Tàànmàshɛn ɲɛɛ̀nuàn warakabaà
5
1 Àyìwà, tà shɔ̀ùn, nìi tsùuŋnà màsà gbaaniɛn tsɛ, min sɛbɛn miniunma sɔn ja tɔ̀ sirama sia doùn. Sɛbɛndzian faɔ̀ à jaà ko à bòòn sa tsɛ. À dzii na tsyeeŋna ko tàànmàshɛn ɲɛɛ̀nun ka. 2 Tà shɔ̀ùn kɔn, min mɛ̀rɛ̀kɛ dzitsi sɔn ja, tɔ dziàn fààn na ci: «Tsì rii wù ko nèe tàànmàshɛn nee reè warakaa ka, è sɛbɛɛn dzii san ?» 3 Ŋà, mòò pɛn naà ni jìrànxɔ rɔ̀n, ko dzɔ̀nxɔɔ̀ tsɛ, ko dzɔ̀nxɔɔ̀ dzuun, nìi nà dzi sɛbɛn nee dzii san à y'à siin waa. 4 Min gɛɛy tɔ̀un cɛyn, kàtsu mòò pɛn na ja, nìi wù è sɛbɛn nee dzii san, à y'à siin waa. 5 Tɔ̀un, bɔɔ rèè sɔn yeè dzin mun na ci: «Maà gɛɛy waa. Yudà tsua dzin jɛ̀r'la, màsà kpiri Dawudà màdoon, tɔ dzi tarau. Tɔ dzia tàànmàshɛn ɲɛɛ̀nuàn waraka, è sɛbɛn nee dzii san.»6 Tɔ̀ ɲan, min sààtòmòìrii sɔn tsiiŋma jà màsà gbaaniɛn, ko gè jaama naàlen nèè ko mòòbɔɔ rèè fi, tɔ ni a ci à vuɔ̀ saaka. Bin ɲɛ̀ɛ̀nun ni à re, ko jaadzin ɲɛɛ̀nun, tɔ Ŋaablà re dzi ɲɛɛ̀nuàn, nìi reè ka beò dziɲan tsiɛ min niì sapɛ. 7 Nìi tsùuŋnà màsà gbaaniɛn tsɛ, sààtòmòìriɛ yè nà, è sɛbɛɛn tsi tɔ̀ sirama sia doùn. 8 À sɛbɛɛn tsiu min niì, gè jaama naàleèn ko mòòbɔɔ mòo nààleèn sapɛ yeè e kunun gban ji à bììn. Dàan ni è sapɛ suun, ko yukuun sɛnuma ì, twɛy tsyɛɔ̀n wushunaà nà. Twɛy gè rèè Ŋaablà re modzìn neè rè màfyɛyn nèè. 9 È na ye yeu sɔn cee ci: «Ɔ̀ɔn, wo rìì dzia sɛbɛn nee tsi, wo y'à tàànmàshɛn neè waraka, kàtsu, wo vuu, wo yè bà saaka, mòdzin neè swey kùngɔ mà yè bo wo tsìɛn ka, yè bà Ŋaablà raa. Dziɲan tsiɛ tsua sapɛ mòdzin ì ni è ɲan, kungoòmà rèè sapɛ modzin ì ni è ɲan, jàmàan rèè sapɛ modzin ì ni è ɲan, kuan sapɛ modzin ì yè bà ni è ɲan. 10 Wo yè è bàu màsa ì ko saaka goojaabobaa ì mùn ne Ŋaablà re. È nà e tsuù màsàbee tsɛ dzɔ̀nxɔɔ̀ tsɛ.»
11 È mun to siɛ̀n nà arì she, min mɛ̀rɛ̀kɛ giri vu myɛ̀n. È na giri fɔ è bè geren, è naà dzia dan è dzii tsu yeè tɔ̀ waa. È na tsìiŋnà, yè màsà gbaaniɛn, ko gè jaama reè ko bɔɔ rèe rèè laguru. 12 È na dziàn fààn na ci: «Sààdzìniin niì vuu è bà saaka, tɔ wù ko dzibaabee ka. À wù ko gètsìfàbee ka, à wù ko akiriblabee ka, à wù ko fàan ka, à wù blàbee ka, à wù à nɔɔrɔɔ̀ yè kpàdè, è bà wù tsoo dzi yeè ɲɛn à tsɛ.» 13 Ŋaablaxɔɔ̀ doun ge reè, ko dzɔ̀nxɔɔ̀ tsɛ raa rèè, ko dzɔ̀nxɔɔ̀ dzuun naa rèè, ko kòòyua ɲàn raa rèè, gè ɲɛunmaà ko e kur'la sapɛ, mun yè è vu myɛ̀n, è dziàn ci: «Nìi tsùuŋnà màsà gbaaniɛn tsɛ, ko Sààdzìniɛn, tsoo dzia wù è ɲɛn ye rìì tsɛ. Blàbee ko nɔɔrɔɔ̀ ko dzitsifabee ye rìì laa watsi sen ɲɛn watsi tsɛ. 14 Gè jaama naàleèn na dziàn ci: «Àmiinà !» Mòòbɔɔ rèè yè e kunun gban ji tɔ̀un, yè e kuu, yè blàbee fa.