— إٜنْ ڢُو وࣷ إٜنْ إٜنّدُ وࣷوتُرُ، دُوࣷلْ غࣷوتࣷلْ. 2 لٜيْ کࣷ وِتِّي، ڢَيْ إٜ لَامُ سَوُلُ وࣷ عَانْ أَرْدࣷتࣷنࣷو إِسْرَاعِيلَ ندٜ يَهَتَ کࣷنُ إٜ ندٜ وَرْتَتَ ڢُو. لَامْطࣷ جࣷومِرَاطࣷ مَاطَ وِعِي مَ:

4 نيَنّدٜ غࣷمَّ دَاوْدَ إٜ کࣷنُنْکࣷوٻٜ إِسْرَاعِيلَ ڢُو أُمِّي نَاتِ أُرُسَلِيمَ، طُمْ وࣷنِ غَلُّورٜ يٜبُسْ. تࣷونْ وࣷنِ تࣷ يٜبُسِنْکࣷوٻٜ لٜيْدِ ندِينْ نجࣷوطِنࣷو وَکَّتِ أࣷونْ. 5 يِمْٻٜ ٻٜىٰنْ مبِعِ دَاوْدَ:

— أَ نَاتَتَا طࣷو!

— أَرْتِيطࣷ هَٻْدࣷوِ إٜ جٜبُسِنْکࣷوٻٜ ڢُو، وࣷ کَمْ لَاتࣷتࣷو مَوْطࣷ کࣷنُنْکࣷوٻٜ.

7 دَاوْدَ جࣷوطِي لٜيْ غَلُّورٜ سٜمّبِنْطِنَاندٜ ندٜىٰنْ. وࣷ سَابٜ طُومْ دٜ غَلُّورٜ ندٜىٰنْ إِنّدِرَا غَلُّورٜ دَاوْدَ. 8 أࣷ نيِٻِ أࣷ ڢِيلْنِ غَلُّورٜ ندٜىٰنْ غِلَّ مِلّࣷ إٜ تَتّٜىٰجِ مُوطُمْ ڢُو. يࣷعَبْ دُ نيِٻِتِي کࣷ هٜدِّي إٜ مَيْرٜ. 9 مَنّغُ دَاوْدَ نَ يَارَنّࣷو يٜىٰسࣷ، سَبࣷ جࣷومِرَاطࣷ جࣷمْ بَاوْطٜ نَ وࣷندُنࣷو إٜ مُوطُمْ.

10 إِنَنْ مَوْٻٜ کࣷنُنْکࣷوٻٜ دَاوْدَ سٜمّبِطِنْٻٜ وَلُّٻٜ طُمْ سٜمّبِنْطِنِ لَامُ مُوطُمْ کَمْعٜنْ إٜ إِسْرَاعِيلَنْکࣷوٻٜ ڢُو، ڢࣷدّٜ نࣷ جࣷومِرَاطࣷ وِيرُنࣷو دࣷوْ إِسْرَاعِيلَ نࣷونْ. 11 ندٜلّٜ إِنَنْ إِنْطٜ کࣷنُنْکࣷوٻٜ دَاوْدَ سٜمّبِطِنْٻٜ ٻٜىٰنْ: يَسࣷبٜعَمْ، ٻِي هَکْمࣷنِ وࣷنِ مَوْطࣷ أَرْدِيٻٜ سࣷرْدَاسِيٻٜ. وࣷ أࣷونْ ٻَنْتِ لَبّࣷ مُوطُمْ دٜ وَرِ يِمْٻٜ 300 نيَنّدٜ وࣷوتٜرٜ.

12 دٜوْتُطࣷ أࣷ وࣷنِ إٜلِيَجَرْ، ٻِي دࣷدࣷ، أَهࣷهِنْکٜ، غࣷوتࣷ إٜ مَوْٻٜ کࣷنُنْکࣷوٻٜ تَتࣷ ٻُرْٻٜ مَنّغُ ٻٜىٰنْ. 13 وࣷ أࣷونْ وࣷندُنࣷو إٜ دَاوْدَ لٜيْ وُرࣷ ݠَسْ-دَمِمْ وَکَّتِ ڢِلِسْتِيَنْکࣷوٻٜ کَوْرِتِنّࣷو ڢَا کَٻْدَ إٜ مَٻّٜ ندٜىٰنْ. تَوِ نغٜسَ سَعِيرِ نَ وࣷنّࣷو تࣷونْ. کࣷنُنْکࣷوٻٜ إِسْرَاعِيلَ ندࣷغِّ يٜىٰسࣷ ڢِلِسْتِيَنْکࣷوٻٜ. 14 إٜلِيَجَرْ إٜ وࣷرْٻٜ مُوطُمْ ندَرِي هَکُّندٜ نغٜسَ نغَانْ، ٻٜ تٜىٰتِ نغَ دٜ ٻٜ نجَالْتِي ڢِلِسْتِيَنْکࣷوٻٜ. جࣷومِرَاطࣷ هࣷکِّ ٻٜ جَالࣷرْغَلْ مَنّغَلْ.

