Ɗerewel hid məpərmay
mə ɗəɗefen a ibraninkigi
Pət am ɗerewel nhi
Ɗerewel mə ɗəɗefenta a ibraninkiy nhi, hidiy a səniy hid mə ɗəɗef tik bəgwən, zəba a ɗəɗefenta a yi mə səna law law ɗahkwən. Amma mana hid aa jangi ɗerewel səna, hid av kə sən tik, hid mə ɗəɗef tik njə yahuda, za a ɗəɗefen a vənennigi, yahudiy mə səbiy Yesu (6: 9). Kukwəɗ mə janen a yahudiy mə səbiy mozlokotuf ngə Yesu səna za, za taniy aa mayiy kə jəɓiy tan am mə zugzugwa ngatan. Hid mə ɗəɗef ɗerewel səna, a may kə ceɗenta, Bayzlav a zlənah Yesu mana masay mordoy təm jik Bayzlav mana taniy mə sənta. Kristu day masay mordoy ngatan səna ɗər. Sin day mbaslayiy ngə Bayzlav ɓəw sin day Musa. Za hid mə ɗəɗef ɗerewel səna, a vəlen gədan a hidiy kə vəliy nəv ngatan hoyhoy a Bayzlav, mana hidiy taməcek mə vəlenta (11: 1-39). Ɗerewel nhi a zləgam atalan mə par par: A zləgam atalan Malkisadaka (7: 1-10), atalan Yesu day mbaslayiy ngə Bayzlav (1: 4), sin day Musa (3: 3). A zləgam atalan masay mordoy təm jik Bayzlav ɓəw a zləgam atalan vəl nəv a Bayzlav. A liɓ ɗerewel səna, hid mə ɗəɗef tik tu zləgam ma par par təm jaw bərngəzl tamicek. Zləgam tə liɓ ɗerewel nhi, aa vəlen gədan a hidiy mə səbiy Yesu tapica, hidiy taa wəzəniy am səb mozlokotuf ngə Yesu ɓəw mə njə kə səbiy mə zugzugwa tamicek.
Mana ɗerewel nhi mə wəzak avə səb tik avə səb tik:
Yesu day mokotufiy ngə Bayzlav: 1:1-3
Sin day mbaslayiy ngə Bayzlav: 1:4-2:18
Sin day Musa: 3:1-4:13
Kəzəɗ ngetik day təkəniy cike wayza: 4:14-7:28
Jawbərngəzl sin mə ɗiy avə hidigi, day təkəniy cike wayza: 8:1-13
Sin mə vəl talan ngetik kə məc day hidiy mə njə kə fatenta təkəniy huvu a Bayzlav: 9:1-10:18
Bayzlav a luw hidiy kə vəlenta nəv ngatan: 10:19-12:1-29
Bayzlav a luw hidiy kə mayiy kəsəm am walan tan hoyhoy: 13:1-17
Zləgamiy ngə way tik: 13:18-25