Pɔl'lè làtsìì latan neè ko tswɛ̀ɛ
13
1 Àwà mun yɛ nà bè n jaa zhiigira ɲan ye kpà. Min wɔ mɔn, goò sapɛ jaa nà bo shɛɛrɛ fii tàmafa zhììgi devu tsɛ. 2 Mun bèumaà bo ye kpà n jaa fiiraa ɲàn, mun nìi dèu, mun nà sèè tɔ̀ tsɛ kɔn dòònun m'a dè gooɲaanfabaa bɔrɔɔ reè rà, tà ko dzyee rèè sapɛ, tɔ̀ y'a tàrà mun na ni mɔn waa. Tɔ̀ rii yɛ, ci mun ye wɔ mɔn kɔn, mun fa à dzii dzibe mòò pɛn na waa. 3 È ɲɛn à tsɛ ye tààmàshyɛn ni gaa nìi nà à kpàdè ye ra, ci Kirisà goomaa mun ɲan. Kirisà ŋɔ̀n na fyɛn ye kàjaa tsɛ waa, ŋà è re dzibaabee kpàdèe ye ɲan. 4 À sààben, à kpɛ̀yn gbaun gɔɔ̀ rà è ɲɛn à re ŋɔ̀nfyɛ̀nbee tsɛ. Ŋà à jaama ni dòònun, Ŋaablà re dzibaabee baraka rɔ̀n. À ɲan, ɲe sa ŋɔn fyɛn, ŋà Ŋaablà re dzibaabee baraka rɔ̀n, ɲe nà bà jaama ko à ka ye kàjaa tsɛ.5 Ye yɛ̀r'leè yè e yɛrɛ ɲansiin cɛyn, y'a siin ye ba ni ɲɛynaà shia tsɛ o. Ye e yɛrɛ dzuun bo siin. Tàà ye yɛ̀r'leè na à tɔ̀ ci Yesù Kirisà ni ye ɲan ɔn ? Fɔ ye ɲansiinmaà ye ye rìì kun. 6 Ŋà ɲe, ɲe si xɔ à tsɛ, ci ye nà à tɔ̀ ci ɲe ɲansiinmaà na ɲe kun waa. 7 Arì she, ɲe Ŋaablà mafyɛ̀ɛ̀n, ye mà nà ɲaan pɛn fa waa. Ɲe na gaa ɲe rìì yè bà dzi tarabaa e ɲansiinmaà doùn dɛ, ŋà ye rìì yè wùɔ fa, arì ɲe ɲansiinmaà kɛ̀sɛɛn ye ba nà ɲe kun. 8 È ɲɛn à tsɛ, ɲe fa dzi goo sɔn pɛn fa sààbeen kamà waa, fɔ ɲe y'à dzun kun nì. 9 Àwà ɲe ŋɔ̀n ye ba fyɛn watsi riì bwèy, fààn ye bà ni ye ɲan, ɲe taama bàa dzi. Ɲe raa màfyɛɛ̀n kùngɔɔ̀ rìì yɛ, ye dzii yè bà tsyɛɔ̀n. 10 Tɔ̀ kamà è mun to mun dan gbàn ye ra, mun nèe sɛbɛn nee kaà ye re, gè riì ni à to min na bà ni mɔn, mun mà goo rèè jaa bo ɲinmataanbe ka è kòrò Tsìfaà rè fààn siunmaà ka mun na waa. È ɲɛn à tsɛ, à tɔ̀ siɔ̀n mun na ye bara kamà waa, ŋà ye yè fààn tarà.
11 Dòònun n neema ì, ye taama dzibe, ye fààn wɔ e si ɲan, ye e si màxɔ̀n, ye byɛ̀n soo ma, ye jaamabee fa jaancin doùn. Tɔ̀ tsuru, kɛ̀nbààbee ko jaanciàn Ŋaabla nà bà ni ye ka.
12 Ye e si tswà kɛ̀nbààbè tswɛy doùn ! Ŋaablà re mòò reè sapɛ ye tswàa.
13 Arì she, Tsìfa Yesù Kirisà ɲanwuɔ̀, ko Ŋaablà re kɛ̀nbààbee, ko Ŋaablà re Dzi Fɛnɛɛ rè dzyèèsìbee, twɛy yè bà ni e sapɛ ka.