Fii Jurriya Iisu on
36
1 E hino jurriya Iisu, oo wi'eteeɗo Aduuma. 2 Ko e hakkunde jiwɓe Kanaaniyankeeɓe ɓen Iisu resi rewɓe mun ɓen: ɗun ko Aadatu, ɓiɗɗo Ayluunu on, on ko Hissiyankeejo, e Ohooli-Baamatu, oo ɓiɗɗo Anaa, taaniraawo Sib'uuna, oo ko Hiwiyankeejo, 3 e Basiimatu, oo ɓiɗɗo Ismaa'iila, bandiraawo Nabaayuuta.4 Aadatu jibinani Iisu Elifaaza. Basiimatu kadi jibinani mo Ra'uu'iila.
5 Ohooli-Baamatu kadi jibinani mo Ya'uusa e Ya'alaama e Qooraha. Ko ɓee ɗoo woni ɓiɓɓe Iisu, ɓe o daɲanaa leydi Kanaana ɓen.
6 Iisu ƴetti rewɓe mun ɓen e ɓiɓɓe mun ɓen, worɓe e rewɓe, e kala yimɓe ko wonnoo ka galle makko, wondude e gureele makko ɗen e daabeeji makko ɗin fow e jawle makko ɗe o heɓi leydi Kanaana ɗen fow, o yahi e leydi goo ka woɗɗitii miɲan makko Yaaquuba. 7 Tawi jawle maɓɓe ɗen ɗuuɗanii wondugol ɓe nokkun gootun. Awa kadi tawi leydi ka ɓe koɗinoo ɗon no faaɗani gureele maɓɓe ɗen. 8 Iisu wi'eteeɗo Aduuma on hoɗoyi ka pelle Sa'iira.
9 E hino jurriya Iisu on, ko on woni maamiraawo Aduumayankeeɓe ɓen ka pelle Sa'iira.
10 E hino inɗe ɓiɓɓe Iisu ɓen: ko Elifaaza mo Aadatu, ɓeyngu Iisu, e Ra'uu'iila mo Basiimatu, ɓeyngu Iisu.
11 Ɓiɓɓe Elifaaza ɓen ko Taymaana e Umaru e Safwaa e Gassama e Qanaaza. 12 Timnaa'u ko taaraajo Elifaaza mo Iisu, on kadi jibinani mo Amaleka. Ko ɓee ɗoo woni taaniraaɓe Aadatu, ɓeyngu Iisu on.
13 E hino ɓiɓɓe Ra'uu'iila ɓen: Ko Nahata e Zaaraha e Samma e Mizza. Ko ɓee ɗoo woni taaniraaɓe Basiimatu, ɓeyngu Iisu on.
14 E hino ɓiɓɓe Ohooli-Baamatu, ɓeyngu Iisu on, jiwo Anaa e taaniraawo Sib'uuna: on jibinani Iisu Ya'uusa e Ya'alaama e Qooraha.
15 E hino hooreeɓe bolondaaji jurriya Iisu on:
Jurriya Elifaaza, afo Iisu on, ko Taymaana e Umaru e Safwaa e Qanaaza e 16 Qooraha e Gassama e Amaleka. Ko ɓee ɗoo woni hooreeɓe bolondaaji Elifaaza ɗin e nder leydi Aduuma ndin, ɓen-le ko taaniraaɓe Aadatu.
17 E hino jurriya Ra'uu'iila mo Iisu on: ko Nahata e Zaaraha e Samma e Mizza. Ko ɓee ɗoo woni hooreeɓe bolondaaji Ra'uu'iila ɗin e nder leydi Aduuma ndin, ɓen-le ko taaniraaɓe Basiimatu, ɓeyngu Iisu on.
18 E hino jurriya Ohooli-Baamatu, ɓeyngu Iisu on: ko Ya'uusa e Ya'alaama e Qooraha. Ko ɓee ɗoo woni hooreeɓe bolondaaji Ohooli-Baamatu, jiwo Anaa e ɓeyngu Iisu on.
19 Ko ɓee ɗoo woni jurriya Iisu wi'eteeɗo Aduuma on, ko ɓee kadi woni hooreeɓe bolondaaji maɓɓe ɗin.
Fii Horiyankeeɓe ɓen Sa'iira
20 E hino jurriya Sa'iira, Horiyankeejo on, adinooɓe hoɗude e leydi ndin ɓen: ko Lootaana e Soobaala e Sib'uuna e Anaa 21 e Diisuuna e Iisara e Diisaana. Ko ɓee ɗoo woni hooreeɓe bolondaaji Horiyankeeɓe ɓen, ɗun ko ɓiɓɓe Sa'iira wonɓe e ndii leydi Aduuma ɓen.
22 Ɓiɓɓe Lootaana ɓen ko Hori e Haymaama, bandiraawo Lootaana on ko Timnaa'u.
23 E hino ɓiɓɓe Soobaala ɓen: ko Alwaana e Manaaha e Ebaala e Safuu e Unaama.
24 E hino ɓiɓɓe Sib'uuna ɓen: ko Ayya e Anaa. Ko Anaa on attinoo yi'ude ɓulli di'e wulɗe ɗen ka wulaa ka o aynaynoo mbabbi ben makko Sib'uuna ɗin ɗon.
25 E hino ɓiɓɓe Anaa ɓen: ko Diisuuna e Ohooli-Baamatu jiwo Anaa on.
26 E hino ɓiɓɓe Diisuuna ɓen: ko Hamdaana e Esbaana e Yitraana e Keraana.
27 E hino ɓiɓɓe Iisara ɓen: ko Bilhaana e Zawaana e Aqaana.
28 E hino ɓiɓɓe Diisaana ɓen: ko Uusu e Araana.
29 E hino hooreeɓe bolondaaji Horiyankeeɓe ɓen: ko Lootaana e Soobaala e Sib'uuna e Anaa 30 e Diisuuna e Iisara e Diisaana. Ko ɓee ɗoo woni hooreeɓe bolondaaji Horiyankeeɓe ɓen e ndii leydi Sa'iira.
Fii Lamɓe Aduuma ɓen
31 E hino lamɓe laaminooɓe leydi Aduuma ndin, ado lanɗo laamaade Banii-Isra'iila'en:
32 Beela ɓiɗɗo Be'uura on laamii Aduuma. Tawi saare makko nden no wi'ee Dinhaaba.
33 Ɓay Beela faatike, Yuubaaba ɓiɗɗo Zaaraha jeyaaɗo Bozraa lontii mo.
34 Ɓay Yuubaaba faatike, Huusaama jeyaaɗo e ndii leydi Taymaaniyankeeɓe ɓen lontii mo.
35 Ɓay Huusaama faatike, Hadaadu ɓiɗɗo Badaada lontii mo. Ko on foolunoo Midiyaani e ndii leydi Mohaabu. Tawi saare makko nden no wi'ee Awiita.
36 Ɓay Hadaadu faatike, Samla jeyaaɗo leydi Masriika lontii mo.
37 Ɓay Samla faatike, Saa'uulu jeyaaɗo Rahuubuuta binde maayo lontii mo.
38 Ɓay Saa'uulu faatike, Baalu-Haanaana ɓiɗɗo Akbuura lontii mo.
39 Ɓay Baalu-Haanaana ɓiɗɗo Akbuura on faatike, Hadaaru lontii mo. Tawi saare makko nden no wi'ee Faa'uu. Ɓeyngu makko kadi no wi'ee Mahiitabiila mo Matriida e Maazahab.
40 E hino inɗe hooreeɓe bolondaaji Iisu ɗin, wano bolondaaji maɓɓe ɗin e leyɗe maɓɓe ɗen jeydiri non: ko Timnaa'u e Alwaa e Yatiita 41 e Ohooli-Baamatu e Iilata e Fiinuuna 42 e Qanaaza e Taymaana e Mibsaara 43 e Magdii'iila e Iiraama.
Ko ɓee ɗoo woni hooreeɓe bolondaaji Aduuma ɗin, wano koɗooli maɓɓe ɗin e leyɗe ɗe ɓe halornoo ɗen jeydiri non. Ko Iisu oo woni maamaajo Aduumayankeeɓe ɓen.