Na Meka-adwa a Turak i Pablo sike
Timoteo
Meafu Sitaw a Turak
Sin neturak i Pablo ino meka-adwa a turaknga sike Timoteo, nakafukukin baggina so Roma gumafu si angngurugnga sike Kristo. I Timoteo e ana kepay so Efeso a manuntu-tunturu so inoyera a nammu-ammung a naddayaw sike Dios.
So turaknga, oddu a kiya-kiyan a netundu i Pablo sike Timoteo a mappatuyag si nakamma takesi ibali-balinna a ibalaggaweno sapit i Dios anna mangwa si korwan a aggangwera a netalak i Dios sikwana maski nu ana inoyera a mallupet sikwana anna ammera kanggamman yo tunturuna.
Nimannutunanna pay i Timoteo ino maral a akakwan na tolayera so mauddi a awera anna netunna sikwana a aroyuwannera. Kunna a ammena nad a mebulun i Timoteo so tolayera a massapit meafu si yayam ira a awan serbina si Dios. Kunnapay a tuntulannaneno mapiya anna itunturunaneno fustu a tunturu a maggabwat sike Dios.
Nimannutunanna pay i Timoteo meafu so awan a serbinera a pakitinnulyat a awan meyaddana a mapiya, nu bakkan e makadaral.
Si amminan iyawera, i Timoteo e nimannutunan i Pablo a baggina pay e maawag a mapiya a pangngarigan si angngurug, idduk, anna pàattam maski si tangnga na paddiriyat.
Sitaw a turak, i Pablo e mappaginnen pay a aranniyen a matay gumafu si angngurugnga sike Kristo.