15 هَکُّندٜ أَرْدِيٻٜ سࣷرْدَاسِيٻٜ دَاوْدَ 30 ٻٜىٰنْ، تَتࣷ نجِݠِّي لٜيْ تٜڢَاجٜ، ندٜرْ لࣷهࣷلْ أَدُلَمْ. تَوِ سࣷرْدَاسِيٻٜ ڢِلِسْتِيَنْکࣷوٻٜ نَ کࣷطِ لٜيْ نَطّࣷلْ رٜڢَيِنْکࣷوٻٜ. 16 دَاوْدَ نَ هٜدِّنࣷو لٜيْ لُورࣷ هَيْرٜ تࣷونْ. سࣷرْدَاسِيٻٜ ڢِلِسْتِيَنْکࣷوٻٜ دُ، نَ نجࣷوطِي لٜيْ بَيْتِلَامَ. 17 وَرِ دَاوْدَ طࣷمْطَا سَنّٜ دٜ وِعِ:

— مࣷيْ وَاوِ هٜٻَندٜ کَمْ ندِيَمْ ٻُنّدُ وࣷنّدُ دَمّبُغَلْ بَيْتِلَامَ ڢَا مِ يَرَ؟

— لَامْطࣷ هِينَمْ وَطُدٜ کࣷ بࣷنِ إِرِ طُمْ. يَلَّ مِ يَرَنْ ڃِيڃَمْ يِمْٻٜ سَکُّٻٜ يࣷنْکِيجِ مُٻّٜنْ ڢَا نغَدَّنَ کَمْ ندِيَمْ طَمْ نَا؟

وࣷ طُمْ وࣷنِ کࣷ مَوْٻٜ سࣷرْدَاسِيٻٜ تَتࣷ ٻٜىٰنْ نغَطِ.

20 أَبِسَيْ، سَکِيکٜ يࣷعَبْ، لَاتِنࣷو أَرْدِيطࣷ وࣷرْٻٜ 30 ٻٜىٰنْ. وࣷ أࣷونْ ٻَنْتِ لَبّࣷ مُوطُمْ دٜ يُوِ يِمْٻٜ 300، وَرِ طُمْعٜنْ نيَنّدٜ وࣷوتٜرٜ. وࣷ نࣷونْ أࣷ لَاتࣷرِي إِنّدٜ أَنّدٜىٰجࣷ هَکُّندٜ أَرْدِيٻٜ تَتࣷ ٻٜىٰنْ. 21 وࣷ کَنْکࣷ ٻُرِ تٜدِّنٜىٰدٜ هَکُّندٜ مَوْٻٜ تَتࣷ ٻٜىٰنْ دٜ أࣷ لَاتِي أَرْدِيطࣷ مُٻّٜنْ أَمَّا أࣷ هٜوْتَايْ تَتࣷ أَرَندٜىٰٻٜ ٻٜىٰنْ. 22 بٜنَيَ، ٻِي يٜهࣷيَدَ، غࣷرْکࣷ جࣷمْ سٜمّبٜ إٜ شُوسَلْ مࣷ وُرࣷ کَبْسٜيٜلْ وَطِينࣷ إِنّدٜ وَکَّتِ کࣷنُوجِ. وࣷ کَنْکࣷ وَرِ کَانَنْکࣷوٻٜ مࣷعَبْ طِطࣷ تٜدُّٻٜ، وࣷوطِ دُ، وࣷ کَنْکࣷ نَاتِ لٜيْ ٻُنّدُ وَرِ لَدّٜىٰرُ نيَنّدٜ جَانغࣷلْ مَنّغࣷلْ. 23 وࣷ کَنْکࣷ وَرِ مِسِرَنْکٜ مࣷ دَرْندٜ مُوطُمْ هٜوْتَنّࣷو مٜىٰتٜرٜىٰجِ طِطِ إٜ ڢٜشّٜرٜ أࣷونْ. مِسِرَنْکٜ أࣷونْ نَ تِيغِنࣷو لَبّࣷ نغࣷ تٜکّٜىٰڢِ إٜ نجُوتٜىٰڢِ مُوطُمْ ڢࣷتِ إٜ لٜغَّلْ شَنيِرْغَلْ. أَمَّا کَنْکࣷ کَا، سَوْرُ تَنْ أࣷ تِيغِنࣷو دٜ أࣷ وَاوِ أࣷ تٜىٰتِ لَبّࣷ مُوطُمْ أࣷ وَرِرِ طُمْ. 24 وࣷ طُومْ وࣷنِ کࣷ بٜنَيَ ٻِي يٜهࣷيَدَ وَطِ دٜ إِنّدٜ مُوطُمْ مَوْنِ هَکُّندٜ مَوْٻٜ تَتࣷ ٻٜىٰنْ. 25 وࣷ کَنْکࣷ ٻُرِ تٜدّٜىٰنغَلْ هَکُّندٜ أَرْدِيٻٜ سࣷرْدَاسِيٻٜ 30 ٻٜىٰنْ ڢُو. أَمَّا أࣷ هٜوْتَايْ أَرْدِيٻٜ کࣷنُنْکࣷوٻٜ دَاوْدَ تَتࣷ إِنّدٜ أَنّدٜىٰٻٜ ٻٜىٰنْ. دَاوْدَ وَطِ أࣷ لَاتِي دࣷومࣷووࣷ طُمْ مࣷ ٻُرِ هࣷولَادٜ.

