इब्रि लोकुल्कनाहाटीं+ \fr 1:0 \ft इब्रि लोकुल्क \ft ईर यहुदि लोकुल्के आंदुर. गानि येसुन नम्मिसि सेवाताहाटीं पलाते होत्तस्के कस्टाल्क, तकलीप्कु आताहाटीं मनसु सिन्नागासि मर्रा येरुसलेम होनना विचारम कीतुर. ईरकु येसु सामिंकन्ना ओरा पडाना नियमके ओर्कु एक्कोतव अन्पिच्चि ओर अल्हा विचारम कीतुर. रासता सिट्टि
इद सिट्टिता बारेमते सिन्ना परिचयम
येसुना सिस्युल्क, येसुना बारेमता बेसता कबुरतुन दुनियाते होंचि वेहतुर. अदुनहाटीं वेल्लेन यहुदिल्क येसुनपोर्रो बरोसा कीसि विस्वासुल्क आतुर. पजा ओर्कु वेरे लोकुल्कुनाहेंदाल वेल्लेन तकलीप्कु हियमळ जर्गता. अस्के, बरोसा कीता आ यहुदि विस्वासुल्क येसुनपोर्रोटा बरोसातुन होळसिसि मर्रा पळाना रीति-रिवाजकुन पीसि ताककोम इंचि विचारम कीतुर. इल्हा विचारम कियाना आ यहुदि विस्वासुल्कुना दैरनेमतुन बेर्सागोटनाहाटीं, येसुना वरोर बक्तुड ओर्क ई सिट्टि रासतोर.
पडाना नियम परकारम पेनदा बद इच्चा अय्ते पुरागा आया हिल्लेनो, आ इच्चातुन येसु किरिस्तु पुरागा कीतोर इत्ता पोल्लें, इद सिट्टिते वेल्लेन उदाहरन हीसि रासि मंतां. कास कीसि इद सिट्टिते मूड पोल्लें मनाकु दोर्कंतां:
(1) येसु किरिस्तु पेनदा मर्रि आंदुर, ओर कुद्दु तकलीप्कु बोगांचेके पेनदा इच्चातुन पुरागा कियालय तयार आतोर. ई येसु किरिस्तु इत्ते, पेनदा अन्नि दूतांकन्ना, पेनदा कबुरतोर्कन्ना, मनकलोर्कूंकन्ना बच्चोनो पेद्दोड आंदुर.
(2) येसु किरिस्तुंकन्ना मुन्ने मत्ता पेद्दा पेर्मालोरा लोप्पोटाल, येसु वरोरे बस्केळ्क जीवाते पेद्दा पेर्मल इंचि पेन रुजुव कीसि हुपिस्ता.
(3) जिवरासिना मोक्कुल्क आनि रीति-रिवाज्क मनाकुन पापमताल पिसागोट्टंतां इंचि यहुदिल्क नम्मुंदुर, गानि सिराप येसु किरिस्तु वरोरे, पापमताल, हामुरताल, हामुरता वेर्रेताल पिसागोटा पर्रंतोर इंचि इद सिट्टिते रासतद मंता.
बगा बतल मंता
पेन दाना कबुरतुन दाना मर्रिनाहेंदाल पुरागा कीता1:1-4
येसु पेनदा दूतांकन्ना पेद्दोड1:5-14
केंजता पोल्लेनाल लक्कु आयामन्नि 2:1-4
मनकलोर्कुन पिसागोटालय येसु मनकना रूपमते मारियमळ 2:5-10
अंटोर्कुन तम्मुर-हेलड इनालय येसु सिग्गु अर्रोर 2:11-18
येसु मूसांकन्ना पेद्दा आंदुर 3:1-6
विस्वासमते गट्टिगा मंदना 3:7-19
आराम दोर्कना जेगाते होळियमळ 4:1-13
येसु अंटोर्कन्ना पेद्दा पेर्मल 4:14-16
पेद्दा पेर्माना कबाह्क 5:1-10
पेनदा मनमळता बारेमता तेल्वि बेर्साहिल्ले 5:11-14; 6:1-3
बरोसाताल पजोळ्क आतोरा गति 6:4-8
पेन बस्केन मति मर्गो 6:9-12
पेन हीता पोल्ले 6:13-20
मेल्किसेदेक पेर्मल आनि राजाल आंदुर 7:1-10
येसुगुडा मेल्किसेदेकुनसोंटा पेर्मले 7:11-28
येसु पूना करारता पेर्मल आतोर 8:1-13
पडाना करार परकारम मोळ्काना जेगा 9:1-10
येसुए कुद्दु मोक्कु आयमळ 9:11-22
येसुना हामुरताहेंदाल पापाल्कुंक मापि दोर्कंता 9:23-28; 10:1-4
किरिस्तुना मोक्कु मनाकुन पवित्र किया पर्रंता 10:5-18
दैरनेमते पेनदा दग्गेर्क दाकोम 10:19-25
किरिस्तुन पास्कामन्नि 10:26-39
बरोसाते पिसतोरा बारेमते कोन्नि पोल्लें 11:1-40
पेन दाना पिलाल्कुन सुद्रांचंता 12:1-13
बरोसाते पिस्सानोर्क कोन्नि जेगर्तां 12:14-29
पेनदुक नच्चना पिस्वर पिस्साना 13:1-21
आकिरता पोल्लें 13:22-25