Êbajoorumay yata kuñool Nowe
10
Êbajoorumay yata kuñool Nowe mo ma egam: Seŋ, di Kaŋ, di Japhe kugam kuñoolool. Be na mumelamu mata Emitay mugam mulhaalhe, di kubaj poop kuŋilaku.Kuñool Japhe
2 Japhe nabaj Gomer, di Magoogi, di Maday, di Jabaŋ, di Tubal, di Meseki, di Tiraas.
3 Gomer nabaj Askenas, di Riphati, di Togarma.
4 Jabaŋ nabaj Elisa, di Taarsis, di Kitiŋ, di Dodaniŋ.
5 Êbajoorumay yatayiil yo yawaasoorum ki kukin ñata mulhuwamu, ma kuga bukanookan di hiilhahu hatayiil, di, di poop elobay yatayiil.
Kuñool Kaŋ
6 Kaŋ nabaj Kusi, di Misrayiŋ, di Puti, di Kanaaŋ.
7 Kusi nabaj Saaba, di Avilaa, di Sabtaa, di Rama, di Sabteka. Rama nabaj Saaba, di Dedaŋ.
8 Ban Kusi nabaj Ninrodi,a be Ninrodi naga anaw âtiyaaraw agam hûlaamahu di etaamay. 9 Naga ban Emitay di yeenenool ma aga alhuuñaaw âamak. Momakiimom ma Kêenumem: “Emitay ekaan uga alhuuñaaw âamak non Ninrodi.” 10 Be kâtiyaar etaamay yatawool êcukumul di êsukay yata Babel, ban di ekay be Ereki, di ekay be Akadi, di ekay be Kalne, sammi di bantaabu bata Sinar.b 11 Ban nâcaalhumuu'bo ma akay be di bantaabu bata Asiiriya, ba ârimmi nacookoor êsukay yaaneyim Ninivi, di Rewobot-Ir, di Kala, 12 di poop Reseŋ yammi ma etutom Ninivi di Kala, yagam êsukay yâamak.
13 Misrayiŋ nabaj Ludiŋ, di Anamiŋ, di Leeyabiŋ, di Naphtuwiŋ, 14 di Patrusiŋ, di Kasuluyiŋ akiim êbajoorumay yata philistewwi, di poop Kaphtoriŋ.
15 Kanaaŋ nabaj Sidoŋ agam añoolool âtiyaaraw, di Eti, 16 di poop bukanaku kagam jebusewwi, di amorewwii, di jirgasewwi, 17 di êvewwii, di arkewwi, di sinewwi, 18 di arbadewwi, di jemarewwi, di poop amatewwi. Ban piyo, êbajooruma'uyu yata kananewwii, di ewaasoor. 19 Êcacoorumay yatayiil di êcukumul di êsukay yata Sidoŋ, ban di eyab Jerar ma ehul be Gaasa, êriiŋ di ekay be Sodooma, di Gomoora, ban di eyab Adma, di Zeboyiŋ, ma ekay be Lasa.
20 Moo, êbajoorumay yata Kaŋ mo ma egam. Be di kuga bukanookan di hiilhahu hatayiil, di sîsukasu satayiil, di poop elobay yatayiil.
Kuñool Seŋ
21 Seŋ araheem Japhe, oo abaam bukanaku peh kata êbajoorumay yata Eber.
22 Be kuñool Seŋ, koo keemom, Elaŋ, di Asur, di Arphasadi, di Ludi, di poop Araŋ.
23 Araŋ poop nabaj Ûs, di Ul, di Jeter, di poop Maas.
24 Arphasadi poop nabaj Salaa; ban Salaa nabaj Eber.
25 Eber nabaj kuŋilaku egaba. Aahu yaani Pelegi,c mata na abajim no na etaamay êgiitoorim. Aahu naani Joktaŋ.
26 Joktaŋ nabaj Almodaa, di Selephi, di Asarmavi, di Jeera, 27 di Adoraŋ, di Usal, di Dikla, 28 di Obal, di Abimayel, di Saaba 29 di Ophiir, di Avilaa, di poop Jobabi. Buke peh ko kagam kuñool Joktaŋ.
30 Etaamay yatayiil da kukimmi, êcukumul di êsukay yata Meesa, be kaŋ Sephar yammi di kurimbiliŋaku ba jaley âcaalhumewuum.
31 Buke ko kagam kuñool Seŋ. Ma kuga bukanookan di hiilhahu hatayiil, di sîsukasu satayiil, di poop elobay yatayiil.
32 Buke peh ko kagam êbajoorumay yata kuñool Nowe, kawaasoorum di etaamay peh na mumelamu mâmakaamu mulhaalhum ma Emitay elubulom.