1 ڢِلِسْتِيَنْکࣷوٻٜ کَٻْدِ إٜ إِسْرَاعِيلَ. سࣷرْدَاسِيٻٜ إِسْرَاعِيلَ ندࣷغِّ ڢَا کِسِنَ کࣷعٜ مُٻّٜنْ أَمَّا کٜىٰوَلْ هَکُّندٜ مُٻّٜنْ مبَرَا دࣷوْ وَامْندٜ غِلْبࣷعَ. 2 ڢِلِسْتِيَنْکࣷوٻٜ ٻٜىٰنْ ندِيوِ سَوُلُ إٜ ٻِٻّٜ مُوطُمْ. ٻٜ مبَرِ جࣷنَتَنْ إٜ أَبِنَدَبْ إٜ مَلْکِ-سُوَ ٻِٻّٜ مُوطُمْ ٻٜىٰنْ. 3 ندٜىٰنْ سٜمّبٜ وࣷلْدٜ ندٜىٰنْ ڢُو وَرْتِ دࣷوْ سَوُلُ. ڢِطࣷوٻٜ کُرٜ نجِيتِ أࣷ دٜ کُلࣷلْ مَنّغࣷلْ نَنّغِ أࣷ. 4 ندٜىٰنْ سَوُلُ ݝَارِي غࣷرْکࣷ تِيغِنࣷوطࣷ کَٻِتِرْطٜ مُوطُمْ وِعِ:

أَمَّا غࣷرْکࣷ أࣷونْ جَٻَايْ يُوُدٜ أࣷ سَبࣷ نَ وࣷندُنࣷو إٜ کُلࣷلْ مَنّغࣷلْ. ندٜىٰنْ سَوُلُ تِکِتِي لَبّࣷ إٜ رٜىٰدُ مُوطُمْ دٜ سَامِ دࣷوْ مَغّࣷ. 5 ندٜ تِيغِنࣷوطࣷ کَٻِتِرْطٜ مَکّࣷ أࣷونْ يِعُنࣷو أࣷ مَايِ ڢُ، کَمْ دُ تِکِتِي کَاڢَاهِ، وَرِتِي. 6 نࣷونْ سَوُلُ إٜ ٻِٻّٜ مُوطُمْ وࣷرْٻٜ تَتࣷ إٜ سُودُ مُوطُمْ ڢُو مَايِرِ ندٜ وࣷوتٜرٜ. 7 ندٜ إِسْرَاعِيلَنْکࣷوٻٜ جࣷوطِنࣷوٻٜ لٜيْ نَطّࣷلْ نجِعُنࣷو سࣷرْدَاسِيٻٜ مُٻّٜنْ نجَالَامَ، وࣷوطِ دُ سَوُلُ إٜ ٻِٻّٜ مُوطُمْ ڢُو مَايِي ندٜىٰنْ، ندࣷغِّ نجࣷݠِّ غَلُّوجٜ مُٻّٜنْ. ندٜىٰنْ ڢِلِسْتِيَنْکࣷوٻٜ نغَرِ نجࣷوطِي نࣷکُّوجٜ مَٻّٜ.