ohama piss Yesus
(mar. 9,2-13; Luqaa. 9,28-36)
17
1 lashsh leh kanna Yesus,
betsiroosenne yewannis inshar yayqoopenn iolle utet kaant qarop fayyad.
2 illo ulli iyyaa tur ooham;
miintayyenno lashap otawut;
uuwashayyenno heattaatt ototap haahisahaahitt.
3 uilixash muusenne eliyaas Yesus olle ishaamnniyane iyyaa akkaaden.
4 helpaanette betsiroos yesusess kide,
"polda!
ari olatta innu hedikk;
semmaalla et hinnaatto taaset halpatt,
shakk hedess shakk muusess shakk eliyaasi dihonu?"
5 helpaan betsiroos sedep kida qara kiyyo urrashshet atat deit iyyaa pat uwashitt;
urrashshet se ilaashanno nass,
"hin meetaaw antu hoxsanniyyu,
iyyin masmasiyyu;
iyy qara dakayaa!"
kidiyyu dakaysamaad.
6 helpaan soolleshiyy nass sed dakayene ikkaaness nahen illo lah sunken miintaddu lahin eskiyen.
7 Yesus lamm iyyaa kapop dey illo harkayyin iyyaa qappad illo,
"naha diiyyaa!
hayaa!"
ikkid.
8 iyyaa illo erreel kidden tooyiyane Yesus male amm nam pil heakkenemu.
9 helpaan iyyaa utet se qareett lekkanniyane Yesus,
"hak antu meet nam toxt ila sohanninoss hin inn akkiten nami lela diiyyaa!"
kid iyyaa acac.
10 soolleshayyenno,
"kat maanaass kollisampayya halitt,
'eliyaas turqatta deya iyy fadusinnin' kidin?"
hekiden Yesus kaassaden.
11 iyyat illo,
"shaakkenn eliyaaset turass qattina deyina illo heikk pahinnina soorumina.
12 antu lamm sedepin inni kidin,
eliyaas sed tureeshsh hedey;
orrat lamm amm iyy heishaakenemu;
semmaalla hasaddoss qari kodden.
settep lamm antu meet namatenno rakkot qeeddatta an fadusinnin."
hekid immitaattiy.
13 essete soolleshiyy oot yewannis ahalisampayt ishaamayy ishaaken.
Yesus, meet qayyin qapam diniy
(mar. 9,14-29; Luqaa. 9,37-43)
14 helpaan iyyaa siip se kapop mitaatene nam shokku dey lukka Yesus keli kilpiyad;
15 illo kide,
"poldaawo!
tonhedess meetaawu yeyyii;
qayy iyy rakkusinnin;
apitt ilassenno haq ilassenno helpa leke sunkinnine.
16 soolleshayt kapopin indey illo iyyaa amm dinisa hefottenemu."
17 Yesus illo sedep kid immitaattiy,
"dalashot kellatenne amaantet dafte!
hak awametessin antu inn olle kallaannina?
hak awametessin inni duupannina?
intu meet settin an deyaa!"
iyyaa kid.
18 essetekul qayy sett tush;
qayy settenno meet se qara sohad;
iyyat illo uilaxat dinad.
19 sekkanna soolleshiyy iyyaaha kodden Yesus kapop deyen illo,
"innu baaq sed sohashisa fotta diinninkinnu maana maalla?"
kiden iyy kaassaden.
20 Yesus illo ,
"oot amaanteshinn qoj maallapa;
shaakketin inni lelin;
amaantet qunda hakallaatep kishshu et qafnaattan illo utet sed nafess 'are sohadu,
ayteesh all aanii!
' kiditane anninta.
iyaan innin pushina shakkanooh naf amm kinnaanninanemu.
21 [baaq sedep kiyyu dinkamanne dama kapa duupattaan male amm sohanniyamu.
a"] iyyaa kid
Yesus oot toxshayyet lakkiyya lel
(mar. 9,30-32; Luqaa. 9,43-45)
22 helpaan soolleshiyy kelila orqud qapamene Yesus sedep iyyaa kid,
"antu meet nam harka orr qallessin tarpisamina daassamina;
23 iyyaanno an ikanninan;
hekoddu male lashsh halpattiyyaate toxt ilan sohannina."
orr settenno ishaamayyan ikkaaness dappiyen.
tiiqot man miilotat daatta
24 helpaan yesusenne soolleshayy qifirnaahome paiyene orr tiiqot man miilot pohiyu betsiroos kapop deyen illo,
"kollisampaytaann tiiqot man miilotatess tinaaretb lakk daanniyomu?"
kiden kaassaden.
25 betsiroos illo,
"heye,
daanniy" iyyaa kid.
helpaan betsiroos tallop kale Yesus lamm turass qattiy kide,
"simoon,
maana hed paahnaannin kat?
daamada husslah qaratsaanne tiiqot qeeddanniyan aynu qara?
kat meddooddu qaramu shoke orr huss pil qara?"
hekid kaassad.
26 betsiroosenno,
"orr huss pil qarapa" hekid iyy mitaattiy.
Yesus illo sedep iyy kid,
"sette meddooddu tiiqot daatta kela hatiyan kidapa.
27 hekoddu male innu kohayt iyyaa kodda tura pakatet kapop aan illo sherqc qurtsummet happii;
qurtsummet se turaqatta sohannishshu qapii;
et kap hokkitto pirret istaateretd kidamishshu kapa akkinta;
istaateret se qeeddii ootaawonne ootaayti dayyii.