3 وࣷٻّٜ لٜيْ لٜنيࣷلْ يَهُودَ إٜ نغࣷلْ بٜنيَمِنْ إٜ نغࣷلْ إٜڢْرَيِمْ إٜ نغࣷلْ مَنَاسَ ڢُو نَ کٜدِّنࣷو أُرُسَلِيمَ. 4 أُتَيْ ٻِي أَمِّهُدْ، أَمِّهُدْ ٻِي أࣷمِرِ، أࣷمِرِ ٻِي إِمْرِ، إِمْرِ ٻِي بَنِ لٜيْ ٻِٻّٜ ݠٜرٜسْ ٻِي يَهُودَ دُ تَوَامَ هَکُّندٜ مَٻّٜ. 5 هَکُّندٜ سِلࣷنِنْکࣷوٻٜ: أَسَيَ وࣷنِ أَڢࣷ، تَوْتِ ٻِٻّٜ مُوطُمْ. 6 ڃُوْدِ جٜرَکْ وࣷ يٜهُوٜلْ. يَهُودِيَنْکࣷوٻٜ 690 نجࣷوطِنࣷو لٜيْ أُرُسَلِيمَ. 7 ڃُوْدِ بٜنيَمِنْ وࣷ سَلُّ إٜ مٜسُلَمْ ٻِي هࣷدَبِيَ، هࣷدَبِيَ ٻِي هَسٜنُوَ 8 إٜ يِبْنٜيَ ٻِي يٜرࣷهَمْ إٜ إٜلَ ٻِي أُجِّ إٜ تَانِرَاٻٜ مِکِرِ إٜ مٜسُلَمْ ٻِي سٜڢَتِيَ إٜ تَانِرَاٻٜ رٜوٜلْ إٜ ٻِي يِبْنِيَ. 9 بٜنيَمِنْکࣷوٻٜ 956 نجࣷوطِنࣷو لٜيْ أُرُسَلِيمَ. ٻٜ ڢُو وࣷ ٻٜ أَرْدِيٻٜ شُوطِ مَٻّٜ.

10 أَلْمَامِعٜنْ يٜدَيَ إٜ يٜهࣷيَرِبْ إٜ يَکِنْ 11 إٜ أَجَرِيَ ٻِي هِلْکِيَ، هِلْکِيَ ٻِي مٜسُلَمْ، مٜسُلَمْ ٻِي سَدࣷکْ، سَدࣷکْ ٻِي مٜرَيࣷتْ، مٜرَيࣷتْ ٻِي أَهِتُبْ. أَهِتُبْ أࣷونْ وࣷنِ مَوْطࣷ سُودُ لَامْطࣷ. 12 أَدَيَ ٻِي يٜرࣷهَمْ، يٜرࣷهَمْ ٻِي ݠَسٜهُرْ، ݠَسٜهُرْ ٻِي مَلْکِيَ، إٜ مَسَيْ ٻِي أَدِيٜلْ، أَدِيٜلْ ٻِي يَاسٜرَ، يَاسٜرَ ٻِي مٜسْهُلَمْ، مٜسْهُلَمْ ٻِي مٜسِلٜمِتْ، مٜسِلٜمِتْ ٻِي إِمّٜىٰرْ 13 إٜ سَکِرَاٻٜ مُٻّٜنْ أَرْدِيٻٜ شُوطِ 1٬760. وࣷ ٻٜ يِمْٻٜ سٜمّبِطِنْٻٜ تٜدُّٻٜ غࣷلّࣷوٻٜ لٜيْ سُودُ لَامْطࣷ.

14 لٜوِنْکࣷوٻٜ: سٜمَيَ ٻِي هَسُبْ، هَسُبْ ٻِي عَاسَرِکَمْ، عَاسَرِکَمْ ٻِي هَسَبِيَ ٻِٻّٜ مٜرَرِ 15 إٜ بَکْبَکَرْ إٜ هٜرٜسْ إٜ غَلَلْ إٜ مَتَّنِيَ ٻِي مِکَ، مِکَ ٻِي جِکِرِ، جِکِرِ ٻِي أَسَڢْ 16 إٜ أࣷبَدِيَ ٻِي سٜمَيَ، سٜمَيَ ٻِي غَلَلْ، غَلَلْ ٻِي يٜدُتُنْ إٜ بٜرٜکِيَ ٻِي أَسَ، أَسَ ٻِي إٜلْکَنَ ٻٜىٰنْ نجࣷوطِنࣷو لٜيْ غُرٜ نٜتࣷڢَتِنْکࣷوٻٜ.

