Ng'oong'uut 4

Ng'acharaa pāyuunāt mu kipsēnkwēt

1 Nēē mii yoonēē, /kēēng'oong'woon kurkat nyoo kiyaata mu kipsēnkwēt. Ateer kuut kilēē ryampu nyoo lēē nyi kiikaatēērēy kung'āloolwoon. Kumwa kilē, “Chōōnō wōli pō parak soong'uutuun tukun choo iriisōōt lētuun.” 2 Kinaman kilē weel :Toomirmiir, akaaroo ng'acharaa pāyunāt mu kipsēnkwēt nyoo kātēpō :chiich. 3 Kiiryālēy :tokochpō chiichoonēē kilēē kor pō almaasi aku lēē kor nyoo pirir nyoo lēē pukat. Kiimuruut yoonēē kiitēpēē :chiichoonēē :kuuynoo pan nyoo kiipkāng'ēy nyoo nyariil kilēē kōr nyoo /kikuurēē simāriitiit. 4 Kiikiimuruut ng'acharaanoonēē ōōw :ng'achareenik walak choo lēē tiptēm nkōō ang'wan chēpō pāyuunāt, akiitēpēē ng'achareenichoochēē :pooy choo lēē tiptēm nkōō ang'wan. Kiilookēy :pooyichoochēē sirōōy choo reelacheen akuulookēy kuutwēēnipō pāyuunāt choo /kiiku-ira *kōōlti. 5 Kiiryāluuy ng'acharaanoonēē ōōw akutulēy kitya. Kilārsōōt :teereer tisap nkōō taayuu ng'acharaanoonēē. Kii toomirmiirēyiipō Iriin teereerichoochēē. 6 Kiimiito :kir aka taayuu ng'acharaanoonēē nyoo lēē araaray nyoo kii ryālēy kilēē kii-ōōy.

Kiikiimuruut ng'acharaanoonēē ōōw :tukun ang'wan choo sāpyootēēn akiinyir :koonyin pōōrwēyiikwaak taay ākōō lēt. 7 Nyēpō taay nkōō tukuuchoochēē ku kiilēē ng'ētuny, ku nyēpō ārēēny ku kiilēē kiiruk, nyēpō sōmōk ku kiilēē :tokochtanyiin nyēpō chiich, ku nyēpō ang'wan ku kiilēē siirērō nyoo tiriirtooy. 8 Kiiting'ēy :tukuuchoochēē tōkōl kapapay lo choo kiinyir :koonyin kāmōōsiik tōkōl. Kiimāchoosōōt :tukuuchoochēē pērēēt ākōō lang'a kumwoorēy kilē,

“Tiliil, tiliil, tiliil :Kiptaayaan Iriin

nyēpō kaamuuka tōkōl,

nyoo kiimii, akimii aku tākuchōōnēy.”

9 Kii nēē mii :tukuuchoochēē kuutōrōōrēy, kuukoonyitēy akimwoochinii kōōnkēy inyeentee nyoo pāytooy aku sopoot ākōy, 10 ku kiiputinii :pooyichoochēē lēē tiptēm nkōō ang'wan taayuu chiichoonēē tēpēē ng'acharaa pāyuunāt, akukutunchinii nyoonēē sopoot ākōy. Kiitēnii :pooyichoochēē kuutwēēnikwaak taayuu ng'acharaanoonēē akimwoorēy kilē,

11 “Iriin nyoo ichō Kiptaayaantēēnyoon,

nyooluuy /kēēloosuunyēēn nyoo iting'ēy kaamuuka /ākēēkoonyitin,

āmu ki-ir kir aka tōkōl.

Kii-iriisyō :tukuuchoochēē tōkōl akusopsōōt

āmu kiimārēēnyēēn kilēē nyoonēē.”