3 دَاوْدَ ٻَݝِ رٜوْٻٜ وࣷٻّٜ لٜيْ أُرُسَلِيمَ. أࣷ رِمْدِ إٜ مُٻّٜنْ ٻِٻّٜ وࣷرْٻٜ إٜ رٜوْٻٜ. 4 إِنَنْ إِنْطٜ ٻِٻّٜ ٻٜ أࣷ هٜٻِ لٜيْ أُرُسَلِيمَ: سَمُّوَ إٜ سࣷبَبْ إٜ نَتَنْ إٜ سُلٜيْمَانَ 5 إٜ يِبِهَرْ إٜ إٜلِسُوَ إٜ إٜلِݠٜلٜتْ 6 إٜ نࣷغَ إٜ نٜڢٜغْ إٜ يَڢِيَ 7 إٜ إٜلِسَمَ إٜ بٜىٰلِيَدَ إٜ إٜلِڢٜلٜتْ.

8 ندٜ ڢِلِسْتِيَنْکࣷوٻٜ نَنّࣷو نٜبَّمْ جࣷورَامَ دࣷوْ دَاوْدَ ڢَا لَاتࣷو کَانَنْکٜ إِسْرَاعِيلَ ندٜىٰنْ، ڢُو أُمِّي ڢِلࣷوَادٜ طُمْ. ندٜ دَاوْدَ ڢَامَنّࣷو ٻٜ ڢُ، وُرْتِي هَوْرࣷوِ إٜ مَٻّٜ. 9 ڢِلِسْتِيَنْکࣷوٻٜ ٻٜىٰنْ نجࣷتِّي نَطّࣷلْ رٜڢَيِنْکࣷوٻٜ، ٻٜ شَنْکِتِي تࣷونْ. 10 دَاوْدَ ڃَمِ لَامْطࣷ وِعِ:

— يَلَّ مِ هَٻْدَ إٜ ڢِلِسْتِيَنْکࣷوٻٜ ٻٜىٰ نَا؟ يَلَّ أَ وَتَّنْ ٻٜ إٜ جُوطٜ أَمْ نَا؟

— يَهُ، مِ وَتَّنْ ٻٜ إٜ جُوطٜ مَاطَ.

— لَامْطࣷ سَنْکِتِرِي وَيْٻٜ کَمْ إٜ جُنّغࣷ أَمْ هࣷنࣷ نࣷ ندِيَمْ ڢُسِرْتَ لٜيْدِ دٜ وَطَ إِلْدُدٜ مُوطُمْ نࣷونْ.

13 شَغَّلْ طُومْ ڢِلِسْتِيَنْکࣷوٻٜ ٻٜىٰنْ نجٜشِّي شَنْکِتࣷوِي لٜيْ نَطّࣷلْ تࣷونْ کَتِنْ. 14 دَاوْدَ ڃَمِ لَامْطࣷ کَتِنْ دٜ لَامْطࣷ جَابِي طُمْ وِعِ:

— تَا ڃُورُ ٻٜ يٜىٰسࣷ، أَمَّا ڢِيلَ ٻٜ، مبَکّࣷطَا ٻٜ، ڃُورْدࣷوَا ٻٜ لٜيْ شُکُّرِ لٜطّٜ مِيرِ دٜ أُکّࣷرࣷطَا ٻٜ تࣷونْ. 15 وَکَّتِ نَنَنْطَا سَوْتُ کࣷيْطٜ غࣷمَّ ڢَا دࣷوْ لٜطّٜ طٜىٰنْ ڢُ، مبُرْتَنࣷطَا وࣷلْدٜ ندٜىٰنْ سَبࣷ وࣷ لَامْطࣷ أَرْدࣷتࣷو يٜىٰسࣷ مَاطَ ڢَا هَٻْدَ إٜ غٜٻٜ کࣷنُنْکࣷوٻٜ ڢِلِسْتِيَنْکࣷوٻٜ ٻٜىٰنْ.