Êbajoorumay yata Adoŋ
5
Êbajoorumay yata Adoŋ mo ma egam: Na Emitay êwwemmi bukanaku, di egawiil ma kunaamoor di yo. 2 Ña di ega ânniinaaw koo di anñaakanaw, ban di ewuliil hûpiiraahu, ban di yeeniil mbi kêemi ejamaatay.
3 Na Adoŋ agam ujaañaw êteemeer di anabawo di kunŋen (130), nabaj aŋilaw a kunokoorum coc, nagawool kañaaŋaku kata Seeti. 4 Na abaam Seeti, ban nalako to ujaañaw sîteemeerasu hutok di sîhaaji (800), nabaj kuŋil kaaku kîinaaku, di kaaku kaaraaku. 5 Be na agam ujaañaw sîteemeerasu hutok di sibakiir di anabawo di kunŋen (930), naket.
6 Na Seeti agam ujaañaw êteemeer di hutok (105), nabaj Enos. 7 Na abaam Enos, ban nalako to ujaañaw sîteemeerasu hutok di sîhaaji, di hutok di ugaba (807), nabaj kuŋil kaaku kîinaaku, di kaaku kaaraaku. 8 Be na agam ujaañaw sîteemeerasu hutok di sibakiir di kunŋen di ugaba (912), naket.
9 Na Enos agam ujaañaw bukanaku ebakiir di kunŋen (90), nabaj Kaynaŋ. 10 Na abaam Kaynaŋ, ban nalako to ujaañaw sîteemeerasu hutok di sîhaaji di kunŋen di hutok (815), nabaj kuŋil kaaku kîinaaku, di kaaku kaaraaku. 11 Be nagam ujaañaw sîteemeerasu hutok di sibakiir di hutok (905), naket.
12 Na Kaynaŋ agam ujaañaw bukanaku êhaaji di kunŋen (70), nabaj Maalalel. 13 Na abaam Maalalel, ban nalako to ujaañaw sîteemeerasu hutok di sîhaaji, di bukanaku egaba (804) nabaj kuŋil kaaku kîinaaku, di kaaku kaaraaku. 14 Be na agam ujaañaw sîteemeerasu hutok di sibakiir di kunŋen (910), naket.
15 Na Maalalel agam ujaañaw bukanaku êhaaji di hutok (65), nabaj Jaredi. 16 Na abaam Jaredi, ban nalako to ujaañaw sîteemeerasu hutok di sîhaaji di anabawo di kunŋen (830), nabaj kuŋil kaaku kîinaaku, di kaaku kaaraaku. 17 Be na agam ujaañaw sîteemeerasu hutok di sibakiir, di bukanaku ebakiir di kunŋen di hutok (895), naket.
18 Na Jaredi agam ujaañaw êteemeer di bukanaku êhaaji di ugaba (162), nabaj Enooki.
19 Na abaam Enooki, ban nalako to ujaañaw sîteemeerasu hutok di sîhaaji (800), nabaj kuŋil kaaku kîinaaku, di kaaku kaaraaku. 20 Be na agam ujaañaw sîteemeerasu hutok di sibakiir, di bukanaku êhaaji di ugaba (962), naket.
21 Na Enooki agam ujaañaw kîyyaku kûhaaji di hutok (65) nabaj Metusaleŋ. 22 Be narees jak di buruŋabu bata Emitay be na agam ujaañaw sîteemeerasu sîhaaji (300), ban nabaj kuŋil kaaku kîinaaku, di kaaku kaaraaku. 23 Ban nalako to ujaañaw sîteemeerasu sîhaaji, di kîyyaku kûhaaji di hutok (365), 24 be na anken ma arees jak di buruŋabu bata Emitay be na an ajukutoom, mata ma ekayum d'oo.
25 Na Metusaleŋ agam ujaañaw êteemeer di kîyyaku kubakiir di hutok di ugaba (187) nabaj Lameeki. 26 Na abaam Lameeki, ban nalako to ujaañaw sîteemeerasu hutok di sigaba, di kîyyaku kubakiir di ugaba (782), nabaj kuŋil kaaku kîinaaku, di kaaku kaaraaku. 27 Be na agam ujaañaw sîteemeerasu hutok di sibakiir, di kîyyaku kûhaaji di hutok di ubakiir (969), naket.
28 Na Lameeki agam ujaañaw êteemeer di kîyyaku kubakiir di ugaba (182) nabaj aŋilaw îinaaw, 29 be nagawool kañaaŋaku kata Nowe ma âanul: “Emitay ma egam etaamay kapaawaaku, aŋilaw ume oo mbi agaylenolaal di bugoroorabu ba ugawaalem, di poop hûlaamahu ha oomaam di ho.” 30 Na abaam Nowe,a ban nalako to ujaañaw sîteemeerasu hutok, di kîyyaku kubakiir di kunŋen di hutok (595), nabaj kuŋil kaaku kîinaaku, di kaaku kaaraaku. 31 Be na agam ujaañaw sîteemeerasu hutok di sigaba, di kîyyaku kûhaaji di kunŋen di hutok di ugaba (777), naket.
32 Na Nowe agam ujaañaw sîteemeerasu hutok (500), nabaj kuŋilaku êhaaji, kaamom Seŋ, di Kaŋ, di Japhe.