NG'OONG'UUT
nyoo /kiikung'uuti Chowaana
Taayuu
1
1 Ng'oong'uut :nyi nyoo kiitē :Iriin Yēēsu *Kiriistō kung'uuti piichiich ng'al choo kiipēētiiy ku-iriisōōt kilēēkit. Kiiyooku :Yēēsu malayiikayaanteenyiin kung'uutwoon kipāyityoontēēnyiin Chowaana ng'alēēchoochēē. 2 Āmwoorwook kiyoo kyaaroo: kiyoo kiimwa Iriin ākōō ng'al chēpō Yēēsu *Kiriistō. 3 Pēēruuroot :chiich nyoo sōōmānēy ng'aleechu /kiikung'oor, akuupēēruurootēēn :choo yāpchinii iit akutuup kiyoo siraat, āmu lēēkit ku-iriisyō :ng'aleechu.Tookwēēsuut chēpō kaaniiseen tisap
4 Aneen :nyi Chowaana. Ātookwēēsook kaaniiseen tisap chēpō kōōroo Eesya. Kuupēēruurook akukōōnook kaalya :nyoo miitō akiimii aku nyoo chōōnēy ākōō toomirmiirēyiichiich tisap choo mii taayuu ng'acharaa pāyuunāt nyēpō Iriin. 5 Kuupēēruurook akukōōnook kaalya :mpō Yēēsu *Kiriistō nyoo inyeentee nyoo mwooruuy man, aku inyeentee nyēpō taay /keeng'eeta meerat aku pāyuuy pāytooyiik chēpō ng'wēny. Tōrōōroot :Yēēsu nyoo chāmēēch akiitarta kērētiichiich sikuutyaaytaareeneech ng'ōōkiichooch. 6 Kiitapaaneech :Yēēsu kēē-irchii pāyit Iriin nyoo Paapeenyiin akeepayta ākōō inyeentee. Kutōrōriit :inyeentee nyoo ting'ēy kaamuuka ākōy. Lēē nyoonēē.
7 Aroo kee, chōōnēē :inyeentee pool,
aku rōōtēy :chiich aka tōkōl,
mpō choo kiipārēy inyeentee.
Nkōō yoonēē ku riirsōōt :piipō ng'wēny tōkōl.
Ēē, lēkuuy nyoonēē.
8 Mwoorēy :Kiptaayaan Iriin nyēpō Kaamuuka tōkōl nyoo mii, akiimii aku nyoo chōōnēy kilē, “Aneen Alpa ākōō Omeeka, ātoowuuy ākoowoong'uuy.”
Ng'oong'uutyoo Yēēsu
9 Aneen wēēriing'woong' Chowaana nyoo kunyārilēy :tōkōl akipō pāyiisyoo Yēēsu. Kyoonyōōrwaaneen :mpō muurtaar nyoo kōōnuuy :Yēēsu *Kiriistō ākēēmii tōkōl pāyuunātēēnyiin. Kiikurātyoon Paatmō kōōroonoonēē kiikwēēn :pēr āmu kyaamta ng'ālyoontoo Iriin ākōō lōkōōyipō Yēēsu *Kiriistō. 10 Kinaman :Toomirmiir nyoo Tiliil nkōō pērēētuu Chumāpiili, nkōō yoonēē, ateer chērāt nkōō lētuunyuun nyoo ōōw nyoo lēē nyēpō ryampu 11 nyoo kiimwooru kilē, “Sira kiyoo irōōtēy, akiiyoochi kiitapuunoonēē kaaniiseenichu tisap Ēpēēsō, Simirna, Pērkāmōōn, Tyaatiira, Saarti, Pilateelpya ākōō Laawotikyaa.”
12 Nkōō yoonēē awarak keey aroo kilē ng'oo :nyoonēē kiing'āloolwoon. Paani kaawarak keey, aroo tukun tisap chēpō *kōōltiin choo /kiikōnōōrēy taayitiis. 13 Nkōō kwēēnuu tukuuchoochēē, ku kiimii :kir nyoo lēē chiich nyoo kiilaak sira nyaa koor nyoo kiitiing'ēy ng'wēny, akiikurata anka takeenyiin nyoo kiikunaapa *kōōltiin. 14 Kii rēēl :mēt akiireelacha puutēpō chiichoonēē kilēē chē ntā ku tonkoros, ākiilārsōōt :koonyiichiich kilēē ma. 15 Kiiryālsōōt :kēēlyēēchiich kilēē kir nyoo kōryōōlēy piich. Kiitulēy :kuutiinyiin kilēē pēr choo suruurtooy. 16 Kiināmēē ēēruunyiin nyēpō taay kookeel tisap ākichōōnō kuutiinyiin :rōōtwoo chōōk nyoo litaat kamastiinak tōkōl. Akiilēē tokoch asiis nyoo kalar kitya.
17 Paani kaaroo chiichoonēē, āputi kēēlyēēchiich kilēē chiich nyoo kama. Kutiing'ēēnoon ēēruunyiin nyēpō taay akimwoorwoon kilē, “Mēēwāriisyō, aneen nyēpō taay ākōō nyēpō lēt. 18 Ākoosopoot :aneen! Kiikyaameer, aku roo kee āsopoot ākōy nkōō ākōy ākooting'ēy yootēytiinēpō meerat ākōō kōōroo ooy.
19 Kunyuun, sira tukun choo kiiroo ākōō choo irōōtēy ākōō choo iriisōōt lētuun. 20 Kiyoo ng'uutuuy :kookeelichoochēē tisap kēērōōtinii ēēruunyuun nyēpō taay ākōō tukuuchoochēē /kiku-ira *kōōltiin choo /kiikōōnōōrēy taayitiis ku nyi: Kookeel tisap ku malaykeenipō kaaniiseen tisap, ku tukuuchoochēē tisap /kiikōnōōrēy taayitiis ku kaaniiseenik tisap.