17 رٜىٰنࣷوٻٜ دَمّبُطٜ سُودُ جࣷومِرَاطࣷ وࣷ سَلُّمْ إٜ أَکُّبْ إٜ تَلْمࣷنْ إٜ أَهِمَنْ إٜ سَکِرَاٻٜ مُٻّٜنْ. سَلُّمْ وࣷنّࣷو مَوْطࣷ مَٻّٜ. 18 وࣷ تَانِرَاٻٜ مَکّࣷ ندࣷومَتَ دَمّبُطٜ سُودُ کَانَنْکٜ ڢَرࣷ لٜتُّغَلْ ڢَا وَرْدٜ هَنّدٜنْ. کَمْٻٜ نغࣷنِ لٜوِنْکࣷوٻٜ رٜىٰنࣷوٻٜ دَمّبُطٜ ڢࣷدّٜ شُوطِ مَٻّٜ. 19 سَلُّمْ ٻِي کࣷورٜ، کࣷورٜ ٻِي إٜبِيَسَڢْ، إٜبِيَسَڢْ ٻِي کࣷورٜ إٜ سَکِرَاٻٜ مُوطُمْ ٻٜ سُودُ بَمُّمْ کࣷورٜ ٻٜىٰنْ، کَمْعٜنْ ندࣷومَنّࣷو نَارُطٜ هُکُمْ جࣷومِرَاطࣷ هࣷنࣷ نࣷ مَامِرَاٻٜ مُٻّٜنْ نࣷونْ. 20 ݠِنٜهَسْ ٻِي إٜلِيَجَرْ وࣷنّࣷو مَوْطࣷ مَٻّٜ. جࣷومِرَاطࣷ نَ وࣷندُنࣷو إٜ مَکّࣷ. 21 جَکَرِيَ ٻِي مٜسٜلٜمِيَ دࣷومَنّࣷو نَارُدٜ هُکُمْ شٜنِيطࣷ. 22 سُٻَاٻٜ لٜيْ غُرٜ مُٻّٜنْ دٜ مبِنّدَا ڢَا لَاتࣷو دࣷومࣷوٻٜ دَمّبُطٜ ٻٜىٰنْ ڢُو وࣷ 212. دَاوْدَ إٜ أَنَّبِ سَمُوِيلَ نجࣷڃِّنِ ٻٜ ڢَا ٻٜ لَاتࣷو دࣷومࣷوٻٜ وَکَّتِ ڢُو. 23 کَمْٻٜ إٜ ٻِٻّٜ مَٻّٜ إٜ تَانِرَاٻٜ مَٻّٜ ڢُو ٻٜ کٜدّࣷتࣷ دَمّبُطٜ سُودُ جࣷومِرَاطࣷ، هُکُمْ شٜنِيطࣷ أࣷونْ ڢَا ٻٜ ندࣷومَ طُمْ. 24 دࣷومࣷوٻٜ نَ نجࣷوطِنࣷو تَتّٜىٰجِ سُودُ ندُونْ نَيْ ڢُو: لٜتُّغَلْ إٜ غࣷرْغَلْ إٜ سࣷٻِّرّٜ إٜ هࣷرْطࣷورٜ. 25 سَکِرَاٻٜ مَٻّٜ جࣷوطِنࣷوٻٜ لٜيْ غُرٜ مُٻّٜنْ ڢٜىٰرٜ ڢٜىٰرٜ نَ نجٜيْنࣷو وَرُدٜ تࣷ مَٻّٜ وَکَّتِ وَکَّتِ ڢَا وَطَ بَلْطٜ جٜطِّ. 26 دࣷومࣷوٻٜ دَمّبُطٜ نَيْ ٻٜىٰنْ ڢُو وࣷ لٜوِنْکࣷوٻٜ مَوْٻٜ غࣷلّࣷوٻٜ وَکَّتِ ڢُو. وࣷ کَمْٻٜ ندَارَنَنّࣷو دٜسِرْطِ جَوْدِ سُودُ لَامْطࣷ ندُونْ. 27 إِٻٜ مبَالَنّࣷو ݠِيلࣷلْ سُودُ لَامْطࣷ سَبࣷ وࣷ کَمْٻٜ ندࣷومَنّࣷو ندُ. وࣷ کَمْٻٜ دُ أࣷمْتَنّࣷو ندُ سُبَکَ ڢُو.

