Lōkōōy chēpō kaaniisaa Ēpēēsō
2
1 Sirchii ng'aleechu *malayiikayaantaa kaaniisaa Ēpēēsō:Lōkōōy :chu choo pkoonēē chiichoonēē kanam kookeelichoochēē tisap nkōō ēēruunyiin nyēpō taay akumānootēērēē kwēēnuu tukuuchoochēē tisap /kiikōōnōōrēy taayitiis chu /kiiku-ira *kōōltiin.
2 Ānkēt kiyoo kyaa-ir :akwaan, ākoonkēt pāyiisyēēng'woong' nyoo kōrōōm ākōō murtaareeng'woong'. Ānkēt kilē ātāyēēkwaan kipng'ōōkiin. Kyaatyam mpō pichoochēē kuurēē keey *kāāyooytooyiipō Iriin ama *kāāyooytooyiik, akukyaaroo kilē ng'uur :pichoochēē. 3 Kyoomurtoochi nyāriluut akipō kaarineenyuun aku toomō āchoosyō.
4 Mpō ntā lēē nyoonēē, āting'ēēnook ng'ālyoontooni: Kyoomētēēkwaan choomnyēēng'woong' nyoo kiipō taay. 5 Apkaata yoo kyooputyēērēē ākoowāliisyō a-ir tukun choo kyoo-irēy taay. Ku nēē moowāliisyō āchōōnchinook akaang'usu kiing'woong' nyi /kiikōōnōōrēy taayit. 6 Aku ng'al :chu choo kāroomēēn akipō akwaan: āsāsēy ātēpuutēpō pichoochēē /kikuurēē Nikolaayik choo āsāsaa :mpō.
7 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich. Āchāmchinii chiich nyoo kēēpēliisyō ku-am choo pkoonēē kēētpō sopoon nyoo mii Paratisō nyēpō Iriin.
Lōkōōy chēpō kaaniisaa Simirna
8 Sirchii ng'aleechu *malayiikayaantaa kaaniisaa Simirna:
Lōkōōy :chu choo pkoonēē inyeentee nyēpō taay aku pō lēt, nyoo kiima akusop.
9 Ānkēt usāt nyoo kyoonyōōru ākoonkēt mēēywoontiing'woong', aku akwaan mōkōrō! Ānkēt mpō seemseem nyoo āmēēnook :Yāwuutik choo kuurēy keey kilē pō Iriin ama pō. Pō :pichoochēē *Syeetaani. 10 Maawar kir aka tōkōl nyoo anyārilēy. Irēy *:Syeetaani /keerat mu korkoreet walak nkōō akwaan /kuutyamaak /akēē-usook pērēētuus taman. Ātiirēēnoon keey mpō nēē /kumar /keeparaak. Ākōōnook mālāk nyēpō sopoon.
11 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich. Chiich nyoo kēēpēliisyō ku mānyōōruuy ng'woonin mpō kiitēēn nkōō meerat nyēpō ārēēny.
Lōkōōy chēpō kaaniisaa Pērkāmōōn
12 Sirchii ng'aleechu *malayiikayaantaa kaaniisaa Pērkāmōōn:
Lōkōōy :chu choo pkoonēē :inyeentee nyoo ting'ēy rōōtwoo chōōk nyoo litaat kāmōōsiik tōkōl.
13 Ānkēt kilē āmāng'ēy wōloo pāyuuy *:Syeetaani, aku nyuun āmii ākiilchinoon keey. Amaatay mpō areenyuun nkōō pērēētuusyēchoochēē kiipō Antipaas āmtooyiintēēnyuun nyoo kiiryoong'ō man nyoo /kiikupar nkōō kwēēnuung'woong' wōloonēē māng'ēy *:Syeetaani. 14 Aku nyuun āting'ēēnook kwiintaan choo ng'ērin āmu mii :piich kwēēnuung'woong' choo tuupēy koonēētiisyoo Palaam nyoo kiisaarsaar :Palak kuuchuunnyō piipō *Israayeel ku-am kōrōs choo kaku-irchi kaanaamoon aku-ir takal. 15 Akimii mpō walak choo tuupēy ng'al choo lēē choochēē choo nēētēy :Nikolaayik. 16 Kunyuun, āwāliisyēē! Nēē moowāliisyō, āchōōnchinook kilē weel ākoopooryēērēē pichoochēē nkōō rōōtwoo chōōk nyoo chōōnēē kuutiinyuun.
17 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich. Ātēnii chiich nyoo kēēpēliisyō maana nyoo /kiikuwung'. Ākootēnii chiichoonēē kor nyoo rēēl nyoo /kiikusirchi kaarin nyoo rēēl nyoo mēēnkēt chiich aka king'ētu inyeentee nyoo /kuutēnii koroonēē.
Lōkōōy chēpō kaaniisaa Tyaatiira
18 Sirchii ng'aleechu *malayiikayaantaa kaaniisaa Tyaatiira:
Lōkōōy :chu choo pkoonēē Wēēroo Iriin nyoo lārsōōt :koonyiichiich kilēē ma akuuryālsōōt :kēēlyēn kilēē kir nyoo kōryōōlēy piich.
19 Ānkēt rāyiityēēng'woong', choomnyēēng'woong', kaaraneeng'woong', pāyiisyēēng'woong' ākōō murtaareeng'woong'. Ānkēt mpō kilē āmii ākiilēy keey kitya kusiir taay. 20 Aku nyuun āting'ēēnook kwiintaan nkōō ng'ālyoontooni: Āmurtoochinii Cheeseepeel, cheepyoosoonoonēē kuurēē keey *ōōrkooyoontoo Iriin, kiineet akung'aal kipāyitiinēchuuch kii-ir takal aku-am āmiisyō nyoo kāku-irchiinō kōrōs kāānoomōōn. 21 Kyootē cheepyoosoonoonēē pārooyin kuwala nkōō takalaantiinyiin, ku maakucham kuwala. 22 Kunyuun āwiirchinii inyeentee kōrōōy akaa-ir pichoochēē kii-ir takal tōkōl kunyaril kitya, nēē māwāliisyō nkōō ng'alēēchoochēē pō cheepyoosoonoonēē. 23 Āpārēē laakōōpō cheepyoosoonoonēē meerat. Yoonēē nyuun yoo sōwuunēē :kaaniiseen tōkōl kilē aneen :nyoo āsyookēy kāāpkootuutēpō piich tōkōl ākōō kiyoo mārēy :pichoochēē. Ākootēnii chiich aka tōkōl kutuup keey ākōō kiyoo kiiku-ir. 24 Aku akwaan walak nkōō Tyaatiira, choo maanam koonēētuutēchoochēē pō cheepyoosoonoonēē, amaaneet keey tukun chēpō kwōng'uut choo ung'ootēēn chēpō *Syeetaani, āmwoorwook kilē mookōōnook nyikisin aka. 25 Wōloo nyuun anama ng'aleechoochēē kyoonyōōru ākōy āchōōn.
26 Ātēnii chiich nyoo kēēpēliisyō akutuup ng'aleechuuch ākōy lēt kaamuuka kupayta kōōrootin. 27 Pāytoorēē :inyeentee kaaryaa karin aku ryēchinii kilēē tērēēn.† 28 Nyōōruuy kaamuuka nyoo lēē nyi kyoonyōōrchi Paapa. Ātēnii mpō inyeentee kookeelyaantaa kutākwoorō.
29 Nyoo ting'ēy iit kuteer kiyoo mwoochinii :Toomirmiir nyoo Tiliil kaaniiseenichiich.