Golle yimooɓe
25
1 Daawda e mawɓe sordaasiiɓe cenndi ɓiɓɓe Asaf worɓe e Heman e Yedutun. Ɓeen na kaaltira haalaaji Laamɗo e kolli e geegineeji e beɗi njamndi gokkondirteeɗi. Inan limoore worɓe gollannooɓe golle ɗeen:2 Suɓaaɓe ley ɓiɓɓe Asaf wo: Jakkur e Yuusufi e Netaniya e Asarela. Baabiiɓe Asaf oon wonnoo mawɗo maɓɓe. Imo haaltannoo haalaaji Laamɗo fodde no kaananke yamiri o.
3 Suɓaaɓe ley ɓiɓɓe Yedutun wo: Gedaliya e Seri e Esaaya e Hasabiya e Mattitiya e Simey, ɓe njeegom. Baabiiɓe Yedutun wonnoo mawɗo maɓɓe. Imo haaltirannoo haalaaji Laamɗo e hoddu faa o yetta Joomiraaɗo, o teddina ɗum.
4 Suɓaaɓe ley ɓiɓɓe Heman wo: Bukkiya e Mattaniya e Ujjiyel e Sebuwel e Yerimot e Hananiya e Hanani e Eliyata e Giddalti e Romameti-Ejer e Yosebekasa e Malloti e Hotir e Mahajiyot. 5 Ɓee fuu wo ɓiɓɓe Heman laatinooɗo annabaajo kaananke, kollannooɗo ɗum konngol Laamɗo faa teddina innde muuɗum. Laamɗo hokkiino Heman ɓiɓɓe worɓe 14 e rewɓe tato. 6 Ɓe fuu iɓe laatinoo yimooɓe ley suudu Joomiraaɗo. Baabiiɓe wonnoo hooreejo maɓɓe. Iɓe ngollirannoo kolli e geegineeji e beɗi jamɗe gokkondirteeɗi saabe teddinde Laamɗo. Asaf e Yedutun e Heman fuu wo kaananke ardinoo ɗum'en ley golle ɗeen.
7 Ɓe fuu wo ɓe ardiiɓe e yimooɓe 288, jannginooɓe jimi, tawti sakiraaɓe maɓɓe waawuɓe jimi teddinooji Joomiraaɗo. 8 Golle jokolɓe e mawɓe tawti jannginooɓe e taalibaaɓe fuu wo cumnal cenndiraa .
9 Cumnal ngaal artii saami dow Yuusufi ɓii Asaf.
Ɗiɗaɓal ngaal saami dow Gedaliya e sakiraaɓe muuɗum e ɓiɓɓe muuɗum. Ɓe fuu wo ɓe 12.
10 Tataɓal dow Jakkur e ɓiɓɓe muuɗum e sakiraaɓe muuɗum. Ɓe fuu wo ɓe 12.
11 Nayaɓal dow Yiseri e ɓiɓɓe muuɗum e sakiraaɓe muuɗum. Ɓe fuu wo ɓe 12.
12 Joyaɓal dow Netaniya e ɓiɓɓe muuɗum e sakiraaɓe muuɗum. Ɓe fuu wo ɓe 12.
13 Jeegaɓal dow Bukkiya e ɓiɓɓe muuɗum e sakiraaɓe muuɗum. Ɓe fuu wo ɓe 12.
14 Jeɗɗaɓal dow Yesarela e ɓiɓɓe muuɗum e sakiraaɓe muuɗum. Ɓe fuu wo ɓe 12.
15 Jeetataɓal dow Esaaya e ɓiɓɓe muuɗum e sakiraaɓe muuɗum. Ɓe fuu wo ɓe 12.
16 Jeenayaɓal dow Mattaniya e ɓiɓɓe muuɗum e sakiraaɓe muuɗum. Ɓe fuu wo ɓe 12.
17 Sappoɓal dow Simey e ɓiɓɓe muuɗum e sakiraaɓe muuɗum. Ɓe fuu wo ɓe 12.
18 Sappo e go'aɓal dow Ajarel e ɓiɓɓe muuɗum e sakiraaɓe muuɗum. Ɓe fuu wo ɓe 12.
19 Sappo e ɗiɗaɓal dow Hasabiya e ɓiɓɓe muuɗum e sakiraaɓe muuɗum. Ɓe fuu wo ɓe 12.
20 Sappo e tataɓal dow Subayel e ɓiɓɓe muuɗum e sakiraaɓe muuɗum. Ɓe fuu wo ɓe 12.
21 Sappo e nayaɓal dow Mattitiya e ɓiɓɓe muuɗum e sakiraaɓe muuɗum. Ɓe fuu wo ɓe 12.
22 Sappo e joyaɓal dow Yeremot e ɓiɓɓe muuɗum e sakiraaɓe muuɗum. Ɓe fuu wo ɓe 12.
23 Sappo e jeegaɓal dow Hananiya e ɓiɓɓe muuɗum e sakiraaɓe muuɗum. Ɓe fuu wo ɓe 12.
24 Sappo e jeɗɗaɓal dow Yosebekasa e ɓiɓɓe muuɗum e sakiraaɓe muuɗum. Ɓe fuu wo ɓe 12.
25 Sappo e jeetataɓal dow Hanani e ɓiɓɓe muuɗum e sakiraaɓe muuɗum. Ɓe fuu wo ɓe 12.
26 Sappo e jeenayaɓal dow Malloti e ɓiɓɓe muuɗum e sakiraaɓe muuɗum. Ɓe fuu wo ɓe 12.
27 Noogayaɓal dow Eliyata e ɓiɓɓe muuɗum e sakiraaɓe muuɗum. Ɓe fuu wo ɓe 12.
28 Noogay e go'aɓal dow Hotir e ɓiɓɓe muuɗum e sakiraaɓe muuɗum. Ɓe fuu wo ɓe 12.
29 Noogay e ɗiɗaɓal dow Giddalti e ɓiɓɓe muuɗum e sakiraaɓe muuɗum. Ɓe fuu wo ɓe 12.
30 Noogay e tataɓal dow Mahajiyot e ɓiɓɓe muuɗum e sakiraaɓe muuɗum. Ɓe fuu wo ɓe 12.
31 Noogay e nayaɓal dow Romameti-Ejer e ɓiɓɓe muuɗum e sakiraaɓe muuɗum. Ɓe fuu wo ɓe 12.