28 وࣷٻّٜ هَکُّندٜ مَٻّٜ نَ کَيْبَنّࣷو کُجّٜ غࣷلِّتِرْطٜ غࣷنْطٜ لٜيْ سُودُ ندُونْ. إِٻٜ لِمَنّࣷو طٜ وَکَّتِ طٜ نَنّٜتٜىٰ إٜ ندٜ طٜ مبُرْتِنْتٜىٰ ڢُو. 29 وࣷٻّٜ دُ نَ کَيْبَنَ کُجّٜ نࣷکُّورٜ سٜنِيندٜ إٜ کُجّٜ شٜنِيطٜ طٜىٰنْ ڢُو إٜ شࣷنّدِ طَاتُندِ إٜ إِنَبࣷوجَمْ إٜ نٜبَّمْ إٜ أُرٜ إٜ أُرْدِيجِ ڢٜىٰرٜ ڢٜىٰرٜ. 30 وࣷ ٻِٻّٜ أَلْمَامِ مࣷڃِّنَنّࣷو أُرْدِيجِ طِينْ. 31 مَتِّتِيَ، غࣷوتࣷ إٜ لٜوِنْکࣷوٻٜ، أَڢࣷ سَلُّمْ کࣷورَنْکٜ، کَمْ هࣷکَّنࣷو غࣷلّٜ وَطِرْدٜ بُورُوجٜ إٜ ݠِيرُغَلْ وَکَّتِ ڢُو. 32 هَکُّندٜ کٜهَتِنْکࣷوٻٜ نَ وࣷودُنࣷو هٜنَّاٻٜ إٜ وَطُدٜ بُورُ شَکَّنْتٜىٰطࣷ جࣷومِرَاطࣷ نيَنّدٜ ڢࣷوْتٜتٜىٰندٜ ڢُو.

33 يِمࣷوٻٜ، أَرْدِيٻٜ شُوطِ لٜوِنْکࣷوٻٜ، نَ نجࣷوطِنࣷو لٜيْ شُوطِ ندٜرْ غَلّٜ سُودُ جࣷومِرَاطࣷ ندُونْ. ٻٜ نغࣷلَّتَانࣷ غࣷلّٜ غࣷطّٜ سَبࣷ إِٻٜ نجِمَنّࣷو جٜمَّ إٜ نيَلࣷومَ ڢُو. 34 وࣷ ٻٜىٰ نغࣷنِ أَرْدِيٻٜ شُوطِ لٜوِنْکࣷوٻٜ ڢࣷدّٜ ڃُوْدِ مُٻّٜنْ. إِٻٜ نجࣷوطِنࣷو أُرُسَلِيمَ.

35 ݠُطُّطࣷ غَلُّورٜ غِبِيࣷنْ، يٜهِيٜلْ، نَ جࣷوطِنࣷو غِبِيࣷنْ. إِنّدٜ دٜىٰکِيکࣷ وࣷ مَاکَ. 36 أَبْدࣷنْ وࣷنِ أَڢࣷ مَکّࣷ، تَوْتِ سُرْ إٜ کِسْ إٜ بَعَلْ إٜ نٜىٰرْ إٜ نَدَبُ 37 إٜ غٜدࣷرْ إٜ أَهِيࣷ إٜ جَکَرِيَ إٜ مِکْلࣷتْ. 38 مِکْلࣷتْ رِمِ سِمٜيَمْ. ٻٜىٰنْ دُ، نَ نجࣷودِّنࣷو إٜ مَٻّٜ لٜيْ أُرُسَلِيمَ طَکّࣷلْ سَکِرَاٻٜ مُٻّٜنْ. 39 نٜىٰرْ رِمِ کِسْ. کِسْ رِمِ سَوُلُ. سَوُلُ رِمِ جࣷنَتَنْ إٜ مَلْکِ-سُوَ إٜ أَبِنَدَبْ إٜ إٜسْبَالْ. 40 جࣷنَتَنْ رِمِ مٜرِبَّالْ. مٜرِبَّالْ رِمِ مِکَ. 41 ٻِٻّٜ مِکَ وࣷ: ݠِتࣷنْ إٜ مٜلٜکْ إٜ تَرٜيَ. 42 أَهَسْ رِمِ يَهٜرَ. يَهٜرَ رِمِ أَلٜمٜتْ إٜ أَسْمَوٜتْ إٜ سِمْرِ. سِمْرِ رِمِ مࣷسَ. 43 مࣷسَ رِمِ بِنٜيَ. بِنٜيَ رِمِ رٜڢَيَ. رٜڢَيَ رِمِ إٜلٜيَسَ. إٜلٜيَسَ رِمِ أَسٜلْ. 44 أَسٜلْ رِمِ وࣷرْٻٜ نجٜىٰغࣷمْ. إِنَنْ إِنْطٜ مُٻّٜنْ: أَسْرِکَمْ إٜ بࣷکُرُ إٜ إِسْمَاعِيلَ إٜ سٜهَرِيَ إٜ أࣷبَدِيَ إٜ هَنَنْ. ٻٜىٰ نغࣷنِ ٻِٻّٜ أَسٜلْ.