26 إِنَنْ إِنْطٜ کࣷنُنْکࣷوٻٜ مَوْٻٜ سٜمّبِطِنْٻٜ وࣷٻّٜ: أَسَهٜلْ، سَکِيکٜ يࣷعَبْ إٜ إٜلْهَنَنْ ٻِي دࣷدࣷ مࣷ بَيْتِلَامَ، 27 إٜ سَمّࣷتْ، هَرࣷرِنْکٜ إٜ هٜلٜسْ، ݠٜلࣷنِنْکٜ 28 إٜ إِرَ ٻِي إِکّٜسْ، تٜکࣷوِنْکٜ إٜ أَبِيٜجٜرْ، أَنَتࣷتِنْکٜ 29 إٜ سِبّٜکَيْ، هُسَتِنْکٜ إٜ إِلَيْ، أَهࣷهِنْکٜ 30 إٜ مَهَرَيْ، نٜتࣷڢَتِنْکٜ إٜ هٜلٜدْ ٻِي بَانَ، نٜتࣷڢَتِنْکٜ 31 إٜ إِتَيْ ٻِي رِبَيْ مࣷ غِبٜيَ ندِ بٜنيَمِنْکࣷوٻٜ إٜ بٜنَيَ، ݠِرَتࣷنِنْکٜ 32 إٜ هُرَيْ مࣷ بُبِّرْطِ غَعَسْ إٜ أَبِيٜلْ مࣷ لَدّٜ يࣷورْندٜ 33 إٜ أَسْمَوٜتْ، بَهَرُمِنْکٜ إٜ إٜلِيَبَ، سَالْبࣷنِنْکٜ 34 إٜ هَسٜمْ، غِسࣷنِنْکٜ إٜ جࣷنَتَنْ ٻِي سَغٜ، هَرَرِنْکٜ 35 إٜ أَهِيَمْ، ٻِي سَکَرْ، هَرَرِنْکٜ إٜ إٜلِڢَلْ ٻِي أُورْ 36 إٜ هٜڢٜرْ، مٜکٜرَتِنْکٜ إٜ أَهِيَ، ݠٜلࣷنِنْکٜ 37 إٜ هٜسْرࣷ، کَرْمٜلِنْکٜ إٜ نَارَيْ ٻِي إٜسْبَيْ 38 إٜ جࣷوِيلَ سَکِيکٜ نَتَنْ إٜ مِبِهَرْ ٻِي هَغِرِ 39 إٜ سٜلٜکْ، أَمࣷنِنْکٜ إٜ نَهَرَيْ، بٜرࣷتِنْکٜ. نَهَرَيْ أࣷونْ رࣷنّدࣷتࣷنࣷو کَٻِتِرْطٜ يࣷعَبْ، ٻِي سٜرُيَ، 40 إٜ إِرَ، يِتِرِنْکٜ إٜ غَرٜبْ، يِتِرِنْکٜ 41 إٜ أُرِيَ، هِتِيَنْکٜ إٜ جَبَدْ ٻِي أَلَيْ 42 إٜ أَدِنَ ٻِي سِجَ، مࣷ لٜنيࣷلْ رُبٜنْ، أَرْدِيطࣷ لٜنيࣷلْ رُبٜنْ إٜ وࣷرْٻٜ 30 وࣷندُٻٜ إٜ مُوطُمْ، 43 إٜ هَنَنْ ٻِي مَاکَ إٜ يࣷوسَڢَتْ، مِتِنِتِنْکٜ 44 إٜ أُجِّيَ، أَسْتٜرَتِنْکٜ إٜ سَمَ إٜ يٜهِيٜلْ، ٻِٻّٜ هࣷتَمْ، أَرࣷهٜرِنْکٜ 45 إٜ يٜدِهَيٜلْ، ٻِي سِمْرِ إٜ يࣷهَ، تِسِتِنْکٜ سَکِيکٜ مُوطُمْ 46 إٜ إٜلِيٜلْ، مَهَوِنْکٜ إٜ يٜرِبَيْ إٜ يࣷسَبِيَ ٻِي إٜلْنَمْ إٜ يِتِمَ، مࣷعَبِنْکٜ 47 إٜ إٜلِيٜلْ إٜ أࣷبٜدْ إٜ يَاسِيٜلْ مࣷ سࣷبَ.