Haala Bildat tataɓa: Hono Laamɗo walaa
25
1 Ndeen Bildat Suhankeejo jaabii wi'i:2 — Laamɗo jeyi laamu, wo kam jeyi huleede,
o tabintinii jam dow kammuuli to o woni toon.
3 Yalla ori konunkooɓe makko na mbaawi limeede naa?
Moy du woni yi'aay jayngol makko?
4 Ndelle neɗɗo wo ɗume faa wi'a Laamɗo
«miin jeyi goonga»?
Mo debbo rimi waawan laataade laaɓuɗo naa?
5 Ay, to makko fay leelewal ɗelkataa,
fay koode kammu du laaɓaa yeeso makko.
6 Sakko tagaaɗo, laatiiɗo ngilngu tan!
Ɓii Aadama le wo njoolaanga leydi tan!