Ƴuwdi Ruben
5
1 Inan ɓiɓɓe Ruben, afo Yaakuuba, sabo wo kanum artii rimeede. Ammaa saabe tuuninii leeso baamum, de mawniraagu muuɗum hokkaa ɓiɓɓe Yuusufi, minyum. Ndelle imo ndaardee teetaaɗo mawniraagu muuɗum. 2 Yahuuda laatakeno gorko cemmbiɗinɗo sanne hakkunde sakiraaɓe muuɗum, wooɗi du wo gooto e ƴuwdi makko laatii kaananke Israa'iila ammaa wo Yuusufi heɓi hokkeede mawniraagu nguun.3 Inan ɓiɓɓe Ruben, afo Yaakuuba oon: Henok e Pallu e Hesron e Karmi.
4 Ɓii Jowiila wo Semaya, Semaya rimi Gog, Gog rimi Simey, 5 Simey rimi Mika, Mika rimi Rehaya, Rehaya rimi Ba'al, 6 Ba'al rimi Beera, ɓiyum mo Tilgat-Pilneser, kaananke Siiriya nanngunoo yaari leydi mboɗɗundi. Kanko laatinoo ardiiɗo lenyol Ruben. 7 Inan inɗe sakiraaɓe makko winndaaɓe fodde cuuɗi muɓɓen: Yehiyel woni ardiiɗo maɓɓe, tawti Jakariya e 8 Bela ɓii Asas, Asas ɓii Sema, Sema ɓii Jowiila. Iɓe jooɗinoo Aro'er faa hewti Nebo e Ba'al-Meyon. 9 Faro lettugal du iɓe jooɗinoo faa naarude ladde yoornde wonnde ɗakkol maayo Efrat sabo iɓe njoginoo daabaaji ɗuuɗɗi sanne ley leydi Galaad. 10 Ɓe kaɓdi e Hagarinkooɓe wakkati laamu Sawulu. Ɓe njaalii ɗum'en de ɓe njooɗii ley hukumuuji muɓɓen heedde lettugal Galaad fuu.
Ƴuwdi Gad
11 Ɓiɓɓe Gad na njooɗinoo ɗakkol ɓe Ruben ley leydi Basan faa hewti Salka. 12 Jowiila woni ardiiɗo maɓɓe. Safam rewti ɗum, tawti Yahenay e Safat ley leydi Basan. 13 Sakiraaɓe maɓɓe wo: Mikayel e Mesulam e Seba e Yoray e Yakan e Siya e Eber fodde cuuɗi muɓɓen. Ɓe fuu wo ɓe njeɗɗo. 14 Inan ɓiɓɓe Abihayil ɓii Huri, Huri ɓii Yaroha, Yaroha ɓii Galaad, Galaad ɓii Mikayel, Mikayel ɓii Yesisay, Yesisay ɓii Yado, Yado ɓii Bus. 15 Ahi ɓii Abdiyel, Abdiyel ɓii Guni wonnoo ardiiɗo cuuɗi muɓɓen. 16 Iɓe njooɗinoo Galaad ley Basan e durduɗe muɓɓen tawti durduɗe piiliiɗe Saron faa hewti keeri muɓɓen. 17 Ɓe fuu inɗe maɓɓe mbinndaama wakkati laamu Yotam, kaananke Yahuuda e laamu Yerobo'am, kaananke Israa'iila.
18 Lenyol Ruben e ngol Gad e feccere lenyol Manasa na laatinoo worɓe cemmbiɗinɓe, wakkotooɓe bawaaɗe e kaafaaje. Ɓe waawuɓe konu, fiɗooɓe kure, worɓe 44 760 tiigiiɓe kaɓitirɗe. 19 Ɓe kaɓdi e Hagarinkooɓe ley gure Yetur e Nafis e Nodab. 20 Ɓe keɓi mballa Laamɗo ley wolde ndeen. Hagarinkooɓe e wondunooɓe e muɓɓen fuu caami e juuɗe maɓɓe saabe ɓe mbullitake Laamɗo wakkati wolde ndeen de kam du, waɗani ɓe hinney sabo ɓe ngattii hoolaare maɓɓe e muuɗum. 21 Ɓe kooƴi daabaaji muɓɓen: geeloobi 50 000 e dammucce 250 000 e araaji 2 000 e yimɓe 100 000. 22 Wayɓe maɓɓe heewɓe caami sabo wolde ndeen to Laamɗo ƴuuri. Ɓe njooɗii nokkuuje muɓɓen faa hewti wakkati yaareede maɓɓe maccangaaku.
Yuwdi Manasa
23 Yimɓe feccere lenyol Manasa na njooɗinoo ley leydi ndiin gilla Basan faa hewti Ba'al-Hermon e Senir e waamnde Hermon. Iɓe ɗuuɗunoo sanne. 24 Inan ardiiɓe cuuɗi maɓɓe: Efer e Yisey e Eliyel e Asriyel e Yeremiya e Hodawiya e Yaadiyel. Ɓe fuu wo ɓe worɓe semmbiɗinɓe, konunkooɓe innde anndeeɓe, ardiiɓe cuuɗi muɓɓen.
25 Ammaa ɓe mbonnii amaana Laamɗo maamiraaɓe maɓɓe oon. Ɓe tottitake ɗum de ɓe ɗowtanii allaaji lenyi ɗi halki yeeso maɓɓe ɗiin. 26 Laamɗo Israa'iila umminani ɓe Pul, kaananke Asuura innde anndeejo inndirteeɗo Tilgat-Pilneser de nanngi yimɓe lenyol Ruben e ɓe Gad e feccere lenyol Manasa yaari maccangaaku. O yaari ɓe Hala e Habor e Hara ɗakkol gooruwol Gojan faa warde hannden.
Ƴuwdi Lewi : Almaami'en mawɓe
27 Inan ɓiɓɓe Lewi: Gerson e Kehat e Merari. 28 Ɓiɓɓe Kehat wo: Amram e Yitsehar e Heberon e Ujjiyel. 29 Ɓiɓɓe Amram wo: Haaruuna e Muusaa e Mariyama. Ɓiɓɓe Haaruuna wo: Nadabu e Abihu e Eliyajar e Itamar. 30 Eliyajar rimi Pinehas, Pinehas rimi Abisuwa, 31 Abisuwa rimi Bukki, Bukki rimi Ujji, 32 Ujji rimi Jerakiya, Jerakiya rimi Merayot, 33 Merayot rimi Amariya, Amariya rimi Ahitub, 34 Ahitub rimi Sadok, Sadok rimi Ahimaas, 35 Ahimaas rimi Ajariya, Ajariya rimi Yohanan, 36 Yohanan rimi Ajariya. Wo Ajariya oon gollannoo golle almaamaaku ley suudu ndu Suleymaana nyiɓunoo Urusaliima nduun. 37 Ajariya rimi Amariya, Amariya rimi Ahitub. 38 Ahitub rimi Sadok, Sadok rimi Sallum. 39 Sallum rimi Hilkiya, Hilkiya rimi Ajariya. 40 Ajariya rimi Seraya, Seraya rimi Yehosadak. 41 Yehosadak dilli wakkati Joomiraaɗo accunoo Nebukanejar nanngi yimɓe Yahuuda e Urusaliima yaari leydi muuɗum.