orr yewannis ahlisampayt kapa Yesus kapop hitam
(Luqaa. 7,18-35)
11
1 helpaan Yesus soolleshayy acac kanna ulla sohad saparaan por se kapaash kiyyap lel masmasunt lelaassenne kollisa aan.
2 helpaan yewannis man hidanate kiyyo torroot erkama kristooset dakay illo soolleshayy ila hit,
3 ikkim "hin op deyina kidiyyan hedemu?
kat hepilin lushanninna?"
kidinan Yesus kaassanninan kod.
4 Yesus illo sedep iyyaa kid,
"aanna hin inn akkitenenne dakayten dahenn yewannis lelaa.
5 toare indamala akkiyyan;
shoopayyaanno pahiyyan annin;
orr paylot qap dinanniyyan;
dahayya dakayiyyan;
orr raaw hayiyyan;
hiyayyaass lel masmasunt lelamiyy;
6 nam anin shurshura diinniyyu iyy hartood kida."
7 helpaan orr hin yewannis kapa hitam tawen kanna Yesus siipass oot yewannis ishaama hir,
"maana tooyaass lak patpat kiyyu qallep sohatten?
shompoqot se haayyot seseyinniyyu tooyassemu?
8 shoke maanna tooyaass sohatten?
nam uuwaat sira uuwademu?
toare,
orr uuwaat sira uuwad man daamada talla akkaannin.
9 kat maana tooyaass sohatten?
himampayt tooyaassemu?
heyye,
laaddu se himampayt qara tawu tooyass hen inni kidin.
10 hin it sedep kidant ootaayy tsaafant hin iyy;
'toare hitaymishshaawu se paanayti ushuqinun hed turi qattinnina hitina.'
11 nam iskattet haayt ila iyy yewannis ahalisampayt qara tawu amm heakkaademu.
hekoddu male iyy daamum moont qalle nam dahenn kanneett kinnaanniyyu iyy qara tawunaannina.
12 sapan yewannis ahalisampaytate hiraan hak awwetess daamum moont iqqimess tuqquuramina.
orr it akkanninanno iyyaan qimiyy sotiyy kida.
13 "halitt muusenne kollila himampayya dahenn hak yewannis ahalisampayt deyinoss him lelen.
14 se iyyaa ishaamen et qeeddata hinnaattan koddo,
eliyaas hin iyyaa deyina kiden,
toare yewannis sed kida.
15 nam lappa dakayiyy qapu hedakayu!
16 hekoddu male dalashot sed maanannin qapina?
meddaan mooraall qaaiy paahnaannin;
iyyaa katooddu hembin illo,
17 'kulutotan inni dawin,
inn lamm amm hehirpitenemu!
saydaanno inni saydin,
amm hepooytenemu!
' kidin.
18 yewannis hedey dama damaanne ukot uka male kallaad,
iyyaa illo,
'qayy qara kiyy' kiden.
19 meet nam hedey,
damin ukin,
iyyaa lamm,
'hin kardelayt damotanne ukot hoyu,
mooyshsh qarats quurampayyaatenne heka juppampayat!
' he ikkiden.
lamm ufunat shaakket koddaadd erkamooddann ishaahmannin."
saparaan amaana diitta minin falqam
(Luqaa. 10,13-15)
20 essete saparaan shammot lekit,
saparaadda pil qareell uqqalli kodant oot iyyaa juppot qara mitaata diiyen maalla falqa hir,
21 "pelawu hedess kuraasen!
pelawu hedess petesayta!
shammot inn qalli kodant tsirosenne sitonna kodam kid,
hatt olo uuwaat dappet uuwannin tardat pulannin juppot qara mitaattaayen.
22 semmaalla lashsh horatate inn kapa tsirosenne sitoonass horat hoshilint hen inni kidin.
23 att lamm qifirnaahom all kaant moont qapattemu?
huss kelaati mitaatint!
shammot hed qalli kodant sapara sotometi kodam kid,
saparaan hak awwetess kinnaanaayen.
24 semmaalla,
lashsh horatate hed kapa sotomess horat hoshilint hen inni kidin."
kristoosin haysot akkatta
(Luqaa. 10,21-22)
25 helpaanette Yesus sedep kid,
"pold moontatenne heka huss,
appollo,
oot at hin orr se ufunat qaponne orr se qall ishshaakiyu tura alldekit illo orr ufunat dapi ufunnaytitt maalla hedin aypisannin.
26 owo appollo!
hin erkasaass hasayt se dikk koddit.
27 appawu kapa dahenn ani daassamen;
appa pateeshsh iyy imm ufunaanninu amm hekiyyamu.
settep lamm imm pateeshsh iyy appa ufunaanninu amm hekiyaymu;
nam immat iyyi ufunaytisa hoxsaad pateeshsh nam appa ufunaanninu amm hekiyyamu.