Lōkōōy chēpō kaaniisaa Saarti
3
1 Sirchii ng'aleechu *malayiikayaantaa kaaniisaa Saarti:Lōkōōy :chu choo pkoonēē wōloo mii :nyoo nāmuuy toomirmiirēyiipō Iriin tisap ākōō kookeel tisap.
Ānkēt pāyiisyōōnikwook. Nēē /kuurōōtook kilēē yoo āsopyootēēn, aku kyoomēērō. 2 Achikana nyuun akaachuul kiyoo tākung'ātuunoot kitoomō kuuwoonyo. Āmu māchuulootēēn :pāyiisyōōnikwook nkōō taayuu Iriin. 3 Apkaata nyuun kiyoo kyoonyōōru nkōō kiyoo kyaateer. Ākoonyit ng'alēēchoochēē ākoowāliisyō. Aku nēē mooriip, āchōōnēy kilēē chōōriin āmoosōwuukwaan saayitiis choo āchōōnchinook. 4 Aku nyuun āting'ēy piich choo ng'ērin nkōō Saarti choo riipēy keey manam simnyoon. Āwēētootēy ākōō pichoochēē, ku /keelaak sirōōy choo reelacheen, āmu yāmēy kilēē nyoonēē. 5 Chiich nyoo kēēpēliisyō, /kēēloochinii sirōōy choo reelacheen. Mookōōltooy kaarinaa chiichoonēē mu kiitapuu sopoon, aku āng'uututooy inyeentee nkōō taayuu Paapa ākōō malaykeenichiich.
6 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich.
Lōkōōy chēpō kaaniisaa Pilateelpya
7 Sirchii ng'aleechu *malayiikayaantaa kaaniisaa Pilateelpya:
Lōkōōy :chu choo pkoonēē inyeentee nyoo tiliil aku pō man nyoo ting'ēy yootēywoontoo Tāwuti. Nyoo nēē yaat ku moomii :chiich nyoo muukēy kukar, ku nēē kar ku moomii :chiich nyoo muukēy kuyaat.
8 Ānkēt pāyiisyōōnikwook. Aroo kee, kyooyootwook nkōō taayuung'woong' kurkat nyoo mēēmuukēy kukar :chiich. Ānkēt kilē āting'ēy kaamuuka nyoo mining' akyooriip ng'ālyoontēēnyuun, amaatayaan. 9 Ā-irēy kupka taayuung'woong' akukutung'wook :Yāwuutik chēpō *Syeetaani, choo kuurēy keey kilē pō Iriin aku ng'uur. Sōwuuy nyuun :pichoochēē kilē āchāmook. 10 Āmu kyaamurta kilēē paani kyoomwoorwook, āriipook :mpō aneen nkōō pērēētuusyēpō kāātyāmuut choo pkōōnchinii ng'wēny tōkōl akuutyam piipō ng'wēny. 11 Āchōōnēy kilē weel. Āriipō kiyoo āting'ēy kukaraam tamasareenaak :chiich mālāktāng'woong'. 12 Ā-irēy chiich nyoo kēēpēliisyō kilēku kiptālēnyuu *Kōpō Iriin, amaakupēērēē kōyoonēē ākōy. Āsirchinii chiichoonēē kaarinaa Iriin ākōō kaarinaa kōōroo Iriin, Chēērusālēēm nyoo rēēl nyoo chōōnēē kipsēnkwēt wōloo mii :Paapa. Āsirchinii mpō chiichoonēē kaarineenyuun nyoo rēēl.
13 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich.
Lōkōōy chēpō kaaniisaa Laawotikyaa
14 Sirchii ng'aleechu *malayiikayaantaa kaaniisaa Laawotikyaa:
Lōkōōy :chu choo pkoonēē wōloo mii :inyeentee nyoo mwoorēy kilē lēē nyoonēē. Sōwiin :inyeentee nyēpō man nyoo /kiirānēy, aku toowuniin nyēpō kir aka tōkōl nyoo ki-ir :Iriin.
15 Ānkēt pāyiisyōōnikwook. Māākārtitō āmoolārootēēn. Katakaykay ntā kāākārtitō ntā koolārootēēn. 16 Aku, āmu ālālāng'ō, āmoolārootēēn ntā ku ākārtitō, ku lēēkit ang'uung'taak. 17 Āmwoorēēkwaan kilē, āmōkōrō. Ākooting'ēy kir aka tōkōl nyoo āmārēy amoomii :kir nyoo mooting'ēy. Aku, moorōōtēēkwaan kilē ānyārilsōōt, akyoolēku piich choo /kuriirēē, ākōō mēēy, ākookōryootēēn akaapka kimutultiin. 18 Āmwoorwook nyuun kilē a-aleenaan *kōōlti nyoo /kiikiitiliilēē ma, toolēkuu mōkōrō. A-aleenaan sirōōy choo reelacheen taalaaka āmoomutuultō ālēku sōōr. A-aleenaan saakit taa-iilee koonyikwook taamarartee. 19 Āpkoong'ēy ākoochuulēy piich choo āchāmēy. Achikana nyuun ākoowāliisyō.
20 Aroo kee, āmii kurkat ākuursyēy. Nēē teer :chiich kuutiinyuun akiyaat kurkee, āwēētiiy kō ākēē-āmiisyō :tōkōl. 21 Ātēnii inyeentee nyoo kēēpēliisyō kaamuuka kutēpō wōloo āpāytoorēē, kilēē paani kyoopēliisyō ākootēpō ākōō Paapa nkōō wōloonēē pāytoorēē.
22 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich.”