No Muusaa e Haaruuna kaaldiri e Fira'awna
5
1 Caggal ɗuum Muusaa e Haaruuna njehi to Fira'awna, mbi'i ɗum:— Inan ko Laamɗo Joomiraaɗo Israa'iila wi'i: «Yoppu yimɓe am njaha ngaɗanowa kam iidi ley ladde yoornde.»
2 Ammaa Fira'awna wi'i:
— Moy woni Joomiraaɗo faa mi hettindanoo ɗum, de mi yoppa yimɓe Israa'iila ndilla? Mi anndaa Joomiraaɗo. Wooɗi mi yoppataa yimɓe Israa'iila ndilla.
3 Ndeen Muusaa e Haaruuna mbi'i:
— Laamɗo Ibraninkooɓe, Laamɗo amin ɓanganii min. Ndelle miɗen ŋaare accaa min njaha haddi balɗe tati ley ladde yoornde faa min ngaɗana Laamɗo Joomiraaɗo amin kirsamaaji. Si wanaa noon fu, o waɗan nyawuuji bonɗi maa konu wara min.
4 Ammaa kaananke Misira wi'i:
— Muusaa e Haaruuna, ko waɗi oɗon ndunƴa yimɓe Israa'iila njoppa golleeji muɓɓen. Coƴƴee to golleeji mooɗon.
5 O ɓeydi, o wi'i:
— Ndaar no yimɓe ɓeen keewri nder leydi ndi, de oɗon kaɗi ɓe waɗude golleeji maɓɓe!
6 Nyannde ndeen Fira'awna yamiri Misirankooɓe hooreeɓe golleeji tiiɗuɗi e Israa'iila'en ardiiɓe golleeji ɓeen fuu, wi'i:
7 — Taa kokkee yimɓe ɓeen huɗo katin faa piya pereeje hono no arande noon. Ɓe njaha kamɓe e ko'e maɓɓe ɓe piloo huɗo. 8 Ammaa ndoolɗon ɓe ɓe piya nyannde fuu haddi pereeje ɗe ɓe njeynoo fiide arande ɗeen. Taa ɓuyton fay gootum hen. Wo ɓe jaasuɓe. Ɗum waɗi iɓe ŋaaroo laawol waɗanoyde Laamɗo maɓɓe kirsamaaji. 9 Tiiɗinee golleeji maɓɓe taa ɓe keɓa wakkati sakko ɓe kettindoo pene.
10 Hooreeɓe golleeji tiiɗuɗi e Israa'iila'en ardiiɓe golleeji ɓeen mburtii laamorde, njehi kaalani yimɓe Israa'iila, mbi'i:
— Inan ko Fira'awna wi'i: «Mi hokkataa on huɗo katin. 11 Njahon pilanoɗon ko'e mooɗon huɗo to keɓɗon fuu, ammaa on ɓuytantaake golleeji mooɗon fey.»
12 Wooɗi yimɓe Israa'iila cankitii nder leydi Misira fuu faa kawrundura huɗo de njillondira e loope. 13 Hooreeɓe golleeji tiiɗuɗi ɓeen keddii ina ndoolɗa ɓe, ina mbi'aa:
— Tinnee timminee golleeji mooɗon ɗi njeyɗon waɗude nyannde fuu ɗiin. Ɗum laatoo hono arande nde kokketenoɗon huɗo ndeen.
14 Iɓe piya du yimɓe Israa'iila ardiiɓe golleeji tiiɗuɗi, ardinaaɓe jamaa ɓeen. Iɓe mbi'a ɗum'en:
Ko waɗi keeŋan e hannden fuu on timminaay ko njeyɗon gollude, on piyaay haddi pereeje ɗe njeynoɗon fiide ley nyalaande ɗeen?
15 Ardiiɓe Israa'iila'en ɓeen ngari to Fira'awna, mboyi, mbi'i ɗum: Ko waɗi ngaɗuɗaa min ni, minen maccuɓe maaɗa? 16 Minen maccuɓe maa, min kokkataake katin huɗo ammaa iɓe mbi'a min: «Piyee pereeje.»
— Wo on jaasuɓe, jaasuɓe sanne! Ɗum waɗi oɗon mbi'a on njahan ngaɗanowon Joomiraaɗo mon kirsamaari. 18 Njehee ngollowee. On kokkataake huɗo, wooɗi on kiɓɓinan du pereeje ɗe njeyɗon fiide ɗeen.
19 Ardiiɓe Israa'iila'en ɓeen paami keɓii torra mawɗo nde nannoo ina wi'ee ɓuytataa limgal pereeje piyeteeɗe ɗeen. Nyannde fuu sanaa ɓe piya haddi pereeje muuɗum.
20 Nde ɓe mburtinoo to Fira'awna fu, ɓe tawii Muusaa e Haaruuna ina keɗii ɓe. 21 Ɓe mbi'i ɗum'en: Joomiraaɗo taykoo ko ngaɗuɗon min ɗuum de hiitoo on. On ngaɗii min nyiddiniiɓe to Fira'awna e yimɓe muuɗum. On ngattii e juuɗe maɓɓe kaafaahi faa ɓe mbara min.
No Laamɗo fodorii dannude yimɓe Israa'iila
22 Muusaa soƴƴii to Joomiraaɗo, wi'i ɗum: