Arunà: Ibraxima Ishakà kereu, Ishakà yè Yàkubà kere, Yàkubà yè dzin kpiri teeŋ fii kere. Twɛy teeŋ fiɛ̀ ɲàn, sɔn tsoo na Lɛvì. Arunà bou tɔ̀ tsua rìì ɲàn. Ŋaabla wò rii jɔ̀na bou, à y'à tsùù saakagoojaabobaa, à to yè dzin ci saakagoojaabo reè yè boò Arunà raa tsua dzin nèè ɲàn kudɛyn (Luki 1.5; Kɛɛradzin neè faadziɛ 7.40).Arunà na Musà raa tsìnà kpir'la. È fiɛ sapɛ faagoò fau esire, yè Isirayɛlidzin neè bo jònbee ɲàn Misiran jamaan doùn.Ibraximà: Ibraximà nì bàu Isirayɛlidzin neè fà jɔ̀naà. Ŋaabla dziun ci è bo e fatsiɛ doùn, è jàmaan ɲan, wo nà nìi kpàdè à ra. Ŋaabà y'a làyiri sen à re, ci wo nà tɔ̀ jàmaan rèe sìn à ko e tsua dzin nèè rà è bà è raa, yè e tsuù à doùn. Ibraximà Ŋaablà vu kuun. Ŋaablà yeè dzyèèsìbe wɔ ko a kà. Tɔ̀ kamà, à tsua dzin nèè yè kiri ci Dzyèèsìbbee mòdzin neè. Ibraximà rè tààn tsòò na Saràn. È Ishakà ker'là watsi riì bwey, è fiɛ̀ sapɛ na bɔrɔɔ.