Na Palungu a Turak i Pablo sike
Timoteo
Meafu Sitaw a Libru
I Timoteo e tata a sulteru a Kristiyanu a taga-Asia Minor. Griyego yo amana e Hudyu pay yo inana. Bulunna anna kaduffunanna i Pablo i Timoteo a nangibalaggaw si Mapiya a Baga meafu sike Jesu Kristo.
Ana tallu a kaawan a kiyan a sinapit i Pablo sitaw a turaknga sike Timoteo.
Palungu, iyaw a turak e pappalán metulyat so ammena fustu a tunturuwera a ituntu-tunturu so minangikkurug ira. Netunduna sike Timoteo a meyallang ino tunturuwera a ammena fustu a naggabwat so nakamma tolay. Na meka-adwa, nelawum kepay sitaw a turak ino katunungan megafu si pattangngal anna paddayaw na minangikkurug ira. Sapi-sapitanneno kagagangayan ira a maawag a ana nad so afu-afuwera anna gumasserbiyera so minangikkurug ira. Na meka-tallu e ana so uddi na turaknga. Netunduna sike Timoteo nu nenay akwanna takesi yo annunturuna patamu sike Kristo Jesus e mas ingkena a mapiya anna mataddagganneno angngurugnga.