लूकाल रासतद बेसता कबुर
इद पुस्तकोमता बारेमते गिचचो परिचयम
पुस्तकोम रासतोना पोर्रोल: डाक्टर लूका.
इद पुस्तकोमतुन रासता लूकाल बेस डाक्टर मत्तोर. येसु तिरियसि स्वर्गमते होत्तस्के ई लूकाल पौलुसुनतोनि कलियसि वेल्लेन वर्सनदाका येसु सामिना सेवाते मत्तोर. येसु हासि मर्रा जीवाते तेदतंका बच्चोनो वर्सांकु ई पुस्तकोमतुन लूकाल रासतोर. अद कालमते तियपिलुस इननोर वरोर सायब मत्तोर, ओन्कु येसु सामिना बारेमता निजम बेस तेळियना इंचि इद पुस्तकोमतुन ओनाहाटीं रासतोर. लूकाल रासतद इद पुस्तकोम वेसुड आयो. गानि येसु निजमे मनकल आसि इद दुनियाते वातोर इत्तदुन हुपिचंता. इद पुस्तकोम रासमळ मारतारित्ते लूकाल पवित्र आत्माता कबाह्क इनना इंकुंदि पुस्तकोम रासतोर.
लूकाल इद पुस्तकोमहेंदाल बतल वेहांतोर इत्ते, पेन लोकुल्कुन वेल्लेन पावरम कींता, इंका मीकुन पिसागोटनाहाटीं नना वरोन मिहगा लोहंतन इंचि वेल्लेन वर्सां मुन्ने वेहचि मत्ता. दीनाहाटींगे पेनदा मर्रि इत्ते येसु सामि लोकुल्कुन पिसागोटनोर आसि, इद दुनियाते वातोर. इच्चोने आयका पेन अंटोर्कुन उंदाच्चोने पावरम कींता. अव्टे दुनियाता नदरते सिन्ना जातितोर आयिर, मुर्ताह्क आयिं, वेरे जातितोर आयिर, बोरन्ना आयिर अंटोरपोर्रो येसु सामि उंदाच्चोने पावरम हुपिस्तोर. मिमेट लोकुल्कु इद दुनियाते कदर दोर्किच्कुनमळतुन होळसिसि पेनदुन बदवेरदाका अय्ते पह्किरो, अदवेरदाका मीकु पेन हियना पिस्वर दोर्को, मिमेट पेनदा राज्येमते होळियागुडा पर्रिर. बारित्ते पेनदा राज्येम सिना पिलाल्कुनलेसिं सादा-सिंपल मनना लोकुल्कुनाहाटीं मंता (18:16). हर्रि तप्सि होत्तोर्कुन पह्कालय आनि ओर्कुन पिसागोटलय येसु सामि इद दुनियाते वातोर, इंचि लूकाल इद पुस्तकोमते रासतोर.
पुस्तकोमते बगा बतल मंता
पुस्कोमता परिचयम आनि बापतिस्मा हियना योहानुना पुटमळ 1:1-80
येसु सामिना पुटमळ आनि देय्यमताहेंदाल ओना परिक्सा एतमळ 2:1–4:13
येसु सामि बेस हिल्वोर्कुन बेस कींतोर 4:14–6:11
येसुना सिस्युल्कुन पेरसि ओर्कु कराहमळ 6:12–6:49
येसु सामि अन्नि तीरकुना सेवा कींतोर 7:1–9:50
येसु सामिन लोकुल्कु हय्साकोंटा आयमळ 9:51–11:54
येसुना कराहमळ 12:1–19:27
येसु येरुसलेमते वायमळ, ओन तीराता सवाल्क पूसकियमळ 19:28–22:46
येसुन दोर्का पियमळ, ओन क्रुसुनपोर्रो वेलळ वाटमळ 22:47–23:56
येसु सामि हामुरताल जीवाते तेदसि स्वर्गमते होनमळ 24:1-53