योहान रासता बेसता कबुर
इद पुस्तकोमता बारेमते सिन्ना परिचयम
रासतोना पोर्रोल: योहान. ईर येसुना वरोर सिस्युड आंदुर.
ई पुस्तकोमते रासता मेन पोल्ले बतल इत्ते, येसुए पेनदा मर्रि आंदुर. पेनदा आत्माता ताकततोनि इद दुनियातोर्कुन ओरा पापाल्कुनाल पिसागोटलय, ओरे इद दुनियाते मनकना रूपमते पुटतोर. सिराप बोरय्ते येसुना पोर्रो विस्वासम इर्रंतोर, ओरे स्वर्गमते दांतोर. इदे ई पुस्तकोमता मेन पोल्ले आंद.
ई पोर्रोटा पोल्लेन रुजुव कियालय, येसु इद दुनियाते मननेंके, लेक्का हिलुवा अद्बूतामाता चिन्हे, कबाह्क कीसि हुपिस्तोर. अव्टेटाल एतुन अंगुर पानकमते मारियागोटमळ, मुप्पै एनिमिदि वर्सानाल बिमारते मत्ता मनकन बेस कियमळ, पुटतस्केटाल गुड्डि मत्तोन दिस्सानाल कियमळ, हासोंचि मुरुगता लाजरुन जीवाते तेहमळ, हेय्युं वेय्कुना मंदिक गाटो तासमळ, समुद्रमता तळाने एतापोर्रो ताकमळ, इवन्नि मंतां.
येसु आकिरते, उंदि मेन पोल्ले बतल वेहंतोर इत्ते, “मिमेट नावा पोर्रोल केंजसि विस्वासम कियाकोंटे, नना कीता कबाह्कुन हूळसि अय्ना नावा विस्वासम कीम्टु. अल्हा कीतिरित्ते, मिमेट पेनबाबनतोनि स्वर्गमते मनंतिर,” इंचि वेहतोर. नीकु दोर्कता पिसवर निवद आंद. अदुनहाटीं निरनायमगुडा नीवा कय्देन मंता. इंचि इद पुस्तकोमतुन बेस हदविसि निरनायम येता. पेनदा सांति बस्केळ्क नीवातोनि मन्निकांटि!
इद पुस्तकोमते बगा बतल मंता
पेनदा पोल्ले मनकना रूपमते मारियमळ 1:1-18
बापतिस्मा हियना योहानुना गवाइ 1:19-28
येसु सामिए पेनदा मर्रि इंचि रुजुव आयमळ 1:29-34
येसुना मोट्टा मोदाटा सिस्युल्क 1:35-42
येसु एतुन अंगुर पानकमते मारियागोटमळ 2:1-12
येसु गुळितगा दांतोर 2:13-25
मर्रा पुटमळ 3:1-21
योहान येसुंक बापतिस्मा हियमळ 3:22-36
सामरिया एरियाता मुरतळ येसुंक कलियमळ 4:1-42
सायाबुना मर्रिन येसु बेस कियमळ 4:43-54
कय्क-काल्क वायवोन येसु बेस कियमळ 5:1-18
येसुनगा पेनदा अदिकारम मंता 5:19-30
येसु गवाइ वेहमळ 5:31-47
हेय्युं वेय्कुना मंदिक येसु बोजनम तासमळ 6:1-15
येसु एतापोर्रो ताकमळ 6:16-24
पिसवर हियना तिंडि येसु आंदुर 6:25-71
येसुन ओना तम्मुह्कगुडा हय्सुर 7:1-24
येसु बोर आंदुर 7:25-36
येसुन नम्मुतोर्क पेनदा आत्मा दोर्कंता 7:25-52
यहुदिल्क बोगमतनम कीता मुरतटुन येसुनगा तरमळ 8:1-11
येसु दुनियातोर्क वेलगु 8:12-30
पापमताल पलाते अर्रना बारेमते येसुना कराहमळ 8:31-59
पुट्तस्केटाल कळ्क दिसवोन येसु दिस्सानाल कींतोर 9:1-34
निजम गुड्डिर्क बोर 9:35-41
येसुए निजम मेहानोर 10:1-21
यहुदिल्क येसुना विरोद कियमळ 10:22-42
येसुना दंटागाड लाजर हांतोर 11:1-16
हातोर्कुंक जीवा अराहना ताकत येसुनगा मंता 11:17-37
लाजरुंक येसु जीवा अराहंतोर 11:38-44
यहुदिल्क येसुन हव्कना पिलान कियमळ 11:45-57
मरियम येसुंक अत्तर निय होकमळ 12:1-11
वेल्लेन कदरते येसु येरुसलेम सहरते होळियमळ 12:12-36
यहुदिल्क येसुनपोर्रो विस्वासम इर्रुर 12:3-50
येसु ओना सिस्युल्कुना काल्क नोरमळ 13:1-17
येसु ओन्क दोका हियानोना बारेमते आनि सतता हामुरता बारेमते वेहंतोर 13:18-38
पेनबाबानाहेके होनना हर्रि येसु आंदुर 14:1-31
येसु वेलितसंटोर, सिस्युल्क पंगांनसंटोर 15:1-27
पवित्र आत्माता कबाह्क 16:5-16
दुक्कम कुसिते मारियंता 16:17-33
येसु पारतना कींतोर 17:1-5
येसु ओना सिस्युल्कुनाहाटीं पारतना कींतोर 17:6-18
अंटोर विस्वासुल्कुनाहाटीं येसु पारतना कींतोर 17:20-26
येसुन दोकाते पीसि ओयमळ 18:1-14
पत्रु येसुना बारेमते आबद्दम वळ्कमळ 18:15-18
अंटोर्कन्ना पेद्दा पेर्माल येसुन सवाल पूसकियमळ 18:19-40
येसुंक हामुर सिक्सा हियमळ 19:1-16
येसुन क्रुसुनपोर्रो वेलाड वाटमळ 19:17-27
येसु जीवा होळसंतोर 19:28-37
येसुन बोंदा तासमळ 19:38-42
येसु मर्रा जीवाते तेदमळ 20:1-10
मगदलेनि नाटेना मरियमुंक येसु मोट्टा मोदाला दिसमळ 20:11-23
तोमांकु येसु दिसमळ 20:24-31
गालिल सेरवुनगा येसु वांतोर 21:1-14
येसु पत्रुंक अदिकारम हियमळ 21:15-23