemma kapa,
taampat ayka it kap ipretatin petesaytaa kidamishshu kiyy;
ukapaash por tarpanta hen kiyy.
3 baaqampayya lek,
indamalaanne shopayyaanne orr muluhluh por tarpanta sett ili peannin [seseya haq seti lushanin.
4 qall qallenn hitaymishsh Mooha taampat se ilop lekkannin illo haq se sessehinnin.
sesseha haq set kanna nam turaqatta taampat se ilop lekanniyyu baaq se iyy qara kiyyu dahenn ila dinanin.]b
5 ulla nam par hund halpattanne lakkushet baaq kiyy.
6 nam hin ullas pead,
Yesus iyy akk illo helpa lek baaqaayy ufunaad,
"dinatta fadikkishshamu?"
ikkid.
7 baaqampayt settenno,
"polda!
helpaan haq hin sesseyiyyo nam an qeeddinu taampat se qallep an lekkashshinninu amm henqapamu;
antu anniyyo,
nam pil an turin qattin lekkannin" he ikid.
8 Yesus illo,
"sohadu,
afandoott haxisadu kalii!"
ikkid.
9 nam hin esseteeh din;
afandooyy haxisad kal.
hin kodden,
lashsh sampata ayhutaate kida.
10 semmaalla hayyot ayhuta nam se dinadess,
"oot it aww lashsh sampata koddit maalla,
ikkim afanda haisannintu amm halitt qari hedi hedaassantemu" he ikkiden.
11 iyyat illo,
"nam se an diniy,
'afandoott haxisadu aanii' an kid" iyyaa kid.
12 iyyaa lamm,
"aynu 'afandoot haisadu aanii' hedi kid?"
hekiden kaassaden.
13 nam se dinadenno,
oot siipat lekenenne yesusenno por se ila sekaad aan maalla,
nam iyy diniyy aynu ikkim kodd amm heufnaademu.
14 sekanna Yesus nam sett man miilot talla akk illo,
"toare,
ammann hedinatt;
akkan sed qara tawu hed qari paxa tura sed kanneeshsh juppot erkasa diiyii" ikkid.
15 iyyat illo aan hin iyy diniyy Yesus koddaayy hayyot ayhutaat lel.
16 oot iyyat sampata qari hin erkayy maalla,
hayyot ayhuta Yesus rakkusisa hiren.
17 Yesus lamm,
"appaawu helpa mitt erkannin;
ananno erkanninhina" hekid immittaattiy.
18 ishaamayn ikkim hayyot ayhuta Yesus ikanninaness aykusiyen.
hin maalla kodden,
iyyat halitt sampata qar tarp maallaah kodda male,
"se iyyat Moohot appaawu" kid mashshayy Mooha kap iqqap maalla kida.
hayyotum meet Mooha
19 Yesus sedep kid iyyaa mitaattiy,
"shaakket shaakketin inni kidin,
immat hin appat erkanniyyu iyyat akk erkasa pateeshsh isseeshsh amm akkan erkasa fottiyyamu.
hin appat erkanniyyu immanno erkannin.
20 appat immayy hoxsaanniyy,
hin iyyat erkanniyyonno dahenn iyy akkinnin;
innanno ikkim shammannintaness erkamaan hin qara taw iyyi akinnina.
21 qum appat hin raaw sohhashshisan kiyyat iddaanniyyop,
immanno settep nam iyyat hiinos kiyyat daannin.
22 appat amm nam qari horat quurinamu;
hekoddu male hayyotum horat quura dahenn immass dayy.
23 iyyat maalla sedep kod,
qum siipat dahenn Mooha,
appa serkinniyanep,
ikkim immanno serkinninaness kida.
hin immaay serkisa diinniyyu amm Mooha,
appa se iyy hitenno serkinniyamu.
24 shaakket shaakketin inni kidin;
hin lelaawu dakayiyyu illo se an hit amaaniyyu kiyyat parparat qap;
iyyat por toxtateeshsh por kiyyatatep tarp male,
amm horat qari quuramintamu.
25 shaakket shaakketin inni kidin;
helpaan orr raaw nass meet Mooha dakaynan deyina;
helpaanettenno ammann kida;
hin dakayiyyanno dahenn kiyyatann kallaanninan.
26 qum Mooha,
appat mashshayy ayka kiyyat koddep,
ikkim meetaayy ayka kiyyat koddinoss kod.
27 oot iyyat meet nam kodd maalla,
ikkim horat quurinoss hayyotum iddayy.
28 sedin shammatta diiyyaa;
maana maalla,
helpaan orr poosa kela kiyy dahenn nassaayy dakayinan deyina.
29 orr iyaan dikk erkayy toxt ila sohanninan kiyyatin kallaanninan;
orr nayqunt erkayy lamm toxt ila sohanninan illo horat qari quuramint.
maanyetum oot yesusi daassam
30 antu hayyotumawun amm akkan erkasa fottinhinamu;
hekoddu male se antu appa kapa dakayennin horat quurina;
oot antu heka hasaawu erkasa diinniyyu illo has iyy se an hit erkanniyyu maalla,
horat antu quuriyyu tsillot.
31 etin antu oot hekaawot maanyetumo,
maanyetumaawoss amm namat shaakket kidinamu.
32 hekoddu male iyy ootaawu maanyet koddiyyu hepil kiyy;
maanyetum iyyat ootaawu leliyyu shaakket koddaayy henxup.
33 inn yewannis kapop hitaym hitten;
iyyanno oot shaakketatess maanyet kodd.
34 sed kidaawonno ikkim dinintaness male,
amm oot maanyetum nam ani fadusinniyyu maallaamu.
35 yewannis qum ispa se opawiyyu attumanniyyotep kiyy;
innanno helpa qojess attumashayyin masmasa faditen.
36 antu lamm maanyet maanyetum yewannis qara tawtun qap;
maanyeshawonno erkamaan appaawu ikkimin erkanninu an dayy kida.
erkamaawu hin antu erkanniyyonno appat an hitaayyess maanyet ani koddin.
37 appa se an hitenno mashshayyess maanyet ani koddin;
inn lamm amm nassayy hedakaytenemu;
amm pahanashayyenno hexakkitenemu.
38 se iyyat hitenno oot inn amaana diinnishshan maalla,
amm lelaayy inn qalle hekiyyamu.
39 inn matsaafadda miilot kann fuqaan afa kiyyat parpar akkannintanep inni kinnaannin;
matsafaddayn iyyaan ootaawu maanyet koddiyy kida.
40 hekoddu male inn kiyyat akkattaass amm an kapop deya fadikkishshanemu.
41 "amm antu serka nam qara fadinkiyyamu.
42 inn iyyaan mutsuroonn qalleell Mooha hoisatta diinniyy koddaayn henxup.
43 antu mahh appaawotennin dey;
inn amm an heqeeddattenemu;
et lamm nam pil mahhaayin dey kid qeeddannihaaten.
44 inn iyyaan mashshimashshayn serka orr qara fadiyy,
serkaan Mooha shokkooh kapa akkaanniy hittinniy,
ashshannass amaana fottintan?
45 afan antu appaawu turi inn kasasiyyop it innaass inkinnaannin;
iyy inn kasasiyyu muus se inn irraxatet qari haayannishshan kida.
46 oot muus ootaawu tsaaf maalla,
iyy amaanishshan kid,
ananno amaanihaaten.
47 se iyyat tsaaf et amaana diittane lamm,
lelaawu ashshann amaana fottintan?"