इब्रि लोकुल्कनाहाटीं+ \fr 1:0 \ft इब्रि लोकुल्क \ft ईर यहुदि लोकुल्के आंदुर. गानि येसुन नम्मिसि सेवाताहाटीं पलाते होत्तस्के कस्टाल्क, तकलीप्कु आताहाटीं मनसु सिन्नागासि मर्रा येरुसलेम होनना विचारम कीतुर. ईरकु येसु सामिंकन्ना ओरा पडाना नियमके ओर्कु एक्कोतव अन्पिच्चि ओर अल्हा विचारम कीतुर. रासता सिट्टि
पेन दाना कबुरतुन दाना मर्रिनाहेंदाल पुरागा कीता
1
1 वेल्लेन मुन्नेटा कालमते पेन बच्चुंगो मल्कां बच्चुंगो तीरकुने पेनदा कबुरतोराहेंदाल मना तादो-बाबुरतोनि वळ्कता. 2 गानि ई आकिरता रोजकुने बारे, पेन दाना मर्रिनाहेंदाल मनातोनि वळ्कता. दाना मर्रिनाहेंदाले इद पूरा दुनियातुन तयार कीसि, ओन ई दुनियाता वारसदार इंचि निलाह्ता.a 3 आ मर्रि पेनदा महिमाता वेलगु आंदुर. इंका पेनदा गुनम आनि मर्रिना गुनम उंदेतीर मंता. मर्रि ओना बलमगल्ला पोल्लेने ई दुनियातुन ताकिच्चेके मंतोर. ओर मना पापाल्कुनंता नोर्सि मनाकुन पवित्र कीतोर. पजा एत्तुने स्वर्गमते मंदना अन्निटकन्ना पेद्दा पेनदा तिना बाजुंक होंचि उदतोर.bयेसु पेनदा दूतांकन्ना पेद्दोड
4 इल्हा ओर पेनदा दूतांकन्ना वेल्ले बेस पोर्रोल आनि कदर दक्किच्कुत्तोर. 5 बारित्ते, पेन दाना मर्रिना बारेमते,
“निमे नावा मर्रिन आंदिन,
इय्याला ननाने नीकुन पुटिस्तन.” c इंका
“नना ओना बाबोन आंदुन,
ओर ना मर्रि आंदुर.”d
इंचि येसुन तप्पा बस्केन बदे दूतातुन पेन इना हिल्ले.
6 इदे आयवा, बस्के अय्ते पेन दाना तोल्सूर मर्रिन बूमितगा तत्ता, अस्के, “पेनदा अन्नि दूतां ओन मोळ्किं,”e इंचि इंकुंदि जेगाते इत्ता. 7 पजा पेन दाना दूताना बारेमते वेहातस्के, “अद दाना दूतन वळिलेह्का आनि दाना दासुल्कुन पोत्तना तडमिलेह्का कींता,”f इंचि वेहता.
8 गानि दाना मर्रिना बारेमते,
“पेनदुना, नीवा राजगद्दे बस्केळ्क निल्सि मनंता,
निमे सत्तेमते राज्येम कियानदुन आंदिन.
9 सत्तेमतुन निमे पावरम कीतिन, असत्तेमतुन निमे हय्सिन.
अदुनहाटींगे नना, नीवा पेनबाबन,
नीवा दंटातोरा लोप्पोटाल नीकुन पेरसि,
वेल्ले आनंदमता निय होक्सि नीवा अबिसेकमg कीतन,”h इंचि पेन इत्ता.
10 इच्चोने आयका, पेन दाना मर्रिना बारेमते,
“सामि! मोट्टा मोदाला बूमिक पुनादि दोह्तोन निमेने आंदिन.
आनि मब्बुकुन नीवा कय्दे कीतिन.
11 अव अन्नि नासडेम आसि होनानुं, गानि निमे बस्केळ्क मनांतिन,
कपडिं पडन आसि हर्सोत्ताप, अव अन्नि पडानव आसि होनानुं.
12 निमे सेद्दरतुन आटमूट कीताप, अवुन आटमूट कीकिन
आनि अव सेद्दरलेह्का बदलांचनूं.
गानि निमे मात्रम बस्केळ्क उंदेतीर मनानोन आंदिन,
नीवा कालाल्क बस्केने मारों,”i इंचि इत्ता.
13 मर्रा, “नीवा पगातोर्कुन नीवा काल्कुना हिळु कुत्तुललेसिं नना कियनदाका,
निमे नावा तिना बाजुने राजगद्देपोर्रो उद्दिस मन्नु,”j इंचि बद्दे दूतातुन बस्केन पेन इना हिल्ले.
14 पेनदा दूतां राज्येम कियानव आयों, अव सिराप पेनदा सेवा कियाना आत्मांगें आंदूं. इव अय्ते पेन हीता पिस्वर बोर्क दोर्कंता ओरा सेवा कियनाहाटीं लोहनवे गदा!k पेनदा अन्नि दूतां दाना सेवा कियाना आत्मांगें आयोंगां! बोर्क अय्ते पापाल्क मापि आसि मुक्ति दोर्कतनो ओर्कु सहायम कियानाहाटीं पेन इवुन लोहांता.