Fii Leƴƴi Aduna on
10
1 E hino jurriya ɓiɓɓe Nuuhu ɓen tato, ɗun ko Saama e Haama e Yaafasa. Ɓen daɲanano ɓiɓɓe ɓawto waamere nden.Fii Ɓiɓɓe Yaafasa ɓen
2 Ɓiɓɓe Yaafasa ɓen ko Guumaru e Maajuuja e Maadaa'i e Yaawaana e Tuubaala e Maasaka e Tiiraasa.
3 Ɓiɓɓe Guumaru ɓen ko Askanaazu e Riifatu e Tugarma.
4 Ɓiɓɓe Yaawaana ɓen ko Alasiya e Tarsiisu e Kitiyankeeɓe ɓen e Dodaaniyankeeɓe ɓen. 5 Ko e maɓɓe ɓee yimɓe hoɗuɓe ka sera baharu iwi, senditii e leyɗe jamaaji ɗin, mo bee e haala mun, leɲol kala hoɗidi e bolondaa mun ka leydi mun.
Fii Ɓiɓɓe Haama ɓen
6 Ɓiɓɓe Haama ɓen ko Kuusu e Misira e Fuutu e Kanaana.
7 Ɓiɓɓe Kuusu ɓen ko Sebaa e Hawiila e Sabta e Ra'ama e Sabtekaa. Ɓiɓɓe Ra'ama ɓen ko Sabaa e Dedaanu.
8 Kuusu kadi daɲanaa Numuruudu. Ko on fuɗɗii wonude jooma kutu ka hoore leydi. 9 O wonno dannaajo mawɗo yeeso Joomiraaɗo on. Ko ɗun waɗi si no wi'ee: Kaari no wa'i wa Numuruudu, dannaajo mawɗo yeeso Joomiraaɗo on. 10 Fuɗɗoode laamateeri makko ndin ko Baabiila e Araka e Akkada e Kalna, ɗun ko e nder leydi Sin'aara ndin. 11 Ɓay o iwii e ndin leydi o yahi Asuura, o sincoyi Niinawa e Rahubuutira e Kaalaha, 12 e Rasana, ndee saare mawnde wonde hakkunde Niinawa e Kaalaha.
13 Ko Misira woni maamaajo Luudiyankeeɓe ɓen e Anaamiyankeeɓe ɓen e Lehaabiyankeeɓe ɓen e Naftuuhiyankeeɓe ɓen 14 e Fatruusiyankeeɓe ɓen e Kasluuhiyankeeɓe ɓen, ɓe Filistiyankeeɓe ɓen iwi e mun, e Kaftuuriyankeeɓe ɓen.
15 Kanaana daɲanaa Siduunu, ko on woni dikkuru makko ndun, o daɲanaa kadi Hissi, 16 ko kanko kadi woni maamaajo Yebuusiyankeeɓe ɓen e Amoriyankeeɓe ɓen e Girgaasiyankeeɓe ɓen 17 e Hiwiyankeeɓe ɓen e Arqiyankeeɓe ɓen e Siiniyankeeɓe ɓen, 18 e Arwaadiyankeeɓe ɓen e Jamariyankeeɓe ɓen e Hamaatiyankeeɓe ɓen.
Ɓawto ɗun, bolondaaji Kanaaniyankeeɓe ɓen saakitii. 19 Keeri Kanaaniyankeeɓe ɓen ko gila Siduuna haa Gaaza telen Garaara, e telen-ma Saduuma e Amuura e Aduma e Sabuyiima haa hewti Laasa. 20 Ko ɓee ɗoo woni ɓiɓɓe Haama ɓen, ɓe bee e bolondaaji mun e haalaaji mun e leyɗe mun e jamaaji mun.
Fii Ɓiɓɓe Saama ɓen
21 Saama daɲanaa ɓiɓɓe. Ko kanko woni maamaajo ɓiɓɓe Aabira ɓen fow. Ko Yaafasa woni kotoo makko. 22 Ɓiɓɓe Saama ɓen ko Iilaama e Asuuru e Arfaksaada e Luuda e Araama.
23 Ɓiɓɓe Araama ɓen ko Uusa e Huula e Gaatara e Maasa.
24 Arfaksaada daɲanaa Saalaha, Saalaha kadi daɲanaa Aabira.
25 Aabira kaɲun kadi daɲanaa ɓiɓɓe ɗiɗo. Goɗɗo on ko Faalaja wi'etee, ɓay ko e fewndo makko leydi ndin sendanoo. Miɲan makko no wi'ee Yuqtaana.
26 Yuqtaana daɲanaa Almodaada e Saalafa e Hajar-Mawta e Yaaraha 27 e Haduraama e Uujala e Diqla 28 e Uubala e Abiimayiila e Sabaa 29 e Uufira e Hawiila e Yuubaaba. Ɓee ɗoo fow ko ɓiɓɓe Yuqtaana. 30 Ɓen hoɗuno gila Meesaa, telen Sefaara, haa e ɗee pelle funnaange.
31 Ko ɓee ɗoo woni ɓiɓɓe Saama ɓen, ɓe bee e bolondaaji mun e haalaaji mun e leyɗe mun e jamaaji mun.
32 Ko ɓee ɗoo woni bolondaaji ɓiɓɓe Nuuhu ɓen, mo kala e iwdi mun ka jamaaji mun. Ko e maɓɓe jamaaji ɗin iwi, senditii e hoore leydi ndin ɓawto waamere nden.