तीतुंक पौलुसना सिट्टि
इद पुस्तकोमता बारेमते परिचयम
इद पुस्तकोम रासतोना पोर्रोल: पौलुस.
पौलुस येसु सामिना वरोर प्रेरित आंदुर. वेल्लेन देसेल्कुने होंचि येसु सामिना बारेमता बेसता कबुरतुन कराहलय पेन ओन्कु आदेस हीता. पौलुस येरूसलेमते मननेंके तीतु इनना वरोर लेय्योड ओनतोनि मनुंदुर.
येसु सामि हासि मर्रा जीवाते तेदसि स्वर्गम होत्ता पजा, दगेर-दग्गेरा मुप्पै वर्साना पज्जो पौलुस इद सिट्टि रासतोर.
पौलुस आनि तीतु पेनदा बेसता कबुरतुन प्रचार कियालय केरेतु इनना सहर होत्तुर. पेनदुन पूनें-पूनें विस्वासम कीतोर्कुंक पेनदा पोर्रोटा ओरा विस्वासमतुन गट्टिगा कियनाहाटीं पौलुस तीतुन अग्गेन होळसिसि वेरे जेगाते होत्तोर. केरेतु सहरते अंटोर विस्वासुल्क पूनोर्के मत्ताहेंका ओराहाटीं पेद्दाल्कुन निल्हानेंके बव पोल्लेना अव्सरम मंता अव अन्नि पोल्लें पौलुस इद सिट्टिते रासतोर. अचोने आयका अगा तप्पुड बोदां कराहना गुरुल्कगुडा मत्तुर. ओरा बोदानाल सततुन कापाळकुंचेंके ओर कराहना बोदान बल्हा आपाना इत्ता पोल्लेंगुडा पौलुस इद सिट्टिते रासतोर.
पेनदुन विस्वासम कीता लोकुल्क बल्हा आनि बद तरिकाते पिसवर पिस्सना इत्ता पोल्लेंगुडा विस्वासुल्कुंक कराहनाहाटीं पौलुस तीतुंक इद सिट्टिते रासतोर. पेनदा इच्चा परकारम पिसवर पिसानय्ते, पेनदाहेंदाल दोर्कना बस्केळ्क पिस्सना पिसवर दोर्कंता इत्ता मेन पोल्ले इद पुस्तकोमते पौलुस रासतोर.
बगा बतल मंता
पौलुस तीतुंक नमस्कारम वेहांतोर 1:1-4
केरेतु सहरते तीतु कियना कबाह्क 1:5-16
बोन्कु बद बोदा कराहना 2:1-15
पिसालय मंचि हर्रि 3:1-11
मतिते इर्रानालायक कोन्नि पोल्लें 3